النقل الثقيل وماادراك بالنقل الثقيل ..!
بسم الله الرحمن الرحيم
ياجماعة الخير اببداء من دون مقدمات اتصلت على يماني وهو مشهور بالمنطقه الشرقيه بالنقل الثقيل تقدر تقول عنه وسيط وتاجر بنفس الوقت يعني الرجال شغال صح الله يوفقه .. سآلته عن تيدر فرشه من دون رآس كم بتكون قيمتها جاوبني وقال بحدود الـ 30000 ريال آو 45000 ريال على حسب ثلاث محاور او محورين .. بعد مااخذت وعطيت معاه قلتله لو آآستثمر التيد حاف كم تآخذه مني الشركات المقاوله قال بحدود الـ 2000 الى 2500 ريال ... بصرآحه شئ حلو وجميل يكون سعره كذا يعني تضمن تعيد رآس مالك بعد الله سبحانه بحدود سنه وشهرين ... وإن فشل المشروع لاسمح الله تقدر تضمن رآس مالك وتبيع التيدر على آي شركه آو تاجر بالنقل الثقيل وتعيد رآس مالك ..! فالنقل الثقيل بالمنطقه الشرقيه مطلوب وبشكل كبير لكثرة المدن الصناعيه فيه ... لكن المشكله واللي محيرني شلون اعرض التيدر على الشركات يعني آدخل الشركه وآعرض عليهم العرض ..! هذي المشكله اللي تعوقني وآتمنى الكل يستفيد ويفيدني برآئيه وجزآه الله خير ومن كآن منكم من المنطقه الشرقيه يقدر يراسلني على الخاص إذا كان جآد وندر الموضوع صح ..! ملاحظه / بالنسبه لي اشتغل بشركه في الصناعيه ولاحظت الشغل على الآصول من ناحيه النقل الثقيل لكن العائق الاكبر لي هو كيف يكون العرض على الشركات هنا المشكله ..! تحياتي لكم |
اقتباس:
ممكن عن طريقها |
اسعار التيادر من 20 الى 45 ألف ريال والآجار الشهري في حدود 1200 -1500 ريال شهريا
|
تقصد السطحة
|
اقتباس:
التيدر الذي يقصدة هو الصندوق المسطح بدون جوانب مثل الي يحملون فية الأسمنت بدون راس التريلة فكرة ممتازة وخاصة أنة مافية خرابات مزعجة ومكلفة كلها دفرنسات وكفرات اشبكة في راس التريلة وتوكل على الله |
والله انا للحين ما عرفت السياره الي تقصدها بالضبط
على العموم اذا مبلغها في هالحدود شي جميل جدا وترى فعلا الشاحنات عليها طلب بس انتبه تأجر على شركات عندها اعمال قويه و يهلكون الموتر لك لاانه يمكن يكون الاتفاق بينك وبينهم على انك تتحمل الخرابات الي تحصل للموتر الشاحنه اذا خترب فيها شي سعره نار خوصوا الطرمبات مشروع جيد بس يجب الانتباه الى نوع عمل الشركه وعن المبلغ بالتوفيق ودنا تعمق اكثر بالموضوع |
النقل الثقيل مطلوب بس قبل لا تشتري شوف وش الشركات الي تستآجر ..
اغلب الشركات عندها نقل خاص فيها .. المؤساسات هي الي تستأجر .. واسمحلي ماعندي معلومات اضيفها لموضوعك لاكن لا تتهور الا لما تعرف وين تمشي امورك وعند مين ..!! الله يوووفقك ويفتح لك ابواب رزقه .. |
وقف التيدر امام بوابة الشركه واكتب عليه للإيجار
وبتوفيق انشاء الله |
العقل السليم في النقل الثقيل
|
اقتباس:
هنا سؤالي كيف طريقة العرض آخوي ..! |
الساعة الآن 09:29 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين