|
ضايع ومالني فاهم شئ دقيقه لو سمحتم
السلام عليكم ورحمة الله وبركاته اخواني اعضاء منتدى حلول البطاله انا عضو جديد لكني قديم في التصفح والله اني كنت ادعي لكل واحد فيكم والله ان شاء الله يكتبلكم الي فيه الخير ومنها اهيء نفسي اني اقعد معكم بعد الثانويه لاني في اخر سنه ودعواتكم"P وان شاء الله افيد واستفيد من معلوماتكم ماشاء الله << اخلص عطنا الزبده المهم مثل ماقلتلكم انا في اخر سنه لكن احس ان ماعندي تخرج وكاني في اول ثانوي مع اني منسحب سنه وماشاء الله كل زملائي في المدرسه كل واحد حاطله هدف الا انا من غير هدف:eek: ومن فتره بسيطه خشت في بالي كلية الملك خالد العسكريه مع اني من غير واسطه لكن واسطتي هي ربي واملي فيه كبير :mوالي يبي يحطم يسكت الله لا يهينه ماني ناقص تحطيم:z بس المشكله مااعرف فيها شيء ولا عندي عنها اي معلومه واذا بحثت ماالقى الا ناس تستفسر وموقع الكليه مافي اي شئ كلله كلام عارفينه المهم حبيت اسئلكم كيف اختبار اللياقه عندهم يعني مهمه في التسجيل والمقابله الشخصيه كيف وش يقولون يعني عطوني عنها معلومات ماعليكم امر لاني داج في الحوار والجرئه عندي لكم عليها والسؤال المهم الكشف الطبي كييييف:g يعني النظر يمشون فيه خصوصا ان عندي ضعف بسيط وانحراف لحد يقول حول الانحراف هذا جوا العدسه:do5h: والاهم سمعت طلاب عندنا واسف على هالكلام:s يقولون يجمعون المتقدمين والكل سناويه<<سروال قصير انا اهلي ماقد شافوني بسروال طويل وفنيله عاد كيف العالم ويدخلون على الدكتور ويكشف (--------) بس ماادري ليش يعني وش يبحثون عنه وش يحسون به واخيرآآ عطوني معلومات عن الدراسه في الكليه وعن التدريب فيها وهل صحيح انها من افضل الكليات العسكريه من حيث الفللله يعني مو زي الامنيه وطقتها شده وقلق وووووووو واذا ماعليكم امر ابي الجدول اليومي يعني الاستيقاظ والتمارين والدراسه متى معليش عارف اني غثيتكم لكن وش اسوي هذا تحديد مصير وهذا مستقبل وانا اخوكم والي ماعنده بعد نظر ويحسب لبعدين مايعيش ولا انا ماني صاز يالله انا الان في انتظاركم والي ماعنده معلوما لايطلع من غير دعوه او يرفع الموضوع على الاقل لان في ناس كثير تبحث عن زي هالمواضيع والي يبي يضيف حيياه العين اوسع له من الحاجب اخوكم كللي طموح:m |
ماعندي اي معلومه اخووي
الله يوفقنا وايااك دنيا وآخره |
وانا اخوك خلي جسمك معضل ونسبتك عاليه وكل ذا بعد توفيق الله ورضى الوالدين ترا لا تقلق كلو في وقتو حلو اهم شي ذحين ركز على الشهاده وحاول تاخد دورات انجلش وكمبيوتر وبتوفيق |
انا اقول لك انا قدمت بالكليهالسنه اللي فاتت يحددون ايام علي حسب النسب وبعدين ترووح لهم وتعطيهم اوراقك اللي طلبوها وبعدين ويخذون وزنك وطولك ومقابله(( المقابله يسألك ويقول تحدث عن اي شئ لمده 10 دقايق ويقول لك اطلع اكتب لنا اي جمله علي السبوره )) واختبار تحريري اختيارات اسئله عامه واليوم الثاني لياقه بدنه بشم وتمارين وتركض في ملعب عندهم طوله 400 متر مرتين تلفه هههههه ويعطونك رقم الطلب واذا طلع مع الفرز المبدئي يحددون لك يوم تسوي فيه كشف باطنيه وصدريه وجراحه(( في تفسيخ ترااا هههههه)) وعيون واسنان وترووح ووتتوكل علي الله لين يطلع اسمك بالفرز النهائي وهنا انا وقفت مافي حظ عندي انا قبلت مبدئي وخلصت كل شئ ومالله قسم اطلع نهائي بس خيره انشاء الله
هذا اللي اتذكره وتبي الصراحه اذا مافي واسطه انحش لاتجيهم والله يوفق |
ويش مقصود أو معنى بدنه بشم ؟!؟ http://www.6u3.net/images/smilies/bigsmile.gif يعني أيش.... تمارين شد البطن أو تمارين للتخسيس... أرجو التوضيح ما معنى بشم بضبط من فضلكم ....؟!؟
|
لياقه بدنيه و تمارين للبطن و10 بشم هذا اللي اذكره
|
يالغاالي النسبه جبها من فوق 95 وان شاء الله تدخلها مثل ولد ولد خالي
********> ولده خاله يبي يتخرج بعد سنه |
اقتباس:
|
واسطه يانااااااااااااااااااااااااااااس الحرس الوطني وااااااااااااااااااااااسطه
اللي ماعنده واسطه لايجيهم ويتعب نفسه |
كحيلان نجد امين ان شاء الله وجزاك الله خير وما قصرت سوسو بوبا مشكور على النصائح والكلام الطيب وتسلم على المرور لالالا للبطاله تسلم يالغالي كفيت ووفيت ورايتك بيضا جزاك الله خير ومشكور على المرور سونيك ان شاء الله استفدت وتسلم على المرور تركي العضيله مشكور يالغالي على رفع المعنويات والله يوفق ولد ولد خالك وماشاء الله عليه _________________________________ وفي انتظار البقيه |
| الساعة الآن 01:22 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين