أحتــاج مشورتكم يا شباب ؟؟
 

السلام عليكم ورحمة الله وبركاته

يا جماعة الخيــر انا موظف في بن لادن يعني مدني شهادتي دبلوم

وراتبي في بن لادن ينزل شهريا في الصراف قرابة 5000 ريال

والحين جاتني رسالة امن المنشأت رتبة عريف

وش رايــكم

تعرفون العسكرية مكدهـ وإهانـة

وانا مدني الحين وراتبي كويس يمشيني وزيادة

؟؟



الحقيقـه استشرت الوالد وقالي

يا ولدي اذا تبي نصيحتي انت مدني وراتبك كويس وش تبي بالعسكريـة ؟؟

وش رايكم انتو وبالأخص العسكر وش رايكم ؟؟

:cry::cry::cry:

والله ياخوي انا ماني عسكري بس اعتقد العسكريه اضمن وافضل من

الشركات وراتبك اكيد اعلى تقريبا 6500 وانت استخير والله يكتب الي فيه

خير بالتوووووووووفيق

صل استخاااارة

والله يووووفقك

والله يا بن الناااس الوظيفه المدينه ما فيه منهاااوالكل يبيهااا وممتااازه بما انك مرتاااح وراااتبك حوااالي 5000..

ولو تلاحض ان كل الشبااااب يتمنووون الوضيفه المدنيه بس ناااادر تلقى وضيفه ..

ولو تلاحض ان روااتب العسكريه حوااالي 6000 وفووووق ومضموووونه بس الشريكااات مو مضموووونه وفي اي لاحض مع البااااااب ..

تحياااتي ..

لا انا اقول استخر وربك بيحلها

صدق كل شيء له ميزه المدنيه راحه ومشكلتها ماهي مضمونه يعني لو ياسمح الله صار شي حذفوك
والعسكريه مضمونه ورواتبها عاليه وبعدين الاخ يقول 6500 هذي ياخذها جندي بالحرس الوطني

بالتوفيق

رح امن المنشات افضل من الشركات يمكن في اي وقت يقلون لك اقضب الباب لك عسكري تضمن مستقبلك
وبعدين ترا امن المنشات والله رحه وعريف بعد
الله يوفقك

ادع دعاء الاستخاره .. وشوري انكــ تروح لامن المنشأت

احسن من الشركات بي وقت طردوكـ ...

وعليكم السلام ورحمة الله وبركاته .
انا اقول بأنك تخلي كلام الوالد على جنب .. الله يحفظك . وتروح للعسكرية .
مين ضاحك عليك وقال انك موظف مدني؟ انت موظف بقطاع خاص ياغالي يعني شركة .
بن لادن شركة . وليست دائرة حكوميه لجل نقول عليك موظف مدني .
والشركة لالها لاتقاعد ولاتضمن مستقبلك فيها بكره تقفل تفلس تصير فيها مشاكل تنقل من مدينتك
او مايجددون عقدك ماتقدر تطالبهم بحرف واحد.
لكن الوظيفه العسكرية . سنوياً يزيد الراتب+ ر اتبك برتبة عريف قرابة 6500 ريال+ لك تقاعد+ حتى بالقروض البنكيه طالما موظف حكومي لك الاحقيه بسحب اي قرض اقساط على راتبك.
يعني بختصار تنام وانت مرتاح. وخاصه امن المنشأت قطاع جديد . يعني تتخرج برتبة عريف بعد ثلاث سنوات بالضبط تعلق وكيل رقيب . نصيحه مني كمل إجراءاتك بأمن المنشآت.
[ سبحان الله ناس تتمنى يظهر اسمها بالقبول ] وناس تجي لحدها وتقول مابيها :m
موفق بإذن الله
تحيتي

يعطيكم الـــف عافيـــــة

والأحظ انكم أتفقتم على امن المنشأت

بنستخير والله يكتب الي فيه الخير

انا اشوف العسكريه اضمن ولو انها كرف
الشركه يمكن انه عملها مريح
بس في اي وقت يطردونك