الرجاء الدخول لتختارو الافضل لي بصراحه انا محتار
 

السلام عليكم ورحمة الله وبركاتة :

أخواني الافاضل ودي تعطوني رأيكم بهاذي الوظيفة هي افضل او عسكري جندي اول في الامن العام


الوظيفة هي : رجل أمن في مستشفى العسكري بالرياض

الراتب : 5900 ريال ويخصمون التأمينات 500 ويبقى 5400 ريال وهو الصافي

الدوام :8 ساعات فترة الصباح من الساعة (7 الصبح الى 3 العصر) لمدة ستة ايام

ثم اوف يومين ثم الدوام 8 ساعات فترة المساء من الساعة (3 العصر الى 11 في الليل)

لمدة ستة ايام ثم اوف يومين ثم الدوام فترة اخر الليل من الساعة (11 من الليل الى 7 الصباح )



وانت وش رأيكم اختار عسكري جندي اول ولا مدني رجل أمن

اتمنى من الجميع يعطيني رأية وشكراً لكم

اولاً مثل ما قالت اختي سعوديه لازم تستخير


ثانياً بالنسبه لي أفضل انك تعمل جندي أول في وظيفه حكوميه ثابته

افضل من وظيفه أمن يمكن في أي لحظه ينهون عقدك وتقعد بدون عمل

هذا رأيي لك بكل صراحه

جندي اول في الامن العام افضلك بكثير من حارس امن
لان فيها ترقيات وتعديلات سنويه
وحتى الدوام بيكون افضل لك تستلم يوم وتسلم يومين
على حسب وظيفتك وطريقة استلامك
والشركات هذي وانا اخوك مافيها امان وظيفي يمكن في اي وقت ينهون عقد

وقبل كل شي استخير
وبالتوفيق

اخوي استخير الله والله الي مكتوبلك لازم يصير لاكن استخير...

اخوي استخير مع اني متأكده انك بتستخير وبترتاح لوظيفة جندي في الامن العام لان الفلوس تروح وتجي لاكن مافيه اهم من الاحساس بالامان في الحكومي بإذن الله

انا راي مع الاعضاء بانك تستخير واللي ربي كاتبه لك بيصير
وانا افضل جندي اول لانها وظيفة ثابتة وفيها ترقيات
الله يوفقك ويكتبلك اللي فيه الخير

استخير ربك اخوي وربك بيجيب لك الخير ان شاء الله تمنياتي لك بالتوفيق اخي العزيز

اول شي تستخير

بعدين انا برايي عسكري امني احسن