مشروع في موسم الحج
 

شوف اذا كنت تقصد منى

ماراح تقدر تفك مشروع هناك الا بتصريح

واذا كنت تقصد الاسبوعين برضو لازم تستاجر

دكان وتجيب تصريح من البلدية وبعدين اسعار الدكاكين نار

في الحج بس برضو اي شئ يجيب سعر دكان

وخاصة سوق الاكل اقصد المطاعم والكفتريات = البوفية

أخي الكريم

بالنسبه لمكة في موسم الحج فيها شغل كثير

لكن المُشكله هنا لو مثلاً ناوي تبيع مشروبات عصيرات أو غيرها

يبغى لك كشك صغير علشان تبيع فيه والكشكات في هذي المواسم بمكه

ماراح يقل الكشك الصغير عن 200 ألف ريال إذا كان قرب الحرم

لكن فيه أفكار ومشاريع ممتازه غيرها في موسم الحج بمكه

وأنا رأيت بعض الشغلات اللي ماتكلف وفيها ربح كبير بعد توفيق الله

وخطرت في بالي كذا شغله وإن شاءالله لي عوده قريباً لموضوعك ،،،

والله موسم الحج في فلوس والخير كثير بس البلدية اللي قاطعة ارزاق الناس

ولاهي منزله في الاسعار الكشكات ولا هم يحزنون ولا اذا في كشك رخيص في اخر الدنيا يعني في اليوم يمر علك حجي ولا اثنين

انا كنت شغال في موسوم الحج في المدينة من كثر المشاكل تركت الشغله من كثر ما اركب في الباص

يا اخوي الله يفتحها في وجهك قول امين

ويعني من حاج ريال واحد


يعني بموسم الحج أطلع أقل شي ثلاث ملايين

الله يوفقك

طيب في شغلة ما تكلفك ... و تطلع لك رزق حلو

أنت ما شفت في التلفزيون الهندي اللي مطلع في فترة الحج بس 75 الف .. وهو يقول كذا وتلاقيه مطلع أكثر بس ما يقول ... المهم ..
هو ايش كان يسوي و لا شي بس يجيب مسابح و يبيعها عليهم و يقولهم كلمتين .. مسابح مباركة من مكة ... و الحجاج يشترونها للذكرى ..شوف شغلانتها خلال تسعة ايام و طلع منها كذا و يقول ما اشتغل كل اليوم بس شوية .. يعني تلاقيها مشتغل في مكان ثاني او شغلة ثانية و ما يقول ..

و نصيحة اذا تبغى تكبر لا تفكر على طول في الرقم اللي نهايته وووون >>> مليون
فكر في الرقم الي نهايته افففففففففف>> كم الف يعني حلوين
و بعدين ان شاء الله افففف راح يوصلك لاخوه الكبير وووون

نفسك تسمع كلمة ( احترامي سيدي ) !!!!!!!!!!!!!!!!!!!!!!!!!!!!!!!!!!!!
ادخل كلية عسكرية في سوريا واتخرج ظابط وبتسمعها ليييييييييييييييين تمل ..

بالنسبة للشغل في مكة ( أهل مكة ادرا بشعابها ) ,,,

السلام عليكم ورحمة الله وبركاته

اعرف واحد من اصحابى في موسم الحج اللى فات كان شوى الجو بارد في مكه وقرر ان يشترى بطانيات كميه كبيره ويستاجر سياره وعامل لبيعها على الحجاج والحمدالله كسب مكاسب خياليه جدا والارزاق بيد الله

انا اعرف واحد اشتغل في مكة يبع بس ماء صحة وبسكوت ابو ولد اكيد تعرفونة
وكم بطانية ومشاء الله عين خيرو لله الحمد
يعني اقول انة فية بعض المشاريع الصغيرة في المواسم والله تجيب دخل عجيب
وبالتوفيق ياربك للجميع..........

اخي الكريم
في الميقات يبيعون شامبو طبعاً بالعلب العادية والواحد يشتريه يستخدم ربعه ويرميه بدون فائده .
ليش ما تحاول تجيب شامبو المعبىء في اكياس زي الكتشب وزي شامبو الفنادق وتسوقه على المباسط في الميقات ...
مجرد فكرة بريئه ,,,

ما شاء الله في افكار كثيرة بس وين اللي يطبقها..........
شف وانا اخوك.......قبل موسم الحج بكم شهر روح لشركة المراعي مثلا او احد الشركات اللي تستخدم برادات........قيمة البراد الواحد تقريبا 4000 ريال..........وعب البراد عصير من ارخص نوعية..........ورح لفلف في منى وعرفة ومكة ومزدلفة وفي كل مكان.........لاتبقي مكان الا وتروحه.......كنت بجرب هالفكرة في الحج الماضي بس ماكان معي راس مال زين ومافي احد يشجع ......لكن اذا اعجبتك الفكرة......قلي من بدري عشان اجيب لك تصريح دخول ببلاش ....بدل ماتشتريه بالمبلغ الفلاني.......انت عارف ان الشغل ما يمشي الا بالواسطة...........

اذا عندك دباب اجره تقدر تصل الى المشروع اللي تفكر فيه

يا الدبلوماسي والله فكرتك حلوه بس كيف الفلفه والله صعبه خصوصاً اذا كانت فيه المرور والشرطة والبلدية !!! ما تدخول وتوقف والبدية ماشاء الله مو قصره أول بأول وياليت توضح الفكرة.
وبالتوفيق للجميع

ممكن اخوي ابغا اميلك لو سمحت

الله يوفقك مشروعك ان شاء الله ناجح
افكارك روعهههههههههههههه

السلام عليكم

صراحة فكرة اخوي الدبلوماسي مررررره حلوه

الله يرزقكم جميعآآ يارب