عاطل + سيارة + همة عاليه = تفضل بقراءة الموضوع
السلام عليكم
للاخوان اللي عاطلين ,, اذا عندك سيارة ,, ليه ماتستفيد من وقتك وسيارتك للتوصيل انا مشتركه بعدة منتديات نسائية ,, ويااااااكثر اللي يحتاجون شخص للتوصيل وفي تاجرات ,, يحتاجون مندوبين ,, بحيث انك تاخذ الطلب من منزل التاجرة ,, وتوصله لمنزل الزبونه وتاخذ مقابل التوصيل 30 ريال لي صديقة ,, اخوها متخرج من سنتين والشهر اللي راح بدأ بهالشغل وهو مو مقتنع فبدأ يوصل 3 اخوات للمدرسه ثنوي ومتوسط ويرجعهن وعالطالبه 200 ريال شهريا وبعدها باسبوعين بدأ بعد مايوصلهن يرجع ياخذ 3 بنات بنفس الحاره وبنفس السعر يعني باخر الشهر 1200 ريال لمشوارين الصبح ومشوارين الظهر ماتاخذ من وقته نص ساعه وبعدها صار يوصل مشاوير خاصه ,, وحاط له تسعيره اذا بنفس منطقته يعني غرب الرياض ,, المشوار 25 ريال واذا بالشمال او جنوب الرياض 35 ريال ,, للمشوار وماشاء الله ,, اقل شي يوصل باليوم 5 مشواير بمتوسط 30 ريال يعني 150 ريال وبالشهر 4500 ومع طالبات المدرسة 5700 ريال ولو ان له سيارة اكبر ,, بياخذ طالبات اكثر وبيكون مكسبه طبعا فرق عن مكسبه الان ولمن يجد لديه القدره ,, فأنا ,, لوجه الله الكريم ,, بأعطي رقمه لمن يحتاج ارقام توصيل علما بأن المحرم مطلوووب للكثيرات ,, اللي عنده محرم بتكون فرصته افضل وفي طالبات يحتاجون احد يوصلهم للكليات او الجامعه ,, وبعضهن بنفس الحي ,, ويحتاجون احد يوصلهن نفس الجامعه ,, فمثلا للطالبه 500 بالشهر وتاخذ 3 طالبات هذي 1500 علما بان وقت دوام الجامعه بعد وقت المدارس ,, ووقت رجعتهن بعد ,, تكون بعد المدارس وفي طالبات يدرسن بمعاهد حاسب او لغة ,, بالفترة المسائية ,, فتقدر توصل طالبات ,, وتاخذ كم مشوار وترجع لهن بعد ساعتين ,, ولاتقولون ,, مايبون سعودي ,, والله كثيرين ,, يطلبون سعودي ,, وخاصة اذا بمحرم ,, او شخص متزوج ,, واهم شي ان يكون الشخص ثقه وسواقته راكده ,, والله يرزقكم من حيث لاتحتسبون ,, _____________________________ فقط لمن يكون جاد ,, وأبرأ إلى الله تعالى ,, ممن سوى ذلك ,, |
بارك الله فيك
ومشكورة على الموضوع |
انت عارفه موضوع التوصيل مكسب
عندنا في جده معلمات يداومون لسعيا 12 معلمه وحده منهم تدفع الف ريال لان بيتها بالجنوب جنب بيت السواق والباقين في الشمال يدفعون 1100 ريال تخيلو من معلمات يسلمون له كل يوم 26 يعني 1100*11=12100ريال +وحد اللي بالف يعني مكسبه 13100 وطبعا ام العيال معاه |
الي فوق
قولي الله يرزقه طيب |
الله يوفق الجميع
وفعلآ شغله التوصيل شغله مربحه بس تبي صبر مشكووووووووووووووره |
كان عندي البارحة احد الاشخاص الملتزمين ولم يجد له عمل فكلمه احد الاشخاص وقال عندي باص خذه وشغله والفلوس بالنص فالاخ يكلمني يقول والله إنه تتصل فيني المدرسات والطالبات لدرجة انهم يعطوني مبالغ خيالية ولكن مرتبط مع مدرسات وطالبات ولا استطيع اني ارتبط مع اشخاص اخرين
الآن صديقي يفكر بان يطلع باص تويوتا من الوكالة ولا يفكر بالارتباط بالوظيفة محدوده الدخل انصح الشباب بالتوصيل للطالبات والمدرسات والممرضات وبالمساء التوصيل وفقكم الله لما يحبه ويرضاه |
بالفعل التوصيل مربح بشكل خيالي ولكن مشكلة الكثيرين ومنهم انا عدم وجود المحرم
|
المشكله في المحرم الشاب العاطل عاطل على أسمه كيف لأزم محرم هو لأزم يشيل أمه العجوز أويتزوج
بالأول يعيش ثم يفكر بالزواج والمحرم كثير اللي يروحون مع الأجانب بدون محرم بس لعودة المسئله للأبن البلد يكون لازم محرم والله مشكله وماأقول ياأختي معلمة رياضيات الله يدلك على باب الجنه ويرزقك بالذريه الصالحه لحبك لفعل الخير وجعله في موازين حسناتك وأثقل ميزانك بالحسنات والقارئين |
اقتباس:
وجزيت خيرا |
اقتباس:
فعلا ,, مثل ماذكرتي ,, مثل هالشخص الله يبارك له ماشاء الله تبارك الله 13 الف ,, وممكن اكثر ,,وهو افضل من راتب طبيب توه متعين الله يوفقهم جميعا ,, ويرزقنا واياهم من واسع فضله شكرا لك اختي |
الساعة الآن 04:14 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين