وبعدين اللي يقول فيه فرز نهائي ..
هذا مع احترامي له .. دلخ .. خلاص تعديت الكشف الطبي ..؟ اظمن الدوره بجيبك .. انا ما ضحكني الا واحد يقول انهم .. ما ياخذون الشهاده الاساسيه .؟ من متى ياخذونها .؟! اصلا ملفك ما فيه الا الصور المصدقه .. الاصل تاخذه وتبروزه معك في البيت .. اخوي له سنتين بالامن العام .. شهادته الاصليه موجوده عنده .. وكل اللي اعرفهم كذا .. هم خلاص دامهم تأكدوا من شهادتك .. ما يبون منك الا صوره مصدقه وخلاص .. وهي اللي راح تكون بملفك .. |
يا أخون السلام عليكم ورحمة الله وبركاته
أولاً جزاكم الله خير على هالكلام اللي يريح الناس وثانياً أنا سألت بنفسي وكيل رقيب في أمن المنشآت يوم إجراءات الكشف الطبي سألته عن اللي يعدي الكشف الطبي هل هو مقبول وإلأ باقي المقابلة الصخصية ؟؟ يقولي تبي العلم قلت له تكفى فرحنا ... قالي إذا عديت الكشف الطبي أعتبر الدورة في جيبك وإنك راح تتوظف ... هذا كلامه يا شباب وأنا ما جبت كلام من عندي .. والله يوفقني والجميع ويوم الثلاثاء القادم إقلاعي بالطائرة في تمام الساعة الرابعة فجراً الله يوصلنا بالسلامة ويتمم على خير |
الله يعطيكم العافية
هذا الكلام الزين |
يا اخوان الى الان فيه ناس مدري وش تبي
الا تبي تخوفنا !!!!!!! مدري ليه الا تبي تقول انه فيه رسوب في المقابلة !!!!! وش سبب الرسوب ؟؟؟؟؟؟ يقولك ان المتقدم مايعرف شيء في القرآن !!!!!!! بالله هذا سبب تخوفنا فيه ؟ اكيد اللي مايعرف شيء في القرآن مايستاهل يتوظف ! اللي ما يعرف اركان الاسلام و اركان الايمان و اسماء الخلفاء الراشدين و اسماء زوجات الرسول وبناته - مثلا ....... مايستاهل يتوظف اللي ما يعرف اسم وزير الداخلية ووزير العمل ووزير الخارجية << مايعتبر وطني خالص ! ============== يعني ما يحتاج تخوفونا كثير كثير المقابلة سهالة ان شاء الله الدورة مضمونة في جيبك لكن وانت رايح لهم اقرأ في القرآن شوي و احفظ قصار السور و اقرأ في سيرة الرسول شوي ! و اقرأ في السياسة شوي ( عاصمة البحرين - عاصمة فرنسا ) يعني شوية ثقافة ================ مو شرط اللي يخطي في سؤال واحد يرسب لا لا اما اللي ميح مايعرف شيء طبيعي انه يرسب << لا دين ولا سياسة ولا ثقافة ؟ وش يبي ذا ؟ اما اللي يعرف شوي راح يعدّي بسهولة ان شاء الله ============ اعيد واكرر لا داعي للترهيب والتخويف من المقابلة هذه مثل ماقاعد اشوف في مواضيع وردود مدري وش تبي ! |
اقتباس:
|
هلالي روماني
شكرا على الرد |
يعطيك العافية
والناس خايفة وموسوسة من البطالة واللي اكتوى بنارها يعرف وش يحسون فيه كلامك عقلاني وممكن 90% واقعي وحقيقي لكن مايفيد لابد من الخوف واخذ كاااااامل الاحتياطات للاجتياز النهائي عالعموم بالتوفيق للجميع وان شاء الله مافي الا الخير |
الله يوفق الجميع |
الله يسهل الامور ان شاء الله
|
شتان بين موضوع يحفزك للمقابله ويهونها عليك وبين موضوع يصعبها عليك ويخليك تسئل عشرين مره وانت ياصاحب المووضوع .. كلامك سليم مانقول لا .. بالعكس انت تخفف الخوف على الكثير هنا لكن البعض منا مايدري وش بيصير بعضنا اول سنه يقدم ويسوي مقابله شخصيه ماينلام مايدري وش طريقتها .. ويبي يستفسر .. ويستفيد ويفيد غيره بعد والمثل يقول , من خاف سلم |
الساعة الآن 03:43 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين