|
كل الخريجات العاطلات تعالو تشمتو
الخبر إيقاف محاضِرة متعاقدة من إحدى الدول العربية عن العمل في كلية حريملاء للبنات بعد اكتشاف شهادتها الجامعية المزوّرة و حصولها على درجة الماجستير رغم أن تعليمها لم يتعدّ الثانوية العامة التعليق يوجد بالسعودية أكثر من 102 كليه وأقسم بالله ان أكثر من نصف هئية التدريس بها غير سعوديات(أقسمت لاني بالكلية التي كنت ادرس بها كانو الاستاذات السعوديات لم يتعدين الخمس وأكثر من اربعين اجنبية ) الاجنبيه تحصل على راتب + بدل سكن+ بدل مواصلات السعودية راتب فقط(رغم ان نسبة كبيره من السعودين يعيشون بالايجار ) سوف اذكر لكم قصة واريد رأيكم بكل صدق (والله أن رأيكم يهمني ) كانت تدرسني مصريه معها بكالوريوس ( فقط والله العظيم ولها عشر سنوات تشتغل في نفس الكلية ) رغم ان تخصصها يوجد كثير سعوديات حاصلات على نفس التخصص ليست هنا المشكله المشكلة أن هناك سعودية تعمل حارسة امن حاصلة على بكالوريوس بتقدير جيدجدا من احد الجامعات السعودية براتب لا يتجااوز 1200 على صندوق الطالبات لماذا لا يتم سعودة الوظائف بالكليات الآن هناك كثير من السعوديات حاصلات على البكالوريوس والماجستير من أولا بذمتكم ؟؟؟؟؟:mad: عاطلة على مرتبة وزير |
احنا في كليتنا السعودين اكثر
بس الحق يقال ان الاجانب بيدرسو بذمه وضمير وكمان السعوديات يعني بالنسبه ليا مافي اي مشكله |
الاجانب يدرسون بذمه ؟؟؟
والله العظيم ان الطالبات يجلسون يتحايلون الاجنبيه تعطيهم الاسئلة وكانت تعطيهم ..وبالاختبار اذكر مره قالت لان استاذه كانت تراقب علينا غشو من غير صوووت (وفيه قصة مشهوره لاحد الاستاذات بكلية واعلن عنها بالجرايد اللي عطت البنات الاسلئة مقابل خمسة الالف وطقم ذهب) لكن السعودية ماكان احد يقدر يقولها وش الاسئلة ولو حتى بالمزح ومشكووورة اختي لولو على مرورك |
لا حول ولا قوة الا بالله
اشوف الدكتورة كانت بالجامعة تقرا من الورق حقها اثرنو ماعندها شهادة (احنا بجامعتنا كانو يخلو السعوديات اللي معاهم ماجستير ويحضروا الدكتوراه يدرسوا فقط المعامل ما يعطو ا محاضرات ممنووووووووووووووع والمصريات يقولو انهم بروفسورات يعطونا المحاضرات ) وعلى قولتك بدل سكن وعلاج وتذاكر سفر حسبي الله عليهم اكلوناااااااااااا حسبي الله عليهم ولا جينا بنقدم يقولون نبغى ممتاز مع مرتبة الشرف هو القراءة يبغالها شهادة غير الابتدائي ....... لا حول ولا قوة الا بالله |
أختي وحي القلم .. مشاركتكِ رائعة
والله أنك صادقه كانو يعتمدون على القراء فقط .. وازيدك من الشعر بيت كانت احد الاستاذات الاجنبيات تقضي المحااضرة سوالف واذا جت تطلع تقول اليوم اخذنا الفصل رقم كذا وكذا وتطلع ...( والله شي يدمي له القلب ) عاطلة على مرتبة وزير |
لا حول ولا قوة الا بالله\
التعليم بالمملكله صار مهزله والله يكون بالعون \ |
أقول
وربي احنا البلد اللي ضايعة الطاسة فيه اجل الاجنبي يتوظف في ديرتنا والسعودي عاطل ياسلام على مجلس الشورى وعلى مكتب العمل |
من متى الأجانب يدرسون بذمة؟ إلا من رحم ربي؟؟
الأجانب مايبون غير الراتب .. والا ماكان جو السعودية ينقل لقسم الفساد والجريمة |
من ناحية التدريس بذمه او بغير ذمه
انا ضد اننا نسبها لجنسيه معينه فيه سعوديات يدرسون بذمه وضمير وفيه سعوديات وربي ماخذينها بالواسطه تخيلي انا الحين ادرس بجامعه الملك سعود ترجمه ... والله فيه استاذه سعوديه تغلط بالسبلنق وماتشرح ... تخيلي تخلينا دوائر قروبات زي دوائر الروضه وتقول اقروا القاعده وحلوا تمرين 2و 3و 7 هههههههههههههه طيب وشوله تكلف على عمرها وتقلقنا حضور وغياب والمصيبه محد يقدر يتكلم وفيه اجنبيات يدرسوون بذمه وضمير وتحاول ترفع من مستواك بأي شكل وتعامل برقي والله كأنك اختها او بنتها مع ان رواتبهم اقل من السعوديات بكثيررر ... وفيه اجانب يقطرون حقد ولو الود ودها درستك غلط بس من ناحيه السعوده .... فعلاً نحتاج السعوده بكل مكان (( مع اني بصراحه كرأي شخصي مااطيق السعوديات بالتدريس :d )) معليش اعذريني على طول القرق |
ههههههههههههههههه
صديقتي ماتدرسهم ولا وحده سعوديه في جامعتهم.. لكهم سلقلق والا جنسيات ثانيه.. الله يكون بالعون |
| الساعة الآن 05:05 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين