|
80000 ريال سعودي
بسم الله الرحمن الرحيم السلام عليكم ورحمة الله وبركاته أعزئي أعضاء منتدى حلول البطالة حبيت أن نتشارك الأفكار والأقتراحات أن موظف قطاع خاص ومستقبلي غير مضمون :eek: وفي اي وقت ممكن يتم الأستغناء عني والسبب ( أني سعودي ) :Thumbs_down: ذهبت للبنك وأعطاني قرض بــ 80000 ريال :Thumbs: والان نزلت في حسابي لأبد أن أحصل على مشروع يدخل على مبلغ من المال حتى ولو كان بسيط يكفيني شر الفقر :d وماحصلت فكرة مضمونة وأشار على بعض الأصدقاء :tsfiq: بشراء أرض معتمدين على المثل الى يقول ( الأرض تمرض بس ماتموت ) والأن أعزئي الأعضاء أنني في أنتظر أفكاركم وأقتراحتكم فوضوي :y |
اقتباس:
فكرة ممتازة والله يوفقك انا بصراحة مانصحك بالعقار انت ماتقعد خمس سنين تنتظر الارض بس انا انصحك بالمشاريع التجارية او الخدمية |
اوووووووووووووووووووو العقار وانا اخوك من ارض او اي شي تملكه
يسمى مال مجمد واذا تبي الاراضي عليك بالمناطق الصغيرة اللي توها تزدهر بالعمران انا سويت كذا والحمدلله الحال ماشي واذا بقى عندك شي افتح لك مغسلة سيارات ولا بوه مثلوه الله يكتب اللي فيه خير |
اقتباس:
تكون فاضي للادارة |
والله يأخوك الاراضي شغلها حريقة
عندك ولد عمي أشتراى ارض بمخطط ولي العهد 50 الف وجلس سنتين وباعها ب400 الف ريال وهو الان شغال بالاراضي الله يزيده من فضله |
الأراضي جيدة ولكن تحتاج خبرة
يعني أين ومتى تشتري ؟ وفقك الله |
العقار الابن البار ياغالي
بالعربي اللي مايعرف من وين يدخل التجاره او متخوف .............الخ يعني هو راس ماله وبس مالك الا تحطه في ارض وتوكل على الله الموقع مهم؟الاتجاه مهم؟؟المساحه مهمه؟؟طبيعه الارض مهمه(نزلات -طلعات) ولاادري اذا ناسي شئ والالا وبالتوفيق |
ياجماعه بارك الله فيكم جميعاً ،،،
ولكن ياجماعة الخير أعتقد بأن أخونا يريد ويحتاج مشروع يستفيد منه بشكل دوري وليس على المدى البعيد ،،، التوفيق حليفاًَ لكم أينما حللتم ،،، هي دعوتي وأمنيتي وأسأل الله أن يتقبلها .......... |
في أي مدينة أنت؟
وهل عندك خبرة في مجال معين؟ أتمنى الجواب |
مكتب عقار وبيع التصاميم الخلابة يبي لكــ مهندس سعودي بس ولكــ السعي سواء من الشاري أو البايع حسب إتفاقكم سواء اللي إنعرض فندق والأ قصر والأ أي عقار والزايد عن سعر المكتب خذ لكــ أرضين موغاليات وخلهم مثل ماهم بس بأملاككــ فتكون دشيت 3 مشاريع بنفس الوقت ثالثهم مهندسكــ يصمم وإنت تعرضهم ع المستثمرين وشركات المقاولات كل تصميم تبيعة بــ 30 أو 40 ألف وممكن أكثر سواء منتزة والأ قصر ملكي والأ سوق 0000 والأ يصمم ع الطلب بس يكون شي مميز عشان الطلب وبالتوفيق |
اقتباس:
الله يوفقك عزيزي حبيت الفت انتباهك على ما قريت المغسله النموذجيه يبي لها ما بين 300 الف إلا 400 الف تقبل تحياتي ومروري |
اقتباس:
400 الف :q الله يهديك اعرف واحد فاتح له مغسلة 55 الف ريال وبس والدخل ماشاءالله عليه والله يزيده انشاءالله فوق 7 الاف ريال وهي مغسلة بس اما اذا ابي اتفشخر اسوي بمليووووووووون هذا اللي انا شايف وعارف وبالتوفيق |
اقتباس:
اقتباس:
:) صادق اخوي في كلامك وانت قلت مغسله وانا قلت مغسلة نموذجيه واقول لك على حاجتين فقط مغسلتي إلي تكلمت عنها تحتاج إلا جهازين بخار الواحد يكلف 21.500 ريال يعني الجاهزين 43.000 ريال :) والمغسله إلي قلت عنها انت إلي تبنيها :) وش رايك الحين وإذا تبي تفاصيل اكثر ارسل لي رساله فاضيه على الخاص ولك مني اجمل تحيه :) |
اقتباس:
والمجال مافيه شئ معين ؟؟؟؟؟؟ |
شباب الله يعطيكم العافية
معذرة اليوم كان على ضغط في العمل مأقدر ارد عليكم واحد واحد لكن أن شاء الله بكره وأخي الفاضل عالم القهوة مانستغني عن خبرتك في مجال مغسلة السيارات ع الخاص ودمتم |
اذا تبي الاستثمار عندي لك مجموعة من الافكار
اول شي الاراضي والله فيها فلوس واللي يقللك تخسر هذا ما عندة سالفة والله فيها خير تصور ارض تشتريها 200الف ريال وبالكثير من شهر وانت تبيعها ب270 الف ريال والله تبي نصيحتي الاراضي فيها خير ثاني شي مثل ما قالوا الاخوان فك لك مغسلة بصراحة المغاسل عليها اقبال مو صاحي ... وفي اي مكان المغاسل تمشي وما تكلف والله يوفقك |
* مداخلة *
تنشرح صدورنا بأن نرى شبابنا أتتهم الصحوة العملية واقتناعهم بأن الوظيفة ما تأكل العيش بالزمان هذا .. لن ينفع الوطن الا ابن الوطن .. ــــــــــــــــــــ بصراحه اخوي عليك بالنقل .. الدنيا كلها تحتاج نقل في جميع المجالات وارباحه دورية ويومية تصل الى 500 يومياً على اقل احتمال وعليك الحساب آخر الشهر ..!!! والقسم هنا في مبدعين اعطونا افكار عملية وواقعية وسهلة التنفيذ في مجال النقليات بجميع انواعه .. ولا هان الاعضاء اخونا ابن الهيلا ما قصر كفى ووفى بهذه المواضيع وغيره من الاعضاء ايضاً ما قصروا .. واذا تبغى نصيحه عملية التجارة طيبة بجميع نواحيها .. فقط احسن النية وتوكل على الله .. واتخذ تجارة بشئ تحبه وتهواه وتجد نفسك فيه فهذه الطريقة اساس نجاح اي مشروع بفضل الله .. واستخر فلا خاب من استخار الخالق ثم شاور المخلوقين وان شاء الله ان الله يبارك لك بمالك وحياتك .. بالتوفيق لك وللجميع |
الله يرزقك ويوفقك وين مارحت
وجميع الاخوه والاخوات |
اشتر لك تريلا او اجرهااا ع الشركات بي 10000 بس انتبة منهم
|
شوف الشغل اللي يناسبك وانطلق على بركات الله والله يوفقك
|
شوووف المشروووع اللي ترتاح له والله يوفقك
|
اقتباس:
بس فكرة المكتب الهندسي والاشراف جدا مربحة سويت لها دراسة جدوى شهريا لا يقل عن 50000 ريال بس المشكلة بالتراخيص |
انا نصيحيتي ماتحط البيض كله بسلة واحده اشترى لك ارض رخيصه لها متسقبل يعني
والبقاي سوى فيه مشروع صغير مغسلة ملابس وبالتوفيق |
خذا نصيحتي ضبط علاقتك مع صاحب مكتب عقااااااااار ولو يحصل تعطية نسبة من الأرباح
بشرط أنه يعطيك نصايحه عند شراء الأرض لأن أصحاب مكاتب العقار يعرف أن المخطط الفلاني مثلاً بعد شهر أو شهرين بيزفلت أو هناك مشاريع ستقام قريبة من الأرض المستهدفة يعني بالعربي فيه أشياء ترفع سعر الأرض فأنت أسبق الأرتفاع بالشراء |
ليش كذا ياوطني
وجهة نظري حاول تدرس مشروع ناجح 100% وهذا حسب شطارتك وميولك او على الاقل تشوف لك استشاري واذا مالك بوجع الراس نصيحة اخ !!! شوف لك بيت لوشعبي او دور واحد واشتره حتى لو نقص شوي تقصده عليهم بس أهم شئ لا يكون اقل من شقتين وأجره بالشهر ممكن بالشهر لا يقل عن 1200 ريال ( 1200 في 2 = 2400 ) ريال بالشهر والبيت ملكك !!! بتقول ويش الفايده اذا فيه اقصاد اقولك سدد الاقصاد من الايجار بوحده من الشقق ,, مجرد رأي ,,, |
^
^ ^ ^ أعجبتني الفكره بصراحة حولك شيء طيب |
انصحك بالقيام بزيارة الى الصين والاطلاع على الاسواق ( الجملة ) والمصانع لمدة اسبوع او اسبوعين
وبعدها قرر ماذا تفعل بـ80000الف واذا انت ما ترغب السفر المشاريع كثيرة لكن الاختيار هو الاصعب لك حاول ان تكون صائد الفرص بالوضع الحالي مثال ( الان جهاز الحاسب الالي ( لاب توب ) اما فتح مشروع حاسب الالي محل او معر ض او فتح محل صيانه حاسب الالي بالتوفيق لك وللجميع |
[align=center]
اشتر صندوق قلاب أوصنعه ب70000 وقم بتأجيره على الأقل ب4000 شهري وله مزايا ما تحتاج استمارة ولا فحص ولا سواق ولا قلق ويمكنني مساعدتك [/align] |
اقتباس:
مشكور أخوي ياليت التوضيح أكثر حتى نستفيد ويستفيد باقي الأخوة وجزاك الله خير |
اقتباس:
يعني مافيها إحتكار لأنه مليون مدينة * وكل مدينة فيها مليون حي وحي كلها تبي إعمار ومشاريع غير القديم والسياحة و المناطق اللي ماخططوها للحين :q وشوف المكان كله صحاري والناس كله أجارات فهم رزقهم واصلهم والحين جده بروحها تبي 200 شركة ع الأقل عقب السيل ومكة اللي هدواا فنادقها ألف شي وشي وبعض الهوامير يدور شركات بالباطن :d |
اشتر صندوق قلاب أوصنعه ب70000 وقم بتأجيره على الأقل ب4000 شهري وله مزايا ما تحتاج استمارة ولا فحص ولا سواق ولا قلق ويمكنني مساعدتك اخي الكريم عندي طموح انا لدي نفس الفكرة لكن المبلغ 45 الف ريال واريد شراء سطحة او قلاب وتأجيره لكن ليس لدي خبرة خصوصا السائق كيف يتم توفيره ارجو منك افادتي سريعا ولا استغني عن خدماتك ولك جزيل الشكر |
الاخوان ماقصروا
داخل استفيد الله يوفقكم |
نصيحه
والله اخوي الارض لحاله ماتنفع مشروع لانك ماتدري متى يتحرك السوق وانا انصحك اتسوي اكثر من مشروع واحسن المشاريع اللي لها دخل ثابت وشهري زي المحلات التجاريه او مكتب عقار ومكاتب العقار اربح صراحه لانك متحتاج الا مكتب مؤثث وتصريح وموظف يدير لك المكتب والمحلات التجاريه حلوه بس لازم تكون لك خبرة ولا رحت بالرجلين لان العمال راح يلعبون عليك يعني لازم مراقبه ومحاسبه وتكون انت متابع بنفسك يعني لازم تكون متفرغ تقريبا ولا الربح مربحه صراحه واذا حبيت اي مساعده انا بالخدمه
|
بسم الله الرحمن الرحيم اقول اسمع الكلام مني بس ولايهونون الاخوان والاخوات دريهماتك انتبه لها لايصير بك ماصار فيني ... انا اخذت قرض 150 الف وضاااعت بمشروع لاني مادرسته زين وللحين اسدد :mad::b عالعموم مابي اشغلك عليك بالسيارات المصدووووومه خصوصا لو بتستوردها انت من امريكا والله يافيها قروووووووش:Thumbs::Thumbs::Thumbs: بس شوية تعب بعدين تحس بطعم تعبك وتدعيلي وللمعلوميه لو تسال شريطيه بيقولون لك لا ومدري ايش لانهم حسوووودين فلا يغرك كلام الشريطيه لان نصهم مامن ذمه :( |
^^^^^^^^^
وكيف تشتريها من النت ولا لازم حضور شخصي هناك ممكن تشرح لنا العملية |
اقتباس:
وتجمع معلومات عن متوسط الاسعار حقت السيارات وبعدين تسافر على بينه وتشتريها بنفسك وتخلص امور الشحن (خصوصا لو بترسلها مصدومه لازم ترسلها لدبي تصلحها وبعدين تدخلها السعوديه) والله ياجماعه الموضوع هذا مرررره فيه خير انا ودي ابدا فيه من زمان خصوصا ان اخوي وولد عمي فامريكا بس عندي مشروع ثاني جالس اشتغل عليه عالعموم وش رايكم نتشارك ونسوي شركه :) ترا اتكلم جد ...وانا مستعد اشارك اي شخص حتى لو مو سعودي:w وهذي مواقع لبيع السيارات المصدومه المستعمله والجديده عفوا الروابط الخارجية مخالفة يارب تعم الفائده للجميع |
ليش كذا ياوطني
انا ابي اقترح عليك اقتراح انك تشتري تريلاه شركة مان من المانيا فيه مكاتب وفيه وسطاء يجبون سيارات من الماني مقابل 5000 الى 7000 ريال ((((((وانتبه لان فيه ناصبين كثير هناك وخاصة الاتراك والشيشانيين لاتتعامل معهم))))))))) يعني مو لازم تروح المانيا لان الاسواق في المانيا تختلف عن بعض في الاسعار وذحين افضل وقت الاستيراد السيارات من المانيا بسبب الازمة الاقتصادية اللي اجتاحت اوربا والاسعار رخيصة مقارنة بالسعودية ... واسعارها تبدأ من 70000 ريال وانت طالع راس فقط من دون تيدر(صندوق) واشتر من السعودية تيدر او استأجر . واجر التريلاه على شركة بالسواق يعني السواق تبعك لان اذا كان السواق تبعهم راح تتكسر عندهم السيارة وراح يطلع لك صافي الشهر 15000 اذا كنت انت السواق او ادرتها ادارة صحيحه . تحياتي لك روح الوطنية |
وفقكم الله
|
اقتباس:
ياليت ترسل لي الرابط على الخاص الله يعطيك العافية |
| الساعة الآن 11:14 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين