|
بغيت اعرف الحد الادنى لفتح محفظه اسهم
السلام عليكم ورحمة الله وبركاته
حياكم الله عندي كم سؤال وان شالله تفيدوني .. اكيد في البعض منكم جرب المضاربه في الأسهم بغيت اعرف عن بعض البنوك لو جربتو بغيت اعرف الحد الادنى لفتح محفظه اسهم ؟ ياترى البنك الفرنسي كم اقل شي والرياض كم اقل شي ؟ والاهلي والراجحي ؟؟ و كيف شاشة الأسعار فيهم يعني لو بفتح محفظه كم اقل شي يكون عندي ؟ بليز لاتهملون موضوعي :ash: |
الوقت الحاااالي ولا شئ يطلبووون
روحي اقرب فرع للبنك وافتحي حساااب ومحفظة بنفس الوقت انا عن نفسي كنت استخدم البنك الفرنسي |
هلا فيك اختي قريت الرد اخوي على الموضوع ويبين بان ما يحتاج مبلغ ولكن إلي كنت اعرفه انه يطلبون مبلغ ولكن كان فيه طريقه لتخطي هالمبلغ وهو الاكتتاب في اول شركه تنزل وهم يعطونك محفظه مجانا الشئ الاهم فكك من الاسهم والهم إذا شريتي وارتفع السهم فرحتي وبعتي وإذا ارتفع اكثر واكثر تنقهري وتقول يا ليت استنيت يومين ولو طال انتظارك ولا بعتي وطاحت قلتي يا ليت بعت في ذاك اليوم نصيحه ابعدي عن عنها ابرك لك والله ما ارتحت إلا بعد ما خرجت منه والامر الاول والاخير راجع لك واتمنى لك التوفيق واعذريني على الاطاله |
نصيحة من أخ لأخته صدقيني الأسهم مانتفع أبداء لي خبرة طويلة في مجال الأسهم والمضاربة بالعملات العالمية
الأسهم مايدخلها إلى أصحاب الأموال الكبيرة ومع هذا كلة لا يرون العائد الربحي مجزي فالكثير من أصحاب رؤس الأموال الكبيرة والصغيرة توجهو لأشيئ أخرى كالعقار يعني شي شبة مضمون بإذن الله وعوائدة بصررراحة مجزية وطلوع السلم حبة حبة |
مشكور اخوي ksa على اللإفاده
اخوي عالم القهوه بأي بنك جربت وهل جربت الراجحي ؟ الاسهم يبي لها متابعه وهي في الاول والاخير مغامره وأبشرك مريت بمرارة الأعصاب والله يقوينا عندي طموح مشكور على نصحك وجزاك الله خير بصراحه الشغله تهلك الراس من الدقه انا اعمل لشخص ولي نسبه من الربح ولاكن بالبنك الهولندي والحين أفكر في فتح محفظه لنفسي ولاكن لا أعرف بأي بنك (ولا ارغب بالبنك الهولندي) |
بصراحه انا بقولك انا لي حول سنه وانا التداول بالاسهم
لا يغرك من قال ابتعدي عنها وربي انا الحمدلله في اليوم الطلع من 86ريال الى 600 ريال على حسب السوق واذا تبين نصيحتي ابدي بالاكتتابات وبعدها بتعرفين لسوق وتضاربين مع التجار والله يوفقك بس انتبهي سوق الاسهم زيي البحر وانتي القارب الصغير يعني في اي وقت توقعي رياح شديده |
قرري أنت
أما عن نفسي فوالله لا أنصحك بالدخول في هذا المجال |
اكيد انك مكتتبه قبل
اذا كنتي مكتتبه في اي اكتتاب من قبل فأنتي الان لديك محفظه وماعليك الا ان تتوجهي للبنك وتطلبي منه ان يفتح لك تداول بالنت ( بعض البنوك لايفتح تداول بالنت الا بمباشر اجباري ومباشر يكلف بحدود 600 ريال كل سنه ) والاسهم مافيه مكسب والسوق الحين ميت ومافيه اي شي يحركه يعني المضاربه غير مجديه لكن اذا نويتي الاستثمار لسنين فعليك بكيان ومعادن وزين وعذيب وابتعدي عن الخشاش الفاشل |
اكتتبي في اى شركه عن طريق البنك الاهلي بعد الاكتتاب يكون عندك محفظه
عن طريق النت تقدرني تديرن اموالك بنفسك بدفع رسوم سنويه قيمتها 750 وكل عمليت شرا او بيع بقيمه 10الاف تخصم 12 عموله اراه من افضل البنوك |
انا مجرب بنك الراجحي مايحتاج روحه للبنك
ومايحتاج مبلغ اهم شئ قيمة الرسوم تكون بالحساب التسجيل عن طريق النت بس راح يخصم من الحساب 750 ريال رسوم مباشر لمده سنة والاسهم فيها خير اللي يتابعها ويبتعد عن الاسهم المحرمة والمختلطة |
| الساعة الآن 06:33 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين