أستفسار عن أمن المنشآت ومعلومات
 

بسم الله الرحمن الرحيم

السلام عليكم ورحمة الله وبركاته

الحمد لله اليوم أنا ذهبت الى مركز الايواء يوم الأحد مع خويي وكان زحمة وسوء تنظيم وكان موعدي يوم الاثنين وذهبت لهم تنظيم حلو حتى الظابط يسئل الطلاب كيف واجهتم صعوبة كيف التنظيم بالخارج واحد من العسكر الله يهديه حاول يدخل خويه ويقدمه عن الطلاب مدري من وصل الخبر للظابط وراح وكلم واحد معاه نجمة وتاج وكلم الجندي قال انت اللي قدمت الطالب قال ايه عطاه كلمتين وجه الجندي راح الوان لكن الحمد لله الظباط اللي هناك متعاونين ويمنعون الواسطة حتى قال لنا اذا شفتم واحد عسكري ماسك احد في يده كلموني انا استبعده من التقديم اللي جاء الساعة 7 مو مثل اللي جاء 9 انتم ترضون بصراحة تطمنا الله يعطيهم العافيه

بالنسبة انا شفت موضوع واحد يقول القبول بكره بالنسبة لي استفسرت من اكثر من شخص يقول حنا نخلص الاربعاء من مكه يمكن تجيك الرسالة الخميس هذا ممكن الخميس اللي بعده ممكن اسبوعين بس ماتطول عن اسبوعين ان شاء الله والاهم يقولون جهز طلاباتك من الحين وحط في بالك ثلاث ايام راح تقضيها بالرياض فيها مقابلة شخصية اولى ومقابلة ثانيه ولاحد يسئلني عن المقابلات ماعندي خلفيه وبعدها فحص طبي

كذلك اي شهادة جيب الاصل وحاول يكون طبق الاصل اذا تقدر اي شهادة ركزوا ان شاء الله يوم اسبوع شهر جيبها تدريب دورة اي شي

الاستفسار واحد من اخوينا كشف الدرجات تبع الكلية مامعاه احد عنده خلفيه وهل هي مهمه ؟؟


بالنسبة اللي عنده شهادة صحيه مثلي لازم ياخذ معاه تصنيف الهيئة السعوديه للتخصصات الصحية في مراجعة الرياض

حاولت اكتب بعض اللي حصل معي اتمنى من الله لي ولكم التوفيق

يجي من يفــيدكـ يااا ابن الناااس ..

الله يعطيك العافيه يا ابن النااس ^_*

وياك يالغالي

لك تحياتي

والله امن المنشآت وبس وبالفعل تنظيمهم خيالي انا عديت مرحلة الطول والوزن وشفت كيف طريقة تعاملهم.

والله تحس إنك تتعامل مع ناس فاهمه وتخاف الله.

الله يوفقك يالغالي ويوفق الجميع يارب
لاتاخذ على كلامهم احنا سوينا المقابله الي هي الوزن والطول واعطونا اسبوعين وقالو راح تجيكم رساله والحين لهم شهر . بس الله يستر شكله يبي يقول شهرين قال اسبوعين

والله هذي الحاجة الوحيدة الي ماصدقوا فيها.

بصراحة طولوها وهي قصيرة انا من المجموعة الأولى وماارسلو لي رسالة.

يوم الأحد كان التنظيم سيئ لكن الان التنظيم ممتاز

حياك الله

وياك يالغالي

الله يعينكم ويصبرنا معاكم اشوفهم واثقين يقولون اجهز من إلحين وحط في بالك ثلاث ايام راح تقضيها بالرياض

بارك الله فيك

أتوقع يبون يخلصون الدفعة الثانية ويرسلوا للجميع ..؟

اعانك الله

موفقين بعون الله

من الاساس هم ماكان في بالهم الظاهر ان تكون فيه دفعه ثانيه بس ممكن صار رسوب واجد

واظطرو ان تكون هناك دفعه ثانيه ( مجرد رآي)

والله أنا فقدت الأمل هذا ثاني تقديم لي الأول ما أنقبلت فيه

الثاني برضه لما دخلت أستفسر لم يتم قبولك بعد شهر وتقريباً 15 يوم تجيني رسالة تم قبولك مبدئياً في أمن المنشآت راجعت الموقع ولله الحمد رحت لهم وتيسرت الأمور اتمنى من الله التوفيق لي ولكم

يمكن أحتمال يكون فيه دفعه ثالثه يعني اللي رجعوهم ماهم بقليل وهذا في الاجراء الاول باقي الاجراءات بالرياض يمكن يرجعون عدد اكبر ويطلبون دفعه ثالثه والله أعلم

شاكر مرورك أخي موفق بعون الله

اقتباس:

الاستفسار واحد من اخويانا كشف الدرجات تبع الكلية مامعاه احد عنده خلفيه وهل هي مهمه ؟؟

ماحد عنده خلفيه بالنسبة لخويي الرجال اليوم يتصل علي يقول يمكن يسافر الباحة عشان يطلع كشف الدرجات من الكلية ..؟

الله يوفقكم جميعآ ان شاء الله

يعطيك العاافيه على الخبر


بس مهو صحيح الرساله تجي بعد اسبوعين انا خلصت الطول والوزن بالرياض وقالوا نفس الكلام بعد اسبوعين انتظروا الرساله والحين لي فوق اسبوعين وماجاء شي الى الان

الله يوفقنا انشالله ونتوظف ونفتك من البطااااله

بالتوفيق للجميع

الله يعافيك

عاد هم قالوا أسبوع أسبوعين والان أعلان بالموقع قريباً يتم الأعلان لأستكمال الاجراءات بالرياض يمكن هم يبون يخلصون الدفعة الثانية وبعد ذلك تجي الرسايل لكن العلم انها راح توصل إن شاء الله وعقبال القبول النهائي بعد توفيق رب العالمين

موفقين بعون الله

ومن يقول يالغالي

بصراحه كان التنظيم يوم الاحد سيئ في مكه والاثنين جيت انا فيه كان مررررره ممتاز ومنظم حتى الضابط يسالنا متى دخلتوا مع البوابه وكيف القبول منظم ولا لا بس ذحبني الضما مافيه مويه

بس خويي جاء الثلاثاء يقول عطوهم مويه والتنظيم حلو وخلصوا يقول بسرعه

بس المشكله انا انقبلت بس ماادري متى تجي الرساله تعبت من الانتظار

والله انا من اصحاب الدفعة الأولى وكان موعدي في الدمام.

وماطلبوا السجل الأكاديمي ولا سألوا عنه.

إن شاء الله مايطولون بالرسالة اعلنوا بالموقع قريب يقولون بس خليك جاهز من إلحين ومثل ماقالوا حط في بالك ثلاث ايام تاخذ الاجراءات بالرياض

الله يوفقنا جميعاً عقبال القبول النهائي

أنت تقصد الموعد الأول الطول والوزن أنا أقصد لاراح للرياض لانه سئله عن كشف الدرجات

الله يعطيك العافيه ماقصرت

حياك الله ياغالي وبالفعل انا اقصد الموعد الأول.

بالنسبة للموعد الثاني لازم يجيب السجل الأكاديمي لأنهم ذاكرين هذا الشي في ورقة الطلبات.

انا بالنسبة لي جهزت السجل الأكاديمي بس انتظر الرسالة تجي والله يسهل.

الله يسهل امورك وتنقبل نهائي ان شاء الله

أشكرك على الافاده يالغالي

موفقين بعون الله