انا دفعت مبلغ لمكتب توظيف..هل مكاتب التوظيف ثقة؟؟
 

يا ناس انا لي يومين مررررة متضايقة ... وما ادري ليه ...!!


قدمت طلب وظيفة مدخلة بيانات في احد البنوك عن طريق مكتب توظيف ...


ودفعت رسوم للمكتب ... لكن ماني واثقة بالمكتب ما دري شلون تسرعت وقدمت ..


فيه احد منكم جرب مكاتب التوظيف ونفعت معه .. انا مادري هم صادقين ولا لأ ...؟!


ياليت تتجاوبون معي .. وتريحوني شوي .. من يوم ما قدمت وانا احاتي ..

الله يوفقك


< مايروح لذي المكاتب:: التوفيق بيد الله سبحانه اطلب من الله انه يوفقنا موب اروح ادفع ررشوه وتقول وساطه مدري وشهو هذي رشوه علني باينه

انصحك لو جتك الوظيفه لاتروحي<<<<<< اطلبي من الله وربي ترتاحي بعملك يوم تجي عن طريق مكتب اغسلي يديك تحصلي الراحه تشوفي الذل والايهانه يقول لك جابينك من مكتب وساطه مدري وشهو<<<<<< يكرهك في الوظيفه لي عن طريق مكتب قدمي وجه الله قبل الناس الله يوفقك

هلا اختي انا اخطط من فتره اني اروح اي مكتب توظيف بعد ماتقفلت كل الابواب بوجهي وادفع واشوف بس خايفه يطلعون ناصبين بعدين وش اسوووووووي تكفيييييييييييين اختي خبريني وش يصير معك وبتوفيق اختي

اشكرك جزيل الشكر ... اخوي عاطل مكة

كلامك عين العقل انا ما ارتحت ابدا للي صار معي... لكن الرجال اقسم ايمان مغلظة

ان المبلغ نظير اتعاب المكتب .. وليس له دخل فيه... ولا هو رشوة...

لكن الله حسيبه لو طلع رشوة... والله عز وجل عزيز ذو انتقام..

انا ما طرقت ابواب المكاتب الا بعد ما اسودت الدنيا بعيني... لكن حسبي الله ونعم

الوكيل ان سلمنا من الرشوة ... ما سلمنا من النصب والاحتيال ...

اوجه لك سؤال :
هل لك سابق تجربة مع مكاتب التوظيف ؟؟؟؟



ــــــــــــــــــــــــــــــــــــــــــــــــــ ـــــــــــــــــــــــــــــــــــ



اختي احلام الطفولة...

والله انصحك تسألين زين عن المكاتب .. وتعرفين كل صغيرة وكبيرة

ولا تستعجلين مثلي لأني ندمانة بشدة اني استعجلت وقدمت عليهم ..

لكن وش اسوي جبرتني الظروف ...

ع العموم المكتب في الرياض ... اذا تبين العنوان اعطيك اياه ع الخاص

لكن ابدا ابدا ما اظمنهم ... ولاني مرتاحة لهم بالمرة...

لأني حسيت انهم خدعوني ... بالمبلغ اللي طلبوه...

وانا ماعندي خبرة عن مكاتب التوظيف ولاعمري سمعت ان احد جربهم واستفاد منهم ...

عشان كدا طرحت الموضوع في المنتدى .. وياليت القى تجارب مفيدة عشان ارتاح من القلق اللي انا فيه...

السلام عليكم انصحكم يا شباب ويا بنات انكم تتوكلووون على اللة وتخلوون ايمانكم باللة قوووي وانه سبحانة وتعالى كتب الارزاق لجميع خلقة وحتى الحيوانات واللي زرق غيرنا يرزقنااا واللة يوفقكم ...................

هي هي انا نفس الشي قدمت ودفعت لهم من سنة وخرطي بس هي مرة وحدة ولما رحت قالوا علشان تدخلين في المقابله لازم تدفعين 500 ريال وماعلينا تنجحين ولا تسقطين هذا غير اللي دفعته للمكتب ؟؟؟؟؟؟؟؟؟؟؟؟؟

حتي انا زيك دفعت لمكتب والمديره حقته مراءه سجلت استماره عندها ودفعت رسوم بس ماهم ثقه انا سئلتها تقول انت وحظك

الله يستر حتى العاطل المسكين مستغل

وين الملايين ..

هلا بك أختي ..

بـ النسبة لـ هذه المكاتب من الجهة الشرعية

مااقدر أفيدك فيها صراحة

ولكن المبلغ المدفوع ليس رشوة بل على العكس تماما

أنا قبل فترة عرضت علي هذه الشركات وأخذت التفاصيل منهم

أنت تدفع رسوم ماهو علشان يوظفونك انت تدفع

رسوم علشان هم يدورون لك وظيفة ويرسلون سيرتك الذاتية

والشركات هي اللي تتصل عليهم وينسقون معك مقابلة شخصية

تقابلها اما تنجح وتتوظف أو مايكون لك نصيب فيها

وهنا كل شي طبيعي واوكي ولا فيه إشكالية إن شاء الله شرعيا .

ولكن لو طلبوا مبلغ علشان تنجحين بـ الإختبار

لا هنا تعتبر رشوة ولاتجوز فـ الحذر منها وهذا رأيي

الشخصي أتمنى ينال رضاكي .

تحاياي ,,,

انا عندي رد ان شاء الله يفيدكم كلكم وبكتبه بموضوع خاص
اولا نصيحتي ماتروحون لمكاتب التوظيف لانكم مشتركين بالمنتدى هذا وتشوفون اخر الوظايف!!
يعني تقدرون انتم تدورون لأنفسكم !!
هم وش بيسون يعني ؟؟
نفس الشيء يمكنهم مشتركين معانا بعد!!
المهم انصحكم ترسلون السيرة الذاتية
لمكاتب توظيف حكومية
وهذي ارقام فاكساتهم وبتدعوووووووووون لي
الاول: مركز الملك فهد للتوظيف :
الفاكس :4629243
(جربوا كذا مره ترى جننوني على بال مافتحوا الفاكس)
----
الثاني: شركة عبد اللطيف جميل
الفاكس: 2679468
(وهذولي دقوا علي اكثر من 4 مرات ووظايفهم حلوووووه )
----
والاخير
فاكس وزير العمل (ترسلون السيرة الذاتية مع خطاب لطلب التوظيف مع كتابة الوظيفة المطلوبه لااازم)
الفاكس: 2104600
(واذا تبون نسخه من خطابي انا مستعده )