هذي نتيجة من تفتح بابها لوحدة ماتعرفها ادخلو وشوفوا
السلام عليكم ورحمة الله وبركاته هذي قصة منقولة واللي روتها تقول انها حقيقية
قبل 3 أسابيع دقت الباب مندوبة إسمها (نيفين ) لبنانية تقول انها خبيرة تجميل من مؤسسة تناغم الجمال ..دخلتها بنت عمي عادي وتفرجت على الكريمات اللي معها .. وكانت أغلب كريماتها لإزالة الشحوم عن بعض مناطق الجسم وقالت الخبيرة لبنت عمي انهم يقدرون يرسلون لها مُدلكة (تعمل مساج) علشان تعطي نتائج أحسن مع الكريم .. فعلا اتفقوا الثنتين على هذا الشيء ودفعت تقريبا 2800 ريال على الكريمات و 200 ريال للمُدلكة .. و اليوم الثاني جات المُدلكة الأندنوسية وعملت مساج لبنت عمي , حست بعدها انها تعبانه وبطنها يعوورها .. طنشت ما حطت في بالها ... و اليوم اللي بعده برضوا جاتها المدلكة وسووت لها مساج .. لاحظت بنت عمي ان كل مرة تسووي مسااج يزيد الألم .. طلبت من الأندنوسية انها توقف .. وقالت لها رووحي ولا عاد ترجعين .. وكلمت مديرة المؤسسة إسمها (نادية ) مصرية .. قالت لها المديرة : مستحيل ,,الكلام ده مش صحيح ,احنا أصلا معندناش مُدلكة .. قالت لها بنت عمي : مالي دخل تعوضووني عن الأضرار اللي في بطني بالإضافة انكم ترجعون لي فلووسي و إلا راح أبلغ عنكم ... قالت لها المديرة: انا راح اجي لك في البيت و نتفاهم .. فعلا جات المديرة عندها في البيت . وجابت معها الخبيرة وقالت : هي ده اللي اتفقـتي معها .. قالت بنت عمي : ايوة .. قالت لها المديرة: طيب معليش ممكن توريني ورقة العقد اللي بينك وبين المندوبة علشان نتأكد .. راحت بنت عمي بكل نيتها وجابت الورقة .. وقرتها المديرة و وعدت بنت عمي انها راح تعووضها وجلسوا يسوولوفوون .. ومشي الموضوع ... لما طلعوا من البيت ,, راحت بنت عمي تدوور العقد ما لقته ... لفت يمين و يسار مالقت و لا شيء ..لما اتصلت على المديرة في اليوم الثاني قالت لها المديرة : اللي بتقدري عليه اعمليه, مافيش حاجة بتثبت صحة كلامك .. فا أنتبهوا يا بنات انا والله بلغتكم ..لاني شفت القهر في عيون بنت عمي المسكينه ..و أنا راح اعطيكم رقم هااذي المؤسسة علشان تحذروون منها :اسمها مؤسسة تناغم الجمال .. وهاذي الشركة تتواجد في جدة و الرياض وما أدري إذا كان تنوجد لها مندوبات في مدن ثانية |
اووبس شيء يخوف !!
بلا مدلكة بلا كلام فارغ ( ) شكراً يا عسل ~ |
يلعن اوم القهر
هذه يبي لها ددسن مليان خوال يطقونها لين تقول آآآآآمين |
الل يستر علينا وعلى بنات المسلمين
|
حسبي الله ونعم الوكيل على اللي مايخاف الله..
على طاري فتح الباب دون معرفة من الطارق للباب ..الوالده لما كنا صغار سمعت احد يطق الباب ماكان فيه جرس تقول مين مين ماعندك احد قامت وافتحت الباب وش تتوقعون لقت عنده:confused: صار حمار يضرب الباب براسه:iامي المسكينه انهبلت واردعت الباب. |
الجمآل اللي يجي خلقه من الله مآمثله جمآل
|
الله يستر عليناا
|
ما اطقيهم ولايمكن اشتري منهم او حتى ارد على اتصالاتهم.. قررررررف
|
كل دقة بتعليمة ياليت
يستفيدون اعضاء المنتدى ويفيدون الناس الاخرين |
انا مرة شركة دقت علي وقالوا نفس الخرابيط نجي للبيت ونسوي مجاني وقلت كيف عرفتوني من وين جاكم رقمي قالو وحدة رشحتك وسالتهم عن اسمها يوم قالوه ماعرفها ولا عمري سمعت فيها وصرفتهم والتسويق موطقطقة على بيوت الناس في اساليب عرض البضاعة بالنت اوعمل دعايات واللي يعجبها الشي تطلب ويجي التوصيل
|
الساعة الآن 09:04 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين