|
هــموم جندي :(
بسم الله الرحمن الرحيم قصيده كتبتها وانا في تمارين القوات الخاصه البحرية طلعت هالابيات مني ولاتعتبر قصيدة جزلة ولآكن طرحتها للفضفضه .. أخليكم مع القصيدة [align=center] ناس(ن) تنام وداخل القلب حسرات وناس تنام وماعرفت يوم حسره وناس(ن) تريح تحت في ومظلات ويروح يومه بين نومن ودشره ودجه مع العالم وروحه وتكوات ولاخير ترجي منه دون المظره ماطب في وسط البحر والمتاهات ولاشال في شمسه عموايد قشره ولايعرف الثابت وراوح وقلبات والدردبه ماكسرت يوم ظهره جاله زمانه كالزهرور المصفات سياره وكشخه ويازين عطره ماعفن ببدله مموه وشورتات تقطعت من كثر هرول يافغره ياكل على كيفه مسحب وايدامات وانا فطوري ماأهتني فيه مره مربى وقشطه في صحن بضع مترات وواجب نحمدالله على كل قشره ماأرتاح في يومي وفي الليل مابات وفلان نايم وسط غرفه في قصره يجيك عبدالله ودوبك في ونات تبي تريح قال انهض لبره حدتني أيامي على سود الاوقات ودخلت فيها لأجل عينك يامهره بعد خدمة ديني في كل الاوقات وحماية ارض الخير بكل قدره يالله صبرني على شان اقتات وأكون جندي مخلص بكل عسره .. [/align] وسلآمتكم \\ الســلمي:d |
اقتباس:
قصيده منتآزه وأبيآتهآ روعه ومركبه من شخص مهندس لشعر وتستآهل المهره..والوطن يستآهل الشهآده في سبيل الله:) والله يصبرك يآبنآخي:d وأشوف مركب ثلآث أشرطه ولآ أربع:) وكفو والله بعيآل سليم تنطيلآتي |
ماشاء الله عليك والله اعجبتني الابيات واصبر الله يعينك لعيون مهره
تقبل مروري |
الله الله
تستاهل المهره كل هالعنا صح الساانك اخوي والله يوفقك وييسر كل امورك لاهنت |
صح لسانك
بس تحتاج الى وزن اشوي وعلى العموم القصيده روعه كلماتها اروع |
حلووووووووووووه صح لسانك
|
تستاهل المهره يا صبي سليم .
وصح لسانكـ . |
صح لسانكـ واعتلا من شانكـ .. وتقول مهب جزله
الا الجزاله كلها موجوده صح لسانكـ مدد بلا عدد تقبل مروري واحترامي ........ |
| الساعة الآن 06:18 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين