حلول البطالة Unemployment Solutions - الادمـيُ ضيف والدنـيا معـآزيبــــه ..

الســــلآم عليكم ورحمـة الله وبرركـآـآتـهُ . إن شإء الله الجميع بخيـر
حبيــتُ إجيب لكم هذه الابيآت الرإئـه .
لـ الشـآعر سعـود القـت
قال الذي قاس من ماضي تجاريبه، له مدة صحفة الماضي يراجعها
الوقت مـا دوم صافيـةٍمشاريبـه , لابدّ مـن ساعـةٍ تشكـي مواجعهـا
الآدمـي ضيـف والدنيـا معازيبـه , والضيـف لازم معازيبـه يودعهـا
لو شاف من ثغرها بسمةوترحيبـة , لابدّ روحه مـلاك المـوت نازعهـا
شيٍ كتب فـي سجلـه لازم يصيبـه , أقـدار الأمـة مـوقّـتٍ مدافعـهـا
ياللي تـذم البخـت وإنتـه تسابيبـه ,مقياس جيد السلع جـودةمصانعهـا
مـا كـل طيـرٍ يعشنـه مخاليبـه , ولا كل لقمة تسـد لجـوع جايعهـا
كم مستريبٍ ولا بانـت بـه الريبـة , وكم من نزيهٍ عبـاة الشـك قنعهـا
السيل غير مسـاره عـن مساريبـه ,روس الخليقة مشت مع درب تابعهـا
بيت الشكالات مرخيٍ فـي أطانيبـه ,أهل الودايع تخلـت عـن ودايعهـا
ولا عاد للبعـض لا قيمـة ولاهيبـة , من يـوم بعيونهـا بـادت طبايعهـا
وصار القياس الحقيقي للرجل جيبـه , والناس شالت ضررها في منافعهـا
من زاد ماله لزوم تزيـد أصاحيبـه , لو صملته لا لفحها القيـض ميعهـا
ومن قل ماله تبـا تكثـر عذاريبـه , لو كان لا كبرت الدعـوى يسنعهـا
ومن يعترض في نحاة السيل ينحي به , لو كان نفسه هواها مـا يزعزعهـا
يقل سعـر الفشـق سبـة مكاذيبـه , وتوزن حمول الأصايل من تهجرعها
والرجل ما يشبل إلا فـي ذواهيبـه , ما هو عصا للبشـر ويـرد تايعهـا
ما يعترض كلمةٍ مـا طلعـت شيبـه , بضاعـةٍ بيـن سايمهـا وبايعـهـا
رحاة جاشٍ برمهـا الوقـت ولهيبـه , وفاعت هجوس الفكر من حر لايعها
من صلوها قلـط الكيـف لشواريبـه , فنجال من دلةٍ مـا الوقـت طايعهـا
عقدٍ مـن اللـول منظـوم للواعيبـه , في جيد من ذيّروهـا مـن مراتعهـا