اللي عنده خبره في العقار
 

.........................

أخي الكريم

ماوضحت هل تريد الأرض سكن لك في المستقبل أو مستثمر

انا ابغاها استثمار

هذه بعض النصائح في الشراء

- التوجه للمخططات الجديدة لن سعرها أول ماتنزل رخيصة ثم تبدا في الأرتفاع عكس المخططات القديمة وصلت الى اسعار قد لاترتفع بعدها وإن ارتفعت يكون ارتفاعها بطي
- هناك مخططات جديدة ولكن مواقعها غير جيدة اما بسبب الموقع أو عكس أتجاه تطور العمران فلابد أختيار المخطط الذي يتناسب مع توجة العمران وتطورة
- اختيار المخططات التي لها نصيب أكثر من الخدمات أو قريبة منها
-اختيار القطع التي تقع على الشوارع الرئيسية والتجارية في المخطط فهي التي لها اقبال ورغبة أكثر عند الزبون وقت الشراء
- اختيار القطع التي تقع على شارعين عكس القطع التي تقع على شارع
-اختيار القطع التي تكون مساحتها اكبر


اذا توفرت هذه المميزات في قطعة من قطع المخطط فبكل تأكيد سوف يكون لها السبق في الأرتفاع وسرعة البيع

اتمنى احد يفيدني
انا سمعت عن اراضي في رماح في الرياض واسعارها في حدود 35 الى 50 الف اللي عنده فكره عن الموضوع يقول
وشاكره لكم

انا في انتظاااااااااااااااركم بالرد

انا مافهم بالعقار بس في عريض لبن وجهة المزاحمية بهالاسعار

هلا اخوي عاصي ،، بالنسبة لشرق الرياض فعندك مخططات رماح من حي النظيم الى روضة خريم طب وتخيّر واسعارها بـ هالحدود لكن للاسف الى الان مافيه اوامر بناء يعني تشتريها ولاتعمرها لين يقضى الله امراً كان مفعولا

وعندك كذلك عريض لازال رخيص نوعاً اما بالنسبة لـ لبن ماعاد ينلحق

لكن اذا تبي نصيحتي وكل واحد ورايه انك تشتري في رماح لانه في تعيش هالوقت نهضة عمرانية قوية حيث قبل فترة اشترى واحد ارض مساحتها 680 متر مربع بـ 21الف ريال وبعد حوالي اربع اشهر باعها مايقارب الـ 50 الف ريال

واي خدمة انا حاضر

بالمبلغ هذا اللي معك
عنك جهتين
اما رماح (وهو الافضل بالنسبه لي)
او نمار3020 اللي بجانب حديقة الملك العالمية (موقعها قبل نقطة تفتيش القديه)

في جدة يمكنك الشراء في أي موقع
وفقك الله

أما بالنسبه للمزاحميه فهو شبيه بالحلم تحصل بها المبلغ أقل أرض بتحصلها 90 ألف وطالع والله نار المزاحميه

نصيحة لك اخوي غير معرفك من عاصي الي طائع وربي بيوفقك في الدنياء والاخرة

تلقى قبل المزاحميه ..
بس للاسف بوثيقة وصكها تابع للمنطقه المتواجدة فيه...بس ناس يشترون هناك بنفس الطريقة ويعمرون من سنين محد قال لهم شي وبعضهم طلع صك بعد التعمير
اما بالنسبة للمزاحميه فاسعارها نااااار ..

اذا استثمار عليك برماح اراضيها رخيصة

وبتوفيق

اختي وين بالضبط قبل المزاحمية؟؟
لأن من نقطة التفتيش الى مدخل المزاحمية الاول مافيه مباني ؟؟؟

راسلني بالخاص ..

وانا راح افيدك بالعقار كانك تبي تستثمر في مناطق المملكه عندي لك مخططات تنباع الاراضي على 10

الله يوفقك
العقار فرصة
إن أحسنت الإختيار

انا اسف اختي بس كنت افكر في يمين الخط
ونعم باهل القصور
ياليت تفيدنا اخوي عن هالاراضي

انتبه يا اخي في اراضي بـ 3000 وفي بـ5000 بدون صك وبدون اي شي فأبتعد عنها كل البعد

واذا كان بالرياض لا اعتقد ان هاذا المبلغ كافي ولا لـ100 متر

واعرف احد الاشخاص اشترا ارض وبحي يعتبر سيئ وبـ220الف ومساحه 500

والله اعلم

كلام أختي أم وصايف صحيح وفيه بعد منطقه ثانيه في حدود 25 -35 ألف ريال بالمزاحميه بس بدون صكوك