جات الوظيفه ويافرحت ماتمت والسبب معهد الخليج وشهادة الرخصه الدوليه
 

ألسلام عليكم ورحمـه الله وبركــآته

أولآ أحب أشكر كل القائمين على هـذا المنتدى الأكــثر من رآئــع صراحه على الجهــود المــبذولــه من أجــلنــا


إخوآنــي قبل فتره صديق لي عرفني على هـذا المنتدى الشـآمــخ , دخلت منتدى الغربيـه حصـلت موضوع عن وظيــفه يريدون نفس تخصصي ارسلت السيره الذاتيه عن طريق الفاكس وبعد 24 ساعه بالتمام والكمــآل

إتــصلوا وحددوا لــي موعـــد للمقابله وكـان الموعـد الـيوم , رحت وبصراحه عجبتني الشغله وراتبها كان مناسب


لكن للأسف للأسف للأسف > يقولها بحرقــة دم


كانوا طالبين شهادة الرخصه الدوليه

اخوكم كان يدرسهـا وخلصت دراسه وبديت إختبارات

اختبرت الوحده الأولى وهيا it المقدمه وتجاوزتها

إختبرت الوحده الثانيه وهيا الويندز , إختبرتها 3 مرات ورســبت فيها والشي الغريب أن الأسئله نفــس الأسئله وأجوبتي نفس الأجوبــه في كل اختبار

وأجوبتــي متأكــد منهــآ مليون بالميه حتى نموذج الأسئله والأجوبه اللي الناس تــذآكـر منـه وريتــه للمشــرف وقالي مضبوط وش المشكله مادري ..!!


فكــرت ان المعهــد نفسـه متعــمد يرسبنــي , طبعا عشان ياخذون 100 لإعادة الاختبار ..!!

ولحد يجي يقولي انت تشتغل ع برنامج , صحيح اشتغل ع برنامج ولكن 3 مرات أرسب والأسئله نفس ماهي والأجوبــه نفــس ماهــي والمشرف قعد معاي وشاف نموذج الأجابات وقالي صحيحه , ياناس والله اني حفضــت أسئلتهم بعـد ..!!


بعد المره الثالثه يأست وتركت الاختبارات من 3 أشهر ونـص


الشـاهـد إن الوظيفه اليوم راحت علي بــسبب هــذا المعهــد


والله ياناس فيني قهر مو طبيعي اول مره يتصلون علي عشان أجي اعمل مقابله وقدمت ع وظآيف كثير ولا أحـد عطاني وجــه


أفتخر بـمشاركتكم للمناقشه ولا أعلم ان كان الموضوع بالقسم المخصص له ام لا والعذر والسموحه من المشرفين


في أمان الله :cry:

كان الله في عونك

ورزقك الوظيفة إللي احسن منها وخيرًا منها

ربي يعطيك الف عافيه على هذه الدعوه الصادقه

وربي يوفقك يارب يوفق كل العاطلين

الله يعوضك بخيررررررر منها وانا اخوك وحط في باللك أن رزقك مكتوب لك يوم كنت في ظهر ابوك وما في احد من الناس يقدر ياخذ رزقك منك

الله يعينك ياسلمان ..

لاتشيل هم باذن الله خيره لك .. صدقني مشوار الميل يبدا بخطوه ..

الله يوفقك حبيبي

اسال الله ان يعينك ويعين جميع العاطلين

يمكن انها خيرة لك قد اختارها الله
بالنسبة لاختبارات الرخصة الدولية يجب ان تكون الاجابة مطابقة تماما لنموذج اجابة الاسئلة في الاختبار التجريبي
في الهمزات سواء اسفل او اعلى كذلك بالمسافات وكل شيء

عطلان وبس > صادق كلامك وربــي يعطيك العافيه والله يوفقك يارب


فنــي تبريد وتكــييــف > ربي يسلمك وحياك بالموضوع وإن شاء الله ربك يوفق الجميـع

عــازف الأورق > مشكور يالغالي

العجمـي > صحيــح كلامك بس اللي يصير معاي غريب والله غـريب

والله يبغالي أســوي كــذ! بس مايوافقــون بس بحاول معهم لان المسأله أصبحت لاتطاق

ويعطيك العافيه ع الفكره وربي يوفقك :w