الكلية الامنية او الابتعاث للخارج ..رأيكم يهمني ؟!
 

السلام عليكم
اخواني انا بإذن الله راح اتخرج الترم الجاي من الجامعة وانا محتار ما بين الكلية الامنية والابتعاث لدراسة الماجستير طبعا معدلي امتياز وهذا اللي يخليني افكر بالدراسة في الخارج لدراسة القانون التجاري ،وانا بكل صراحة عندي واسطة في المجالين الامنية والابتعاث طبعا بعد الله سبحانه بس ابي اشوف رايكم وخلوكم مكاني وش راح تختارون
وعندي اسئلة عن الكلية الامنية ودي اسئلكم عنها لاني ماعرف عنها الا القليل وهي كالتالي :
س -وش طبيعة الدورة في الكلية الامنية هل فيها كرف يعني التدريبات بتكون طول النهار لأني سمعت ان فيه ناس كثير تجيهم ضربة شمس من طول فترة التدريب .
س- هل هناك مضايقات بين الطلاب في الكلية نفسها ولا المدربين فيها وهل فعلا هم طريقتهم كلها اهانات وسب وشتم .
س- هل يوجد في الكلية وسائل ترفيه يعني مسابح وانترنت ونشاطات رياضية .
س- اذا صرت عسكري اقدر اسافر للخارج ولا لا .
اتمنى انكم تفيدوني لاني والله محتار وميولي للابتعاث بس فيه ناس تمدح الكلية الامنية بس والله خايف ادخلها وبعدين ما تعجبني .

صل الاستخآره وتوكل على الله ..

وعليكم السلام ورحمة الله وبركاته

قبل كل قرار بهالدنيا قالها لك اخوي الاستخاره من الله عز وجل


لكن هي تكون الفاصل للقرار يعني قبلها استشارات لذوي الخبره

رأيي الشخصي :أفضل لك الكلية

وأنا اخوك وقتنا الحالي مايطمن عصفور باليد خير من عشره ع الشجره


وبالأول والأخير الرأي لك . . . . . . . . . . . . موفق لكل خير،،،


[gdwl] [/gdwl][gdwl]
سبحان الله وبحمده ؛؛؛ سبحان الله العظيم
[/gdwl]

أخوي الله يوفقك ويرزقك
اذا كنت ناوي تكمل دراسه فهو الافضل بس لا تسوى زي ربعنا الي راحوا يكملون دراسه في الخارج وجابوا العيد
اعتقد انك فهمت
واذا كانت تبي الامنيه والله النجمه حلوه ولازم فيها تعب ومرمطه لاكن بالصبر يجي كل شي
الكليه ماهي زي مدينة التدريب هذي تخرج ملازم وهذي جنود يعني فيه ترفيه النوم كل 3 او 2اشخاص في غرفه اكل احسن اكل طبعا المرمطه موزي ماتسمع عن الجنود اما اذا سرت عسكري تقدر تسافر تاخذ اجازه خارجيه
اما اذا كنت بتختار بينها وبين الدرسه استخير الله والله يوفقك ويرزقك

مشكور اخوي لليمين نط وطالب رضا الرحمن على المشاركة واتمنى يكون فيه تفاعل من قبل الاعضاء لعلهم يفيدونا

والله كلامك في محله اما اذا بدرس اكيد انا رايح اجيب شهاده وهذا مستقبلي والامور الثانية الله يكفينا شرها ما يقربها الا انسان قليل دين وعقل ومشكووور على ردك.

:Thumbs:والله زي ماقال اخوي لليمين نط هو عين الصواب والله يوفقك ويوفق الجميع يااااااااااااااارب

مشكوووور اخوي هلالي روماني على النصيحة

شوف يا حبيبي بالنسبة للكلية الامنية والابتعاث كلها حلوه بس في مثل يقول عصفور في اليد ولا عشرة على الشجرة وهذا ينطبق على مستقبلك هذا، الامنية وظيفة مضمونه وراتب حلو ورتبة عالية ترى العالم كلها تبي جندي وماهي لاقيتها وترى اذا صرت ضابط يمديك تكمل دراستك ويمكن يبعثونك ...ولو انا مكانك ما افوت الامنية وترى البعثة حلوه بس لا تنسى انك يمكن تنجح ويمكن يستقعد لك دكتور ما يخاف ربه ولا تنسى انك بتجي بعد 3 او 4 سنوات والامور متغيرة يمكن تلقى كل اللي مبتعثين قدامك نصهم عاطلين وعلى فكرة اذا انت منت راعي كرف وعسكرية لا تتوهق توقع كل شي سيء امامك الحياه كلها صعبه والامور ما تجي بسهولة .