![]() |
اللي جرب تقديم السجون
السلام عليكم
عندي موعد في السجون بعد أيام وأول مرة لي وحاب أسأل من له خبرة وراح لهم قبل كذا يقول لي وش الإجراءات لأول يوم وش يصير معاك ويطولون في يومهم ولا كم ساعة بالتقريب .. واللي طوله ناقص نص سانتي فيه مجال يمشي وضعه ولا يريح نفسه .. أتمنى ألقى إجابة وافية .. ويعطيكم العافية مقدما . |
يجي من يفيدك |
اخوي اول شي مبروك وعقبال القبول النهائي ....
المهم : جيب معك شهاده الثانويه الاساس وحسن السيره والسلوك وصور منها \ جيب معك ملف اخضر اربع صوره مكشوف الراس 4*6 وانت بكرامه جيب نعال يعني لا تجيب لهم جزمه ولبس رياضي بنطلون وفنلا بس ياخوي لازم طولك فوق 168 سم ومتي موعدك وكم نسبتك |
شكرا على التفاعل .. والله ياخوي موعدي يوم السبت يوافق 27 هالشهر يعني بعد أسبوع من هالحين .. نسبتي لك عليها حول 79 .. لكن سؤالي أول يوم وش يسوون معك ويطولون ولا لا
|
الله يعطيـكَ العـآفيــه أخــوي .. وِيوفقــكَ يآ رب وتقبــل .. بـ صرإحــه يآ أخـــوي أنآ باقي مآ رحـت لهــم ، وِموعـــدي يـوم الإثنيــن (22/3/1431هـ ) .. بس يآ أخـــوي ممكن ســؤأل لو تكرمـــت ..، أنت تقــوِل نسبتـكَ حـول (79) صح ، وموعــدكَ يـوم السبـت 27/3/1431هـ ، كيـف تجــي هـذي يآ أخـــوي ....؟ لآن أنآ إقل من نسبتــكَ (نسبتـي 72) وِموعـدي (22/3) ، يعنـي نسبتـي إقل منكَ ، ورأح أروح لهم قبلـكَ ...؟ يعنـي يآ أخـــوي تآكـد من موعــدكَ زيــن يمكـــن قبلــي ولا مو في 27/3 ...؟ هــذأ سـؤألـي وإنآ بـ صرإحـــه إستغربـت شـــوي .. ~ بـ النسبــه يآ أخـــوي للطــول والإشيـآء الثـآنيــه فيــه موضوعيـن حلـوه ومفيـده إقرإهـ ورإح تستفيــد ، وفيـه موضـوع تفصيلــي من أخونآ (أمير الرياض) ، الله يوفقــه يآ رب . وهـذأ هو الرإبــط .. https://www.btalah.com/t162648.html ~ ~ الله يوفقــكَ كَل عـآطـل .. دمــت بـحفــظ الرحمـــــن .. |
بالتوووووفيق
|
هلا بك عاطل الرياض
الله يستجيب منك يارب ويتوفق الجميع .. بالنسبة للموعد أنا متأكد منه زين لكن على مااظن ان ترتيب وتسلسل مواعيد القبول ماهو بس على النسبة .. تكون على تاريخ تخرجك مع النسبة مع أمور ثانية وهم لهم حسبة خاصة بهم .. ماهو المهم متى الموعد المهم إنه جاء :) ويعطيك العافية وماقصرت على الرابط الحليو .. والله يعين الجميع |
وكل الله أخي أنا طولي ناقص نصف بس الله يسرها عليك بكثرة الإسغفار ودعاء الوالدين
|
اقتباس:
|
أكيد ياضامري هذي ماتحتاج الإعتماد أصلا على الله.. أما أخوي قائمة الإنتظار يمكن تاريخ تخرجك قديم شوي
|
اولاً: مبرووووكـ القبووول وعقبال النهائي,,,
ثانياً: خذ معك الثانويه الاصل وصوره من بطاقه الاحوال مع الاصل (الاصل مهم) 4 صور شمسيه مكشوفه الراس>>هم يأخذون وحدة فقط لكن احتياط شيل 4 الحلاقه على رقم 1 او 2 طولك 168 وما فوق لبس رياضي نعال (وانتم بكرامه) قلم ازرق ناشف ــــــــــــــــــــــــــــــــــــــــــــــــــ ـــــ البوابه تفتح الساعه(8 ص) ويصفونكم طوابير ويبدا النقيب ينقي في الطوال امكن من 173 او 174>>تقديرياً,,, ومافوق ,, ويدخلهم الصاله يخلصون أجراءاتهم وبعدين يبدا يقيس الطول اللي في الميدان واللي اقل من 168 مع الباب وبعدين يدخلكم الصاله وتبصمون على تعهدد انك ماتطالب بالدوره الا في 1432 ويسلمون لكم ملف طلب الالتحاق وخطاب للاحوال المدنيه ,, ويعطونكم موعد تراجعون فيه ,,, وتضربون الباب الموعد الثاني تسلمون الاوراق ذي وعطونكم الكشف الطبي والبصمات اذا عندك شهايد اضافيه او دورات تضيفها في الملف آلله يوفق آلجميع آن شآء آلله |
اقتباس:
بأخذون اولاً بالنسب , تاريخ التخرج , الطول , الدورات , شرعي او علمي او صناعي , |
مرحبا أخوي .. ماقصرت في وصفك .. والله يعينا على المالكي :)
|
موعدي كان يوم الاربعاء 17 /3 /1431هــــ
دخلنا من البوابة الساعة السابعة صباحا صفونا تقريبا 6 طوابير كل طابور تقريبا 20 طالب تم توزيع بعض الافراد العسكريين لمطابقة الشهادة الثانوية والتأكد من النسبة ............ بعد ذلك ياتي النقيب جمعان المالكي ويقوم بالمرور على الطوابير ويقول كل واحد اقوله ادخل الصاله يدخل ويقوم باختيار الاشخاص المحددين ويدخلون الى الصاله ( وهو يختار الطوال ) بعد الدخول الى الصالة تمر الى مدخل البيانات وياخذ البطاقة ويشيك على البيانات وتذهب الى الجلوس في المقعدالمخصص وتقوم بتعبئة استمارة تقديم الطلب وتاخذ استمارتين الاولى خاصة بالاحوال المدنية ( برنت ) والثانية خاصة بادارة التعليم ( لمطابقة الشهادة ) ويعطيك موعد للمراجعه وموعدنا كان 21 / 1 /1432 هــــ للفحص الطبي والبصمات ثم الدوره وقال لنا من يجد وظيفة اخرى الله يوفقه ومن لم يجد حتى العام القادم وظيفته مضمونه باذن الله |
اقتباس:
الله يعينكم وابشرك تراها سهاله اكثر مما تتوقع الله يوفقكم |
انا نسبتي 72 وموعدي يوم الاثنين الاسبوع ذا
|
ياشباب انامقبول مبدئيا في السجون ونا الحين في الكلية التقنية وهم يبون شهادة الثانوية اصل وهل اجيب شهادة صوره اما لاتكفون علموني الحل تكفون رد علي ؟؟؟
|
أنا موعدي يوم 27\3 نسبتي 71 شرررعي
|
اقتباس:
هم بس يبشوفون النسبه فقط بالتوفيق |
الله يوفقكم
|
انا متخرج 28-29 ونسبتي 72 وموعدي بشهر 5
|
الساعة الآن 07:30 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين