تعيـنت في الخطوط السعودية... وشرايكم.؟؟
 

السلام عليكم ورحمة الله وبركاته

ياجماعة الخير انا رجالن قدمت على الخدمات الارضيه في الخطوط السعودية

واجتزت اختبار الانقليزي والمقابلة الشخصيه الحمد لله

ويوم الاربعا الي هو امس.. ارسلوا لي رسالة واتصلوا علي .. قالو جب لك صورتين شخصيه يوم السبت الي هو بعد باتسر

طبعا الوظيفه للثانوي فقط.. وانا شهادتي جامعيه.. وقالوا لي ترى الوظيفه هذي للثانوي
انا قلت عطون اياها ماعندي مشكله

لان تخصصي اصول دين .. يعني مالي الا تدريس فقـط
فقلت الخطوط وانقليزيتي حلوه احسن اخش فيها لين عاد يجيني تعيين التدريس

وش رايكم يالربع اخش فيها ولا اهون.؟
المقصد هل اخش فيها ولا ادور على وظيفه افضل.؟

كثير قالوا خش فيها .. من يحصل له الخطوط ياخبل.؟! وما إلى ذلك من السب وكذا.

والبعض يقول دور لك على بعثه وغير التخصص
وش رايكم هل اخش ولا لا.؟؟؟؟؟؟؟؟؟؟< محتار قســم

تحيــاتي:b:eek::m

وفي السماء رزقكم وما توعدون

بارك الله فيك والله يوفقك دنيا واخرة

اذا مناسبه لك توكل على الله ..
وابحث عن وظيفه تناسب تخصصك بالمحاكم او التحقيق
والحين بدا دراسه الماجستير بالجامعات

المهم خذ الوظيفه وتوكل .. واذا حصلت افضل منها بعدين . يمديك تسحب
والله يعينك

الف مبروك

يارجال روح لهم ودور لك على وظفه حكوميه مع اني اشوف الخطوط افضل من الوظايف الحكوميه لان رواتبها حلوه وفيها امتيازات يعني لاتفوت الفرصه


روح وادعي لي

تحياتي

ألف مبروك الوظيفه اخوي
ومايبغالها كلام توكل على الله واقبلها
لاتضيع فرصه تندم عليها بعدين

ألف مبروك الوظيفه
مثل ما قال قلب المملكه
واستخير
والله يكتب اللي فيه الخيره لك ولنا

الف الف مبروووووك

الوظيفه هالايام ماتتفوت وهذا رزقك

كمل معاهم والله يوفقكـ واذا حصلت

لكـ وظيفه بعدين بامكانك تطلع بس لاتفوت هالوظيفه

بالتوفيق للجميع

الله يوفقك وينكتب لك الخير فيها :)
وظائف الخطوط جيدة ..ولاتضيعها من إيدك

قل الحمد لله اولا واخرا
 

تبريري لما ستشاهده بالاسفل لصعوبة الوضع في ايجاد وظيفه مناسبه لك ان تأخذ بالنصيحه او تتجاهلها,,
السلام عليكم ورحمة الله وبركاته ,,,
اولا الف مبروك الوظيفه .
ثانيا قل الحمد لله على الوظيفه , اللهم لا حسد الله يرزقك ويهنيك بمجال وظيفتك او احسن ونا اتوقع يالغالي انه صعب هاليومين احد يلقى حد يعطيه وجه ولا يعبره انا الله يحفظك كان حلمي ان الخطوط تضفني باي وظيفه ان شاء الله اكون فراش بالصيانه(قسمي المفضل) ,, عندي دبلوم هندسة صيانة طائرات من الاردن وخبره سنتين بنفس المجال في احد المطارات لي معهم 4 سنين كفاح ومناضله واسمع العشم من كل مكان كل ما اقدم عليهم في جده يشوتوني ويعلم الله ان نص اللي توظف بالخطوط كانوا خريجين من نفس هذي الكليه لكن الحمد لله على كل حال لكن حسبي الله على الظالم :u لا تنسى الدعاء لي بالتوفيق ويشهد الله اني اتمنى لك كل خير ولا تنسى مناوله ارضيه ولا غيره القليل يجيب الكثير لو تحصل لي مناوله ارضيه او حتى"" اصدقاء السعوديه"" اللي ما شفت شي منها على ارض الواقع ولله ما اردها (يكفي تسمع صوت APU الطياره وتركب التركتر وتقلص عربات التحميل للعفش ) وتشم الهواء العليل ورائحة الكيروسين المحروق في ساحة المطار والله طرررررب طبعا اهم شي السيفتي لا تنسى:i ,,لكني شبه عود:Looking: واطلب الله الفرج في اقرب وقت .
(احمد الله ,,,احمد الله,, احمد الله ) واعتبرها تسليه وتقزير وقت وحاول تدرس وتطور نفسك