حلول البطالة Unemployment Solutions - جندي مشاة بحرية ووكيل رقيب كليات دورتكم في الشرقيه في شهر 6

السلام عليكم ورحمة الله وبركاته
كيفكم اخواني العاطلين والغير عاطلين
اول شي الف مبروك للمتقدمين المقبولين بالقوات البحرية في الرياض وفي جده
راح اقول لكم قصة مع تقديمي للبحرية الغامضة فعلا على اسمها البحريه حتى في
تقاديمها غموض في غموض ولحست مخ:d
عمومآ

من شهر 10 وانا اقدم عليهم :cلكن الحمد الله الامور ميسره بالنسبه لي ;)<< فتامين w
جيتهم بعد العيد الاضحى السنه الي راحت ودخلت على قسم التجنيد
اخذوآ مني 4 صور مكشوفة الرآس وعطوني اربع اوراق ورقة فيه 4 صفحات
وهي ورقة طلب الالتحاق بالقوات البحريه والورقه الثانيه البصمات والورقه الثالث برنت الاحول
والورقه الاخيره الكشف الطبي :cry: قلت في نفس بااعبيها واجيبها لهم اليوم الثاني
لكن ورقة طلب الالتحاق بالقوات البحريه شغلتها شغله :( لازم تروح شيخ القبيله
وتوقع وتختم وتجيب اسم ام امك وابو ابوك وتجيب اربع شهاد يشهدون على صحة بياناتك
المهم خلصت اوراقي كلها واتصلت على واحد في قسم التجنيد قال تعال سلم اوراقك عشان
نحدد لك موعد بالكشف الطبي "P
قلت ماعندكم مشكله المهم نخلص ونقبل مع الناس
وحددوا معي الكشف الطبي في الخرج والله من المشوار وش معنى الخرج ماادري :eek:
وقالوا احضروآ الساعة 5 الفجر تكونون في القيادهـ
طبعآ انا خريج كلية حاسب الي يعني راح تكون رتبتي على قولتهم ( وكيل رقيب ):)
المهم واجيهم الساعه 5 الفجر وفيه ناس معي حدود 30 قلت في نفسي زين
كل هذولا وكلاء رقبآ :d
ااسلم عليهم كيف حالكم يارجال كلكم كليات قالوا لا مشاة بحريه :Looking:
يالييييييييل وش السالفه وانتظر الى الساعه 6 شوي ويجوني 2 شافوني جالس على جنب ومعصب:mad:
سائلون انت وش انت قلت لهم انا كلية ومقدم على وكيل رقيب وموعدي الكشف الطبي اليوم
شوي وانبسطوآ :do5h: طلعوآآآ مثلي :yaa: مقدمين على وكيل رقيب بالبحريه شوي ارتحت نفسيآ
وقلت في خاطري زين معي اثنين بس معقوله ماقدم إلا ثلاثه على رتبة وكيل رقيب
مو مشكله رحنا الكشف الطبي الساعه 7 للخرج ورجعنا الساعه 3 العصر :cry:

والحمد الله على كل حال جاء الكشف الطبي واوراقي عبيتها كامله
وجيتهم بعد اسبوع عشان يطبقون شهاداتي يعني الاساسات لازم تجيبها معك
عشان يطابقونها بالصور في قسم التدقيق والمعلومات
وجيت عند شايب هنا الله يوفقك يارب ويسعد ايامه قام يدقق على اوراق
والله من طيبة قلبه وسواليف وبشاشة وجهه والله لو تسولف معه تحب راسه من الطيبه الي فيه :)
المهم الرجال قال خلاص امورك ميسره بس انتظر منا اتصااال :s

ياسلام الامور تيسرة والحمد الله بفضل الله ثم دعاء الوالده الله يحفضها يارب

وبعد كم شهر الي جاء شهر 2 واتصل علي الرجال الي في قسم التجنيد وقال دورتك في شهر 6
:m:m:m

ماصدقت قلت وشووو يارجال والله انك تلعب علي ههههههههههـ :i
والله ماني مصدق حتى الان وبعدين قالي دورتك مع مشاة البحريه كيف تجي هذي
ياليييييل وش السواه الحين قلت لازم اجل ارجعهم واشوف وان شاء الله يوم السبت الجاي اراجعهم

الحين ابي اعرف كم وكيل رقيب متقدم للوظيفه هذي
وكم جندي مشاة بحرية متقدم على الوظيفه هذي
لكن على حسب كلام الرجال يقول دوتنا معهم
وللمعلوميه دورتنا 3 شهور ويقول في الشرقيه

موضوع هذا ابي حقين جده يستفيدوا
واسف طولت عليكم :d
اسال الله ان يوفقنا لما هو خير لنا

بالتوفيق للجميع
طموح المستقبل