|
مايسمى " الشيخ محمد عبداللطيف جميل "
السلام عليكم
الجميع سمع بمجهودات مجموعة عبداللطيف جميل في خدمة المجتمع ...الخ وحصول المجموعه على عدة جوائز في السعوده طيب هل تظنون انه فعلا كذلك اسمعو قصتي قبل يومين فقط من كتابه هذا الموضوع " الموضوع تجربه شخصيه وليس منقول من منتدى او غيره " حاولت اتصل بالشيخ بخصوص موضوع انشاء محطة تحلية مياه ومصنع تعبئه مياه ماقدرت رحت للبلد " مكتب البريد السعودي " وادفع مبلغ 30 ريال فقط لورقه مكتوب فيها معالي الشيخ محمد عبداللطيف جميل حفظه الله السلام عليكم ورحمة الله وبركاته ارجو التكرم بلقائكم لأمر تجاري هام وحطيت اسمي ورقم جوالي ثاني يوم جاني اتصال من الشركه وكنت نسيت الجوال في البيت وخرجت ولمن رجعت لقيت الرقم حق المجموعه قلت اتصلبهم ثاني يوم اتصلت ثاني يوم ورد عليا المامور وقلت له جاني اتصال من عندكم بخصوص كذا وكذا حولني لواحد فلبيني " اعتقد ذلك " رد على وكلمتهخ بلأنجليزي ووضحلي انه الي اتصلبي مدير مكتب محمد عبد اللطيف جميل وقالي هو لسه ما داوم وراح اتصلبك بعد شويه لمن يجي الساعه 10.30 اتصلبي اليوم واسمه الدكتور حمد الو سلام عليكم وعليكم السلام كيف حالكم طيبين ...........الخ اش موضوعك يا اخ والله موضوعي اني بقابل الشيخ لا مو ممكن ليه ؟ اول اعرف موضوعك يادكتور ممنوع اقابله ؟ ايوه لازم اعرف موضوعك اول قلت موضوعي طويل قال مو مشكله انا اسمعك وقول موضوعك قلت موضوعي بخصوص انشاء محطة تحليه ومصنع تعبئه للمياه بجده و ابغى دعم الشيخ بخصــــــــــــ....... ولسه ما كملت ورد على لا لا لا لا قلت اش هوا لالالالا قال عندنا قلت وين عندكم ياخي انا عارف السوق قال مو لازم تعرف قلت يادكتور .... قالي بعنف انت قايلنا فرصه نادره ومدري ايه وخليتنا ندهر ووووووووووو قلت يادكتور اقرا الرساله واش مكتوب فيها " ارجو مقابلتكم لامر تجاري هام " قال لي خلاص مانبغى شكرا وقفل السماعه =================== هذا محمد عبداللطيف جميل ولحد يقولي عبداللطيف جميل ماله ذنب وانه مدير مكتبه الي اتمصخر عليك لا محمد عبداللطيف جميل هو من وظف هذا المسمى الدكتور حمد وهو من يتجمل المسؤوليه وبعدين حتى ماسألني عن اي شيئ عن المشروع وماهيته ماذا كان ينتظر ؟ وبعدين ليه يكذب ويقول عندنا ؟؟؟؟؟؟؟؟؟؟؟؟؟؟؟؟ وين مصنعه ؟ انا اعرف المنطقة الصناعيه شبر شبر تصورو مدير مكتب رجل اعمل ويتباهى بالكذب واصريت عليه يقولي وين المصنع لكنه لم يجيبني :court: المشروع الي كنت ابغى اعرضه هو عباره عن انشاء محطة تحليه لمياه البحر بطاقة انتاجيه 15 الف طن يوميا = 15 مليون لتر ماء بتكلفة 50 مليون ريال بسعر للبيع للطن الواحد 5.50ريال تكلفة الطن 3.50 ريال اي ان ريالينونصف للطن ربح يعني 30000ريال في اليوم ربح في الشهر اكثر من 10 مليون في السنه120 مليون هذ بالنسبه للمياه المنتجه من المحطه فقط اما مصنع التعبئه بطاقه انتاجيه 20 طن كبدايه يعني 20 الف لتر بقيمة نصف ريال للتر معبأ وجاهز للبيع يعني 10 الاف ريال يوميا في الشهر 300 الف ريال في السنه 36 مليون بعد مصاريف التسويق راح تفضل 100 مليون ريال ربح صافي بس للأسف طول مافيه رجال اعمال حمقى ماراح احد ينجح وللأسف هذي فرصه لتوظيف الشباب العاطل برواتب ممتازه بس لاحياة لمن تنادي حسافه عليك ياوطني |
نسيت اقولكم
رحت للبنك الصناعي وقالولي لازم يكون في حسابك على الاقل 5 مليون ريال هههههههههههههههههههههههههههههههههههههههههههه هذي نكته الظاهر لو عندي 5 مليون ما رحت للبنك الصناعي وعلى طول شفت شريك وبدينا المشروع |
عزيزي أنا معك أن طريقة كلامه معك ماكانت بالأسلوب اللائق .. ولكن ياعزيزي هذه شركة ضخمه وتحتاج إلى الملايين من تكاليف شراء الأراضي وبناء الشركه بكافة فروعها وسيارات التوزيع وموظفين لهم خبرتهم العلميه والعمليه .. كذلك بحكم خبرتي العمليه سابقا كموظف في مصانع المياه بشهادتي الجامعية أجدك تعمم المكاسب بهذه الطريقه السهله وتناسيت المشاكل والمعوقات التي تحدث في بدايه أي مشروع تجاري .. اقتباس:
أذكر مثلا إحدى الشركات الرائده في تعبئه المياه في السعوديه كنت معهم سنتان فقط .. السنة الأولى بعد حساب التكلفه وميزانيه الشركه كانت خسارتهم مليون ريال !!! وفي السنه التي تليها كانت الربحية لهم سبعة ملايين ريال فقط .. وأنت ماشاء الله عليك بكل بساطه تقول بإن ربحيتك سنويا 36 مليون !!! فأقتراحي لك أخي العزيز .. بإن تحاول مره أخرى في مشروع صغير وإذا رزقك الله تتوسع في هذا المجال أكثر فأكثر حتى تقوم الشركه على أساس متين .. ولك عبره في رجل الأعمال الناجح الشيخ عبدالعزيز الراجحي عندما كان يعمل حمالا بسبعة ريالات إلى أن افتتح بنكا رائدا وتوالت بعده الشركات التي افتتحها بعرق جبينه وكان مثالا للشعب السعودي الناجح .. وفق الله الجميع |
اقتباس:
اولا بالنسبه للشركات شركة صفا الربح السنوي 55 مليون ريال شركة العين 60 مليون ريال شركة دلتا 122 مليون ريال هذي نقطه النقطة الثانيه الشركات المذكوره تشتري الماء ولا تصنعه النقطه الثالثه انا ايضا عملت بشركتين من الشركات المذكوره واعرف عما اتكلم ثالثا لدي دراسة جدوى اقتصاديه رابعا اخوي محمد وارجووووووووووووووووووووك تفهم هذي النقطه شركة دلتا هي لمستثمرين فلسطينين وارباحهم خياليه فلم تصادر علي حلم مشروع سعودي 100% انا خريج كيمياء بحريه والتحليه هي تخصصي وعملت كمهندس كيميائي بعدة شركات للمياه واعرف ما اقول عندما اتكلم عن التكاليف والانتاج وتعال انا وانت نروح للشركات المذكوره فهل انت جاهز؟؟؟؟ |
الناس ماهي ميته عطش
اقولك بلا تحلية بلا تكاليف مالها داعي الناس ماهي ميته عطش , ابقترح عليك تشاركني نسوي مطعم بخاري هذا الشي اللي يفلح عندنا ويمكن معالي ( لي تحفظ على اطلاق كلمة معالي لانها ماتطلق الا على الوزراء فقط) محمد عبد اللطيف يسارع في دعمنا . شغل مخك انت في السعودية بلد المطاعم .
|
اقتباس:
روح على المنطقة الصناعيه وشوف الشركات كيف تتقاتل من اجل سيارات المياه لمصانعها مصنع لونا لوحده ياخذ 120 سياره يوميا النقطه الثانيه المطاعم انا معاك انه بلد مطاعم لكنه ماهو طموحي ياخي وبعدين اذا بتقعد فيه براسك انا اضمن لك الفشل 100 % اذا اجرته لأجنبي بينجح ونرجع لنقطة الاجانب مسحهم الله من هذي البلد اما بخصوص معالي اوكي عمو صابر ولا يهمك هههههههههههههههه بقوله شوشو من اليوم وطالع ههههههههههه والله انه شوشو :d ومايستاهل غيرها وابشرك ماهو داعمنا طول ما هالسلق موظفينه موجودين |
يل خوي تراي امزح يوم اقولك باسوي مطعم لاني ولله الحمد مقاطع هالمطاعم بالكليه والله ان علبة زبادي تسوى عندي مندي من تحت ايدين هالبشر. واقولك الله يوفقك بس انا اخوك خلك صميدع وصمل على رايك ترى الحلم مايتحقق الا بالصبر والمجاهدة وطولت البال . والعب يالاخضر وانا ويااااك
|
الله يسمع منك ويارب يوفقني وياك واخونا المسلمين
|
اخي لو تكتب ماصار لك بالجريده
ثاني يوم يتصل عليك |
اقتباس:
من اولها تصريف والله حتى ماخلاني اكمل كلامي وبعدين اروح للجريده اش اقولهم؟؟؟؟؟؟؟؟ ابغاه يدعمني بالقوه يعني؟؟ |
| الساعة الآن 06:38 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين