بنات من اللي سبق ووقع عقد مع شركة إجادا
 

السلام عليكم

سؤال : من اللي عنده خلفية عن توقيع عقد العمل مع شركة إجادا

تكفون اللي عنده خلفية عن هالشركة يفيدني واللي سبق وتوظف فيها

سواء من البنات أو الأولاد يرد الله يعافيكم

و عليكم السلام ورحمة الله و بركاته

سمعت عنها انها في الملز
وهذا موقعها http://www.ejada.com.sa/
اعرف ناس قدموا عليها و لا انقبلوا ؟؟؟

بالتوفيق .............

من اي ناحيه تسالين عن العقد ؟؟

اللي اعرفه قسم البنات توه فاتح و عندهم تامين وبس ما في بدلات

هلا أختي ايه نعم اسأل عن العقد كيف ؟

يعطوك عرض العمل اذا وافقتي عليه ووقعتيه تداومين والظاهر بعد فترة التجربة توقعين

يشترطون عليك في العرض اذا طلعتي منهم تدفعين فلوس التدريب الاولي
او اي دورة يعطوكياها

يعني اي دورة يعطوكياها و ما يستفادون منك فيها تدفعين فلوسها

وعندهم تامين طبي للموظف بس
و تامينات اجتماعيه 9%
ومافي بدل سكن للبنات و لا بدل نقل
وراتبهم حول السته مع خصم التامينات يصير بالخمسه الاف وشي

اظن كفيت ووفيت :) واي استفسار ثاني انا حاضرة

الله يوفقك... طيب هذي شركة ايش

الله يوفقك بس لاتوقعي على العقد الا بعد قرائته كامل

وين مكانها بالملز وايش التخصصات او المؤهلات اللي طالبينها؟؟

هم طالبين حاسب الي هذا اللي اعرفة

يعطيك العافية وما قصرتي

وعندي استفسار بسيط : انا في البداية قالوا لي تعالي باشري العمل ووقعي عقد مع العلم

انه بوقع العقد وبعد أسبوع التدريب

واذا تعرفين احد اشتغل عندهم ياليت تردين لي خبر

انتي استخيري اول شي
بعدين منتي خسرانه شي .. باشري عندهم واذا ما عجبك الوضع تقدرين تستقيلين تنسحبين

دوراتهم شي اوراكل و اي بي ام يعني اذا اخذتيها منتي خسرانه شي بالعكس لانها مفيده لك
انا اعرف بنات عندهم ويقولون الوضع عادي كويس زي اي شركة خاصه ... بس يقولون وقعوا عرض بس مو عقود

واعرف كثير بنات سووا مقابلات معهم و ما عطوهم عروض :confused:

طبب اختي معليش تحمليني الله يوفقك ويسخر لك كل من يتولى أمرك

وش هو العرض ؟؟

يعني اذا وقعت العرض أقدر انسحب في أي وقت لو ما عجبني الوضع

بنت تكوني غبيه لو ماوافقتي..
انتي باشري العمل وجربي بنفسك لاتخلي اي انسان يأثر عليك ممكن تأخذي استشارات لكن القرار بيدك انتي كل انسان اعلم بالي يناسبة ..
انا في الغربيه ولااعرفهم لكن انصحك تروحي ولاتضيعيها من يدك:)

هلا ام ام

شدعوه حنا اخوان هنا اسالي زي ما تبين

اذا وقعتي العرض
وداومتي وسويتي مباشرة .. و ما عجبك الوضع وما لقيتي نفسك تقدرين تقولين لهم ما عجبني الوضع ...مع السلامة
وتراهم اول واخر شركة خاصه يعني مهما صار ما يقدرون يقيدونك
اكبر شي يسووة انهم يطالبونك بفلوس التدريب اذا اعطوك دورات خارج الشركة


انتي لا تخافين و لا تضيعين الفرص من ايدك استفيدي من الوقت واكتسبي فيه خبرات

يا بنااااااااااات الله يوفقكم ردوا علي...
هذي شركة ايش؟؟

مرحبا


اللي اعرفة انها شركة تقنية متخصصة بالحاسب و اذا فيها اقسام اخرى لا اعلم
و بالتوفيق

طيب بنات ماعندكم رقم فاكس لهم نقدم عليهم اوايميل اي شئ ..
وقولي لنا mm شوصار معك ..؟

صح ....هي شركة اتسوي برامج وكانو يبون بنات حاسب متخرجين جديد