|
مع طيران سمــا .. سنلــغي رحلتـك ببساطة :)
معاناتي وعائلتي مع طيران سما سافر ببساطة هذا هو شعار سما لكن بعد اللي شفته لازم يغيروا شعارهم الى سنلغي رحلتك ببساطة لا منافسة ولا بطيخ بين شركات الخطوط بالسعودية بل الشركات الجديدة اردى من القديمة والأفضل الذهاب مع الخطوط السعودية حتى تتضح الرؤية بالنسبة لسما وغيرها للأسف انا وعائلتي اتبهذلنا مع هذا الطيران (الفاشل )كانت رحلتنا المتجهة من الدمام الى جدة في الساعة الثانية واربعين دقيقة بتاريخ 26 مارس اول ما وصلنا الى الكاونتر اخبرنا الموظف بكل بساطة بان الطائرة الغيت لأسباب مجهولة قلتله ليه ما بلغتونا على الاقل قبلها بيوم قال لي من ساعات قليلة الغيت الرحلة ممكن تكون مشكلة مع الطيارين قلت وش الحل قال الحل اننا نغير حجزك على طائرة غدا الصباح قلت طيب وحجوزات الفنادق اللي بمكة اللي كنت دافعها والمسافة اللي قطعناها حيث اني من سكان الخفجي حيث قطعت اكثر من 300 كيلو هل ستسكنوني بفندق بالدمام قال لا دبر نفسك انت وعائلتك الى بكرة الصباح للأسف ان يكون هذا بداية طيران جديد والله انا و افراد عائلتي حرمنا نروح مع هذا الطيران مرة ثانية منقول من إحدى منتديات السياحه والسفر للتوضيح ولأخذ تعليقاتكم |
ازفت خدمة في سما
نصيحة لوجه الله انحشششششششششششش |
انحااااااااااااااااااااااااااااااااااااااااااااااا ااش
حط رجلك |
يا رجال من جرف لدحديرة ويالقلب لا تحزن
والله كلها فاشلة من الخطوط السعودية لسما للناس عندنا هنا كل شي فاشل مرة الخطوط السعودية اخرتي رحلتي من الساعة 6 العصر الى 11.30 في الليل وفي الاخير يقلك نأسف من السادة المغادرين على التأخير مافي احسن من السيارة لا تأخير ولاشي عبي ينزين وامسك الخط |
اول مابدأت شركة سما وناس تعمل تحسنت الخدمه في الخطوط السعوديه وبعد فتره قصيرة جدا رجعت ( حليمه ) السعوديه لعادتها القديمه والسبب انكشف مستوى سما وناس انا شخصيا - محاتسيكم - قبل اسبوع حجزت على رحلة الرياض - جده 9.15 مساءاً قصيت البوردينق قبل الرحله بساعتين حسب شروطهم وقال لي الموظف البوابه رقم 32 << لاحظوا قال لي يعني مو مكتوب على كرت الصعود ولمن جاء موعد صعود الطائره اتجهت للبوابه 32 ولقيت موظف السعوديه يحرّج على الرحله الباحه .. الباحه .. ركاب الباحه هنا .. حسيته شوي ويقول الحق الطيب يااااااولد المهم سألته عن بوابة سما قال رح اسألهم دقيت على موظف الحجز اللي قص لي التذكره قال لي والله مدري شف كاونترنا في المطار طبعا الكاونتر عشان اروح له لازم اطلع من التفتيش وارجع امسك طابور تفتيش مره ثانيه اجتمعنا اللي قدر الله علينا وحجزنا في سما ورشحنا واحد يروح يسأل رجعلنا بالبشرى :d الرحله تأجلت والبوابه مجهوله وعينك ماتشوف الا النور المهم مالكم في الطويله جلسنا الى الساعه 12 واذا بهم ينادون علينا :yaa: طبعا قبلها سمعت انواع الحراج عرعر .. عرعر .. يالله ياركاب عرعر المدينه .. المدينه .. الحق المدينه ياااااااولد :cool: وآآخرووون :p الزبده الله يخلف علينا لا الخطوط السعوديه تنفع ولا سما وناس تفيد هذا علمي وسلامتكم وكل خطوط طيران وانتم طيبين :) يعطيك العافيه يالعتيبي ابونوره |
اقتباس:
|
اقتباس:
الف شكر لمرورك |
اقتباس:
|
اقتباس:
تصدق وانا اخوك كنت حاجز على سما بروح انا والعائله الكريمه بس من شفت كلامك كذا فبلاش مرمطه :d رأس مال التذكر 99 ريال .. نقطعها ونشتري تذاكر على الخطوط السعوديه وياقلب لاتحزن |
والله ما ادري
بس اعتقد انه جميع الخدمات تعبانه في جميع القطاعات من طيران لأتصالات لكهرباء لكن نقول ان شاء الله تتحسن الاوضاع بالظغط الاعلامي عليهم |
| الساعة الآن 07:49 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين