تجارب الأعضاء مع مستشفى الحرس الوطني+نماذج الإختبارات+استفسارات
 

السلام عليكم ورحمة الله وبركاته

اتمنى احد يفيدني بنوعية الامتحانات اللي يقدمها مستشفى الحرس الوطني لطالبي الوظيفه

انا قدمت عليهم وقالو بيدقون الشهر الجاي
وانا شفت بنات قاعدين يمتحنون على الكمبيوتر،،بس ايش بالضبط ماادري:eek:

وهل امتحانهم يعني انجليزي قواعد مثلاً ولا ايش:confused: ،،وكم امتحان، ومتى يسون اللي بمجال التخصص

كثرت اسئلتي:o

اتمنى ماتبخلون علي

السلام عليكم
أول ماتقدمين عليهم بمكتب التوظيف المحلي اللي بجانب بوابة الطواري يختبرونك 10 أسئلة إنجليزي تكون سهله على ورق بعدين يسجلون الطلب وفوراً يسألونك عن الموعد المناسب لك ويحددون اختبار اللي يكون على الكمبيوتر
نجي لهذا الاختبار يتكون من 100 سؤال بزمن 100 دقيقة الأسئلة
25 سماعي (يكون فيه سؤال وفيه 4 اختيارات بعدين تشغلين المقطع يقول جملة وانتي تستوعبين مثلاً يقول اليوم الجو صحو
الاختيارات 1- كان الجو امس ممطر 2- كان الجوامس غائم 3- كان الجوامس بارد 4- كان الجو جاف وهكذا لبقية الأسئلة تفهمين العبارة والمقطع ماتقدرين تعيدينه بس مرة)
30 قرمر (ركزي على حروف الجر يكثرون منها)
25 معاني كلمات (يعطيك كلمة ويطلب المرادف دخلت الاختبار وطلعت ماعرفت شيء ابد)
20 استيعاب المقروء(قطعة وعليها أسئلة كانت القطعة اللي جتني عن الطاقة والنباتات ودخل بالسالفة حيوانات أليفة )

درجة النجاح من 65 طبعاً أنا رسبت بجدارة الاختبار يبله لغة متقدمة أو يكون تخصصك إنجليزي

او يساعدك الحظ وتضرب معك الأختبار كله اختياري والنتيجة تقدرين تعرفينها على طول من الموقع بادخال رقم الطلب التصحيح الي


وسلامت قلبك اتمنى أن جاوبت على مايدور في ذهنك

موجود بالقسم مواضيع عن أختبار الحرس الوطني

الله يعطيك العافيه الوفيه2006 كفيتي ووفيتي:rolleyes:

والله يعوضك باللي احسن منهم ،،ويكتبلي اللي فيه الخير

أحلام ورديه
يعطيك العافيه على الافاده،وجزاك الله خير

والله انا اختبرت عندهم الاختبار الاول جبت 59 والجامعيين لازم 65 عشان ينجح... وحدد اختبار لي ثاني وجبت 64 باقي درجه قالي مانجحت بالاختبار ... وطبعا يحدد لك الاختبار كل شهر يعني اذا اختبرت بعد شهر تقدر تعيد الاختبار ...

والاختبار والله ماقدر اقول صعب لكن متوسط ...

يعطيكم العافيه انا بروح اقدم

انا تخصص لغة انجليزية وربي يقدم الي فيه الخير وبحاول اني ادرس قبل الإختبار:)
وابي اسالكم مستشفى الحرس الوطني هوا مدينة الملك عبد العزيز للعلوم الطبيه الي على طريق جده مكه ولا واحد ثاني ؟؟؟

ياريت تجاوبوني لاني لخبطت بينهم

ويعطيكم مليون عافيه يارب

هو مدينة الملك عبدالعزيز اتوقع :) انا حسبالي في البدايه انه مستشفى جديد و استانست بعدين قالوا لي انهم الحرس الوطني :) بس بصراحه بعد توفيق الله اي احد يعدي اختبار الحرس بلرياض يتصلون عليه لان عندهم شواغر كثيرهـ فانصحكم دائما تقدمون عندهم الي ما عدا الاختبار الاول يقدم مره ثانيه و ثالثه والي اختبر و عدا اختبارهم كل فترة لازم يتصل عليهم عشان يحسون انك شخص مهتم جدا و طموح

و الله يوفق الجميع :)

مرحبا انا اتصلت عليهم اليوم وقالو لي التقديم والاختبار بعد عيد الفطر
قلت فرصه اقوي اللغه واتدرب على اخبارات التوفل ويارب اتوظف عندهم لاني من جد تعبت من الشركات الخاصه
دعواتكم

اخواني انا مثلكم اختباري بعد شهر ..

في ملفات مرفقة عندكم اقدر عن طريقها اطلع على نوع الاسئلة هناك ؟؟؟؟؟

ودي اذاكر زين قبل الامتحان ..

بالتوفيق للجميع
دخلوا على هالموضوع وان شاء الله يفيدكم
https://www.btalah.com/t5407.html

لاتنسونا من دعواتكم