قصتي مع امن المنشات في مكه20-2
 

السلام عليكم ورحمة الله وبركاته
قصتي بدت من اول يوم انا مسافر فيه وابي اراجع امن المنشات
يوم السفركان يوم الاربعاء والخطه كانت الاتجاه الى جده واجلس في عزبت صديق دراسه قديم
المهم جا يوم الاربعاء وصاحبكم ماصور اوراقه ولا طبع الاستمارة ولا حلقت تصور صور شخصيه ومواصل ووراه سفر ويبي يطقم للهايلوكس كفر ويغير زيت ويشيك ع السيور كل هذا يوم الاربعاء
<------هذا لانك ماتمشي ع المثل اللي يقول لاتأجل عمل اليوم الى الغد
المهم خلصت كل شغلي ع حدودالعصر وقلت اخذ نومه بسيطه واسافر بعدها
المهم نمت العصر وصحيت الساعه10 بالليل
وسلمت على راس الوالده ربي يحفظها وقلت لها ادعيلي بالتوفيق
وسافرت واتجهت لجده
وصلت الساعه 2بالليل وجلست مع صديقي ساعتين وقلت لها بنام شوي لين الفجر عشان اروح مكه
المهم نمت وصحيت قبل الاقامه وصليت الفجر ولبست طقم الليوث ومشيت مكه
وضيعت لين وصلت المهم
شفت ذيك الطابورين اللي تفجع من طولها وقلت يارجال انتمو احسن منهم
ومسكت سرا
لين جاء دوري قلت الحمدلله هانت وادخل الا واحصل الطابورين اللي كانو برى ماسكين سرا بالحوش
ياااااااااااليل مطولك
وانتظرت وكل شوي اشوف واحد يطلع مطرود من الخيمه الاولى وناس يعدون في الخيمه الاولى ويطلعو من الثانيه
الخيمه الاولى: خيمة الوزن والطول
الخيمه الثانيه: خيمة مطابقة الوثائق والله اعلم:eek:
المهم يالله يالله جا دوري وينادون باسمي
فلان بن فلان الفلاني قلت حااااااااااااااااضر <-------مسوي صار عسكري
المهم قست الطول والوزن اذا عديت اروح الخيمه الثانيه
طلع الطول 179سم ولله الحمد
اقل من الطول اللي انا حاطه بسانتي
المهم الوزن انا حاطه 58كجم وطلع 55كجم
وقالو اجلس جلست ونادا باسمي واحد ع مكتب ماغير تختيم يايكون لائق او غير لائق
اول ماوصلت قال انت فلان قلت الله الله وصلت اي خدمه قال سلامتك انت غير لائق الوزن مو تمام ويصك ع الورقه بالختم الاحمر
وعصبت وقلت ميزانكم مخرف قال ليش بالاصل كم وزنك
وقلت 58كجم:d
ضحك علي وقال برضو ماينفع لازم يكون اكثر من 65كجم:cool:
ولقطت وجهي وطلعت وقلت العوض على الله
كان ودي ادخل الخيمه الثانيه بس للاسف ماكان لي نصيب ادخلها
ولكن خرجت مع البوابه والعبره تخنقني وحالتي النفسيه مره ماتنفع
قال لي العسكري اللي بالبوابه بشر ايش صار قلت ( وما من دابة على الأرض إلا على الله رزقها)
قال رقيب جالس جنبه وش شهادتك قلت دبلوم صحي قال اجل ليش رفضوك قلت وزن في هذي اللحظه حسيت براطمي من الاطراف كأني معلق على اطرافها اثقال ماغير تنسحب لتحت وانا احاول ارفعها خخخخخخخخخخخ امزح
المهم قال العوض على الله والله يالعسكريه مافيها خير انتظر التعيين
وقلت على الله
ودقيت موتر سيارتي وطلعت جده
وكل من سألني قلت خلصت وقالو لي احنا ندق عليك اذا تم قبولك ونعطيك موعد مراجعه للفحص
يعني السالفه بيني وبينكم
خلو احد يتكلم صدقوني تلطيش:r
:q

إن شاء الله خيره لك

وانا زيك بعد طردوني بسبب الطول قبل لا اقيس طولي جاء واحد ميخ ( دوب حـيل يالله تحفظو )

وعدم ام الجهاز يوم جيت بقيس طولي ووزني يقولي لحظه ويقعد يضرب به الارض ويخبص فيه

وبالقووووه اشتغل ( قلت ببالي هذا بدياتها الله يستر من تاليه الحظ منتكس :d )

يالله إن شاء الله يعوضنا ب احسن منها

انشاءالله
:d

...؟ إن شاء الله :d :d

الله يزقك بافضل منها
عندي انا الوضع عادي كل ماقدمت قالو اطلع مع الباب قلت مايحتاج متعود

الحاله النفسيه ماش لاتدقق في المسافات ترى يالله اكتب الكلمه زين باقي تبي مسافات
خخخخخخخخخخخخ
المزح والله ماشلت همها ولا شي انا راضي باللي كاتبه الله اللهم لا اعتراض
بس والله الجلسه صعبه وممله

جزاك الله خير والله يرزقني ويرزقك الوظيفة والطاعه

ياخي انا حسيت اني نكته يوم يقول وزنك اللي قبلي كلهم طول طول طول وانا وزن خخخخ
لا ان شاء الله الوزن يجي بس الكبس لازم اخليها 3مرات باليوم ونووم وكبسه بس
الله يرقك وظيفة ممتازه

الله يعوضك باحسن منها يارب