تعميم لجميع المعاهد الصحية الأهلية بقسميها البنين والبنات بشأن إيقاف القبول بالدورة التأهيلية لخريجي الثانوية العامة القسم الأدبي السلام عليكم ورحمة الله وبركاته،،، إشارة إلى قرار مجلس الأمناء الموقر رقم 25/أ/29 وتاريخ 11/11/1429هـ بشأن إيقاف العمل بالدورة التأهيلية لخريجي الثانوية العامة القسم الأدبي بعد نهاية الفترة المحددة ومدتها خمس(5) سنوات بحيث يكون العام الدراسي القادم 1430هـ ـــ 1431هـ هو أخر سنة لقبول الطلاب للالتحاق بها، والتأكيد على قبول الطلاب من خريجي الثانوية العامة القسم الأدبي في الاختصاصات الصحية ذات الطابع الإداري كالإدارة الصحية والسجلات الطبية والسكرتارية الطبية والتأمين وغيرها. عليه،جرى التعميم للعمل بموجب قرار مجلس الأمناء انف الذكر والتقيد التام بما ورد فيه حيث سيكون أخر قبول للبرنامج التأهيلي بداية الفصل الدراسي الثاني من العام الدراسي 1430هـ ـ 1431هـ ، كما نأمل إبلاغ منسوبيكم بذلك ووضع صورة من التعميم في لوحة الإعلانات إمام مدخل المعهد. والله ولي التوفيق،،، |
لن نقبل توظيف حملة الدبلوم بعد ثلاث سنوات
http://www.al-jazirah.com/356097/qq1.htm ماخلص أنتهاء الترم التأهيلي حتى يطلع وزير الصحة والسنوات الثلاث !! وين مافكر اروح لازم انلطم على وجهي وظيفة انتر فيو وقلة حيا مانقبلنا قلت يارجل اطلع برى طالب على حسابك الخاص وبعدين حول للبعثه ، اتصعبت الدنيا ، جينا للدبلوم انواع الصفعات والتحطيم |
طبعا الدراسة باللغة الانجليزي ونسيت اقولك لازم تختبر اختبار قبول في اللغة الانجليزي الاختبار سهل مره وبالنسبة للتوقيف الترم التاهيلي ماني كاذب عليك بس سمعت انه اخر سنة السنة هذه اذا يمداك روح الحق على الترم وبالنسبة للتوقيف الدبلوم طب الطوارئ مطلوب بشدة
|
يا اخوان انا سوف ادرس السنة القادمة دبلوم طب طوارئ في اكاديمية العلوم الصحية والمشكلة قالوا الناس إن الدبلومات لن يتم قبولهم هل هذا صحيح أرجوا الإفادة وهل تنصحوني بالدراسة
|
والله انصحك بطب الطوارئ لانه تخصص جديد ومطلوب وبشان ايقاف الدبلومات سمعنا انه راح يطبق الخبر سنة 2012 او 2013 وغير كذا انت ادرس واخذ دبلوم وكمل البكالرويس وش عندك ؟
انت الحين عاطل ومالقيت شئ وش وراك ادرس انا قعدت 3 سنين عاطل واشتغلت في مستشفى خاص وفصلت من العمل بسبب غياب يوم واحد من بعد الفصله هذه حسيت بقيمة الشهادة ودرست عالطول والحمدلله شاد حيلي وحتى بكمل البكالرويس ان شاء الله سواء لقيت وظيفة ولا مالقيت ماراح تعزك الا شهادتك فانا اقولك ادرس ادرس ادرس |
للأسف التأهيلي أنتهى الدخول فيه وباقي على السيمستر شهر ، وبالنسبة إلى أحقية التقديم لخريجين عام 1425 / 1426 هـ ،، محد عنده علم يحق ولا لا ، بداية كل تسجيل ينزل لهم تعميم ! هذا حسب كلام الموظف ،، بكرى بروح لهم شخصياً وبشوف وش قصتهم بتفصيل ،،،
نوافيكم بالتفاصيل بكرى ان شاء الله |
يا خوووي انـا طالب دبلوم طب الطواري
والتخصص هذا ياولد مطنوووخ على قولتهم وهو توه جديد وتعينه على مجالين : في الهلال الاحمر و وزارة الصحه وراتبه مطنووخه اول مربوووط 7 الاف ريال من غير البدلات والتعيين فووراا في الهلال الاحمر لان الهلال عنده عجز والحين الهلال :Thumbs: احسن من اول صاار هئيه الهلال الاحمر وزارة الصحه صاار تعقد الامور وطلاب المعاهد الصحيه اجباري دراسه ترم انجلش :yفيك فيك والاختبار هذا مو لعبه اختبار هئيه اذا ما انجحت تعيت ترم لين لين يطقوون عليك مع الباب (( بالمختصر المفيد امكن على التخصص هذا وسجل فيه ترا مرره حلوو :Thumbs: |
انصحكم لاتسجلون بالدبلوم ماراح يوظفونكم شوفون العاطلين الحين وش كثرهم اللي معهم دبلوم اللي بيدرس يدرس جامعه انتساب بجامعه الملك عبدالعزيز بكالريوس اداره صحيه افضل واضمن مستقبل او تخصص اداره عامه او اداره اعمال او انقليزي وفيه تخصصات كثيره وحلوه نصيحه لكم
|
عاطل اتيكيت حنا نتكلم عن دبلوم طب طوارئ تخصص جديد ومطلوب في الهلال الاحمر ووزارة الصحة اكيد طالبينه
|
توكل على الله تخصص قوي
وبالنسبه للبكالورريس قصدهم حملة التمريض الصيدله الأشعه المختبرات فقط |
الساعة الآن 02:26 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين