|
مشروع صغير لكن شكله يدر اموال طائله.... وش رايكم؟؟
بسم الله الرحمن الرحيم كيف حالكم جميعا...... في الحقيقه <<< وش عنده :d صراحه يا اخوان انا عندي فكره شكلها جهنميه <<< مهب واثق :( المهم الفكره هي عباره عن فتح محل وابيع فيه حلويات شرقيه طبعا من عمل الوالده مثل (شعيريه , بسبوسه , كنافه وحلوية الجزر :rolleyes: و الخ) وكم دلة قهوه وتمر فاخر بكل انواعه , سكري , صقعي , خراف << في الصيف يبو بس الخراف ...... الخ طبعا المحل يكون في احد الشوارع اللي يتجمعون فيها الناس ... او نقدر نقول ( فيها روحه وجيه) بيكون فيه انواع من القهاوي والشواهي <<( جمع شاهي) والنعناع وما الى ذلك .. بالاضافه الى وجود تلفزيون كبير وقنوات رياضيه وكنبات وجلسات وتكون راقيه .. وش تقولون عن الفكره مثلا سواء كانت سديده او لا؟ وعطوني الايجابيات والسلبيات قدر الامكان اذا لقيتوا ... قال تعالى ( وامرهم شورى بينهم ) قال تعالى ( وشاورهم في الامر) |
صراحة مشروعك حلو:rolleyes: ....... في واحد في مكة مشاء الله مسوي كذا تقريبا في مشروعه جزء من افكارك و كتبت عن موضوعه حتى ان الناس صارت تنبسط عنده .. و تجي له مخصوص من اي مكان ..:p بكل صدق فكرتك طيبة ....... اعملها و اكتب لنا عنوان جلستك :court: ... حتى يجونك الزباين من كل مكان في المنتدى ...... ;) ترى نحب نكسب السعوديين ......... و الهوية السعودية و بس .......;) الله يوفقك و يرزقك ان شاء الرزق الحلال و الكريم ... يا رب .:rolleyes: |
فكرة حلوة واتمنى لك التوفيق والمهم العمل والارادة القوية
و بالتوفيق للشباب السعودي جميعا |
فكره حلوه وجديدة نوعا ما
الله يوفقك ويرزقك من واسع فضله |
فكرة ممتازه أخوي وأنا أشجعك عليها وممكن بدون محل...طبعاً مع المحل أفضل...بس إذا ماكن عندك محل ممكن من البيت توزع إعلانات مع رقم الهاتف...ومن خلالها تتواصل مع الزبائن... هذا المشروع أعرف عندنا نساء يقومن به من منازلهن بدون إنهن يفتحن محل وأغلب زبائنهن من القطاع العسكري...وخاصتاً الدوريات... ومع الوقت إذا لقية نجاح وإقبال ممكن تحوله الى محل لان المحل نصف نجاح المشروع...لازم تختار الموقع الناسب.. توكل على الله بالتوفيق |
حلوه الفكره
بس هالله هالله بالديكور والتسوووووووووووويق مهم جدا التسويق للمحل |
بالنسبه للديكور .....
ممكن يكون على الطراز القديم ... المحل يكون على شكل بيت من الطين مثلا او مايهم مظهر المحل من الخارج لكن داخليا هو الاهم يعني يكون على شكل البيوت القديمه في القرى والسقف يكون بجذوع الشجر او سعف النخل ويكون فيه بعض النقشات على الجدران .. النقوش الحمراء والزرقاء وافياش الكهرب تكون ذيك الافياش اللي لون الزر حقها اخضر القديمه اللي اذا طفا نور الغرفه تنور :) .... والخ وشاكر لكم على مروركم |
السلام عليكم ...
المشروع قائم وموجود حالياً في الرياض ( تقاطع طريق خريص مع شارع الضباب ) وممكن تمرهم وتشوف الوضع وصدقني لابد تطلع بنتيجه بنتفيدك بالنهاية .. اسم الكوفي ( كيف الشيوخ ) وديكور طين وجبس والسقف سعف نخل مثل ما قالك الأخ / قوطي ببس , وبالتوفيق انشاء الله ,,, |
طيب كم بيكلف المشروع لو اقترض من البنك؟؟
|
شاكر لكم على مروركم يا اخوان ............
بالنسبه للاخ فتى نجد ... ذكرت في ردك السابق بأنه يوجد محل يحمل الافكار التي ذكرت انا في الموضوع او يحمل القليل منها .... فمن خلال زيارتك له ان كنت قد زرته ... فكيف وجدت المحل والخدمه ؟؟ وهل هو ناجح في منظورك ؟؟؟ انتظرك |
| الساعة الآن 11:51 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين