كتابة العدل
:wبسم الله الرحمن الرحيم يا شباب ابغ اد:wخل الموضوع من غير مقدمات ويا ليت ما تقصرون انا ابسأل ألي قدموا على كتابة العدل وش طبيعة الاسئله لاني الاسبوع الجاي ابطلع اقدم يا ليت تفزعون لي |
اقتباس:
وانا مثلك ناوي أقدم وأن شاءالله نلقى احد يجاوبنا ويعلمنا على طريقة التقديم والمقابلة والاختبار وشكراً |
ان شاء الله نلقى احد بس ابغ اتأكد هو فيه تقديم الحين واذا كان فيه وش يطلبون
|
اقتباس:
أكيد التقديم مفتوح الان وللعلم أقل تقدير مطلوب هو جيد جدا أما بالنسبة لباقي الشروط فان شاء الله نلقى احد يفيدنا فيها |
انا معدلي جيد وغير مربي دقن تنصحوني اروح لهم أو بلا ش خساير انا ابعد عن الرياض اكثر من 1100 كم
|
موضوع مهم بارك الله فيك اخوي
شلون نقدم على الوظيفة وكم راتب كاتب العدل ان شاء الله نلقى من يتكرم بالاجابة على التساؤلات بحفظ الرحمن |
الأخوه الكرام ......................... إفادتي لكم بشأن التالي / التقديم على وظيفة كاتب عدل .. متاحة الآن لجميع التقادير من ممتاز إلى مقبول مقر التقديم .. المركزالرئيسي بالرياض رقم مكتب كتابة العدل 014030108 داخل الوزارة .......... لتتأكد بنفسك قل لهم مباشرة اريد استفسر عن كتابة العدل ويفيدونك مرتبة كتابة العدل .. المرتبة السابعة ماهية أو طريقة الإختبار .. بإختصار صعبة .. ومن وجهة نظري أن فيها تظلم لصعوبة الاسئلة كأنك في كرسي افتاء مع العلم أنك خلال ممارسة العمل تعرف كل أموره فهو لا يحتاج إلى تعقيد ولكن اذا اوكل الأمر إلى غير أهله فانتظر الساعة ... حسبنا الله ونعم الوكيل الأسئلة .. انا أختبرت في شهر 12 / 1430 وتقديري جيد أول سؤال أكتب آية الدين كاملة .. وثاني سؤال حديث نصف صفحة ثم يأتيك أسئلة على شكل مسائل .. اذكر الحكم مع الدليل أو التعليل ما بين 6 الى 9 مسائل .. لكل سؤال
صفحات الاسئلة 4 او 5 ................ الله المستعان ومن يتوكل على الله فهو حسبه ............. من يريد فعلية بذل الجهد والله تعالى هو الموفق والمعين والمقدر وفقني الله وإياكم للغنى بحلاله عن حرامه وبفضله عمن سواه ....... قال صلى الله عليه وسلم " لا تموتن نفسن حتى تستكمل رزقها وأجلها " فثق بالله تعالى ولا تياس وافعل السبب وابذل الجهد .. تقبلو تحياتي وتقديري |
مشكورين يا شباب وما قصرتوا ويا ليت ألي عنده شي جديد يقولون عليه
|
أنا رحت وقالوا لابد تقدير جيد جدا مرتفع
|
يا شباب محدثكم الحين واصل من الرياض قدمت على وزارة العدل واخذ الاوراق الطلبات 1/صوره من الوثيقه 2/صوره من حسن السيره والسلوك 3/صوره من بطاقة الاحوال فقط لا غير وبالنسبه لقول الاخ جيدجدا مرتفع اقوله جيب غيره اول ما جيت قال انت موظف قلت لا قال انت انتساب قلت لا وبعد كذا اخذ الاوراق وعطني ورقتان اكتبه |
الساعة الآن 07:03 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين