|
الفصل الثاني: اختطاف العمدة
اتفقت مع الحرامية اننا نفك القيود ونهجم على الغابة ونخطف زيدان ونطلب فدية قدرها 5 مليون دلاور...طلعنا في نص الليل انا وعاطل فاهم وكبتن عتيبة...ومع شدة الظلام يالله نشوف الدرب....كان معنا كشاف....دخلنا القصر وخطفنا زيدان وحطيناه في كيس ...واليوم الثاني فكينا الكيس......لقينا فيه قلب المملكة خخخخخخخ ...طلع حرامي يبي يسرق اللاب توب حق العمدة......وصدنا بالغلط....بس يالله ينفع قلت للعيال خلاص دامنا مسكنا قلب المملكة ...خلونا نطلب فدية من اهله 5 مليون...مع اني عارف انها كثيرة عليه وهو مايسوى حتى نصها...صورته هو وجوازه وطلعته في قناة العربية....انتظرت الاتصال من أي واحد من اهله....ماحدن عبرنا....اخذت الجوال واتصل على اخوه الكبير...قلت له احنا عصابة خطيرة جدا معنا اخطر عضوين شغالين في المافيا الايطالية ويهربون مخدرات واحد مننا اسمه عاطل فاهم...احنا خطفنا اخوك قلب المملكة ونطالب بفدية قدرها 5 مليون...وسوينا خصم خاص لأول خمس حالات اختطاف 10% يعني بيطلع عليك الفدية 4.5مليون....وشوية قفل في وجهي الخط....اليوم الثاني دقيت عليه قلت له خلاص طلعت الفدية 3 مليون....ومافيه فائدة....سويت له تخفيض..2 مليون...800 الف ....120 الف....14الف الين وصلنا الى 1800 ريال ومافيه فايدة....اخر شي اتفقت معه اني اوصل قلب المملكة وهو يدفع حق المشوار...وصلته وفي الاخير قال ماعندي فلوس ادفع انت وانا بعدين اعطيك الفلوس...والى الان مادفع لي شي.. باقي حلقة اخيرة في العدد القادم |
اقتباس:
الله يعافيك بس ياخوي يوم اقرا توقعيك احس ان داعس على قزازة والا مسمار |
ما فيه حبال بس فيه مكيفات يعني بعض الصناعات موجوده وبعضها لا
ههههههه |
ونص بنات المنتدى استخدموا وصفات كبتن عتيبة وطلع لهن شنب خخخخخخخخ
ههههههههههه.............شنب عاد.....الله يقطع بليسك تخيلتهم بالشنب صراحة ابداع .....بانتظار القادم |
ههههههههههههههههههههههههههههههههههههههههههههههههها ااي ياخي انتم مجرمين وماعندكم لعب مع المخطوف قلب المملكه ومن 5 مليون دولار .. الى توصيل قلب المملكه ودفع حق المشوار .. وفي الاخير دفعوكم حق الليموزين :d وبعدين تعال ياقلب المملكه http://g.abunawaf.com/2009/11/17/gant/nono.gif وش اللي مدخلك القصر ومخليك تسرق اللاب توب .. http://g.abunawaf.com/2009/9/4/smii29.gif |
هههههههههههههههههههههههه
يعني قلب اهله بايعينه لهالدرجه مستخسرين فيه هالمبلغ البسيط :d:d:d وانت احول لهالدرجه ياحآكم ماتعرف تفرق بين زيدان وقلب :d:d:d بإنتظار باقي القصه الله يعطيك الف عافيه وسعت صدورنا |
حاكم بيزنطة صدق ماعندك سالفة أنت عارف أن أهلي يعرفونك ويعرفون أنه ماعندك سالفة مالقيت تخطف إلا أنا يبيلك دورة في فن الإختطاف :Looking: |
اقتباس:
أصلاً ماطلع في الشنطة لاب توب طلعت صور للحاكم بيزنطة كنت ناوي تقتله أعـــتــــرف :Thumbs: |
الفصل الثالث: اكتساح الديناصوارت..وانقراضها
في الصباح الباكر (حلوة الباكر خخخخ) هاجمت الغابة مجموعة من الديناصورات ودمرت كل شي ...حتى قصر العمدة...تدمر وصار تشليح .... ورجع عاطل فاهم وكبتن عتيبة لممارسة عاداتهم ....السرقة والنهب....كبتن عتيبة ماسك صلعة زيدان ويقولي لقيت الصندوق الاسود..... والمشكلة كل شويه زيدان طالع في خبر عاجل يقول الوضع تحت السيطرة....من اكثر من خمس سنين والوضع تحت السيطرة الين قبل ما يوصل السيل للغابة وهو تحت السيطرة..... المهم اجتمعت اجتماع مغلق انا وزيدان وعاطل فاهم والفراش هيبة فنان اللي من بداية الاجتماع وهو يشخمط على الطاولة وقلب المملكة وكبتن عتيبة اللي يبي يسرق نعولنا وانتم بكرامة على باله انا في مسجد اتفقنا على عدة نقاط عشان نقضي على الديناصورات وهي: 1-بناء مجمعات سكنية للديناصورات في الوديان وتكون برسوم رمزية. 2-تحويل مصب الصرف الصحي من حارة حمود ابو ريحة الى حارة الديناصورات. 3-تخفيض المهور.(هذي جات بالغلط) وتم تسكين اكبر عدد منهم في المجمعات السكنية ....لكن المشكلة ان كل اللي حضروا الاجتماع جابوا عيال عمهم وسكنوهم في المجمعات المخصصة للديناصورات... وبعد سنتين جا عليهم سيل وجرفهم كل ابوهم واحد واحد والمشكلة ان اعضاء اللجنة مافيهم ولا واحد شغل مخه وترك عيال عمه في امان الله في بيوتهم القديمة... وبهذا انقرضت الديناصورات وانقرض معه الجيل القديم من الكائنات الحية...ومع انقراضها نكون وصلنا لنهاية القصة وفيما يلي اهم مايستفاد منها: 1-ضع المكان المناسب للنفر المناسب وابعد أي شخص غير كفو خصوصا الصلع لأنه ثبت ان المخ يروح مع الشعر اثناء الحلاقة. 2-عدم ان يكون الانسان حرامي. 3-عدم ان البنات يصدقون الاعلانات اللي كلها خرطي....خلطات كبتن عتيبة كلها زيت عافية مع نص كيلو خيار موية تونة....ويبيعها على الضعوف ب150 ريال. 4-لا احد يثق في تصريحات بعض الناس. 5-كل واحد يقفل على مكيف بيته بشبك حديدي عشان بعض الناس اياديهم طويلة. 6-شكرا لكم 7-فمان الله 8-مع السلامة 9-اراكم على خير 10-باي. شكرا لاصغائكم مع احلى الاماني |
ههههههههههههههههه ..
وش هالنهايه الحزينه :d:d:d هالقصه قصيره مو مثل قصه مصر نبي قصه ثانيه ياحآكم << حشى هذا إدمان تسلم ياحآكم .. ماشاء الله عليك مبدع وامتعتنا كثير الله يعطيك العافيه دمت بـ ود حنين الرووح |
| الساعة الآن 10:38 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين