|
إلى جميع مكاتب التوظيف اللي تستغل العاطلين او لكل واحد يطرح موضوع
السلام عليكم ورحمة الله وبركاته بدون ما اطول في الكلام مكاتب التوظيف او كل من يفكر انه ينزل موضوع هنا وهو شايف نفسه انه واصل للقمر اول شي ترى عيال وبنات هذا البلد بيجلسون طول عمرهم مكرمين ومعززين وبيلاقون الوظيفة سواء طال الزمن او قصر ثاني شي اذا جيتوا تحطون اعلاناتكم ياليت تكون ردودكم لائقه مع كل عضو وعضوة في هذا المنتدى احب اقول لكم انكم منتم داخلين على ناس مكسورة او ناس مستعدة انها تتقبل اي إهانه عشان تحصل على وظيفة وترى اي واحد بيكون رده غير لائق بيواجه ردود ماعمره شافها ولاهو محتاج يشوفها وصلت المعلومة؟؟ نقطة ثانية لمكاتب التوظيف الخاصة ترى صار عندنا خبرة عملية معاكم ولو يسمحون لنا الشركات اننا نكتب خبرتنا ومدتها معاكم والله بنكتبها في السيرة الذاتية حبرتنا معاكم تتلخص اننا عرفنا اسلوبكم في كل طريقة اعلان ((وظائف بمرتبات عالية ومغرية )) واخرتها 1500 ومنها ربع الراتب لكم (( مطلوب موظف سعودي لشغل وظيفة إدارية)) واخرتها موظف استقبال وبراتب 1500 وربع الراتب لكم والزيادة على هذا كله ان الإعلان ينزل وبدون اي معلومات وافية واذا احد استفسر من الأعضاء يكون الرد ((شرفنا المكتب وبتعرف كافة التفاصيل)) طبعاً القصد هنا شرفنا ومعك 200 ريال تدفعها قبل ما تعرف اي معلومة ولما تدفعها يقولون لك بنتصل عليك لو حسبناها حسبة عالطاير ونقول عدد العاطلين اللي راحوا للمكتب 5 الآف عاطل وعاطله من يوم ما فتح المكتب وحتى الآن ونضربها في مبلغ 200 ريال الناتج مليون ريال ......!!!! وعلى وظائف محدده شباب (كاشير ، موظف استقبال، مدخل بيانات )) ويقعدون لك في الشروط اذا كان عندك ثانوي يقولون لك لازم انجليزي واذا عندك انجليزي يقولون لك لازم تداوم 10 ساعات واذا وافقت يقولون لك باشر وبعد شهر يفصلونك بنات (( مندوبة تسويق ، مندوبة مبيعات)) اهم شرط انها تكون جريئة واذا ماهي جريئة وغير محجبة واذا ماهي جريئة وغير محجبة لازم تنتظر شواغر واذا هي جريئة وغير محجبه تراها بتداوم شهر وبعدها طرد طبعاً كل هالطرد عشان نرجع من جديد ونروح لمكتب التوظيف وندفع 200 ريال ونتوظف في مكان ثاني والفيلم مازال مستمر هذا اللي حبيت اوصله لكم واخر كلمة بقولها لكم «حسبي الله ونعم الوكيل على كل انسان يحاول استغلال كل عاطل وعاطله» «واحذروا دعوة المظلوم فانها ليس بينها وبين الله حجاب» منقول بتصرف..لكي يتفهم المواطن والمواطنه السعوديين المساكين |
صادق لكل كلمة
الكل مستفيد من عاطل / عاطلة مغلوبين على امرهم |
هلا بك اخوي
فيه بعض الشركات نظامها كذا لكن بعض الشركات لا انا توظفت عن طريق شركة توظيف ومأخذو مني ولا ريال لما طلبت وظيفة والحمد لله والراتب فوق 3000 ريال والجهه الي ارسلتني لها الشركة وظفتني عندها رسمي وبراتب افضل اهم شيء الصبر ارجوا ان تتقبل وجهة نظري تحياتي |
واخرتها اختبار القياس للمعلمين 200 ريال اضربها في 34000 متقدم تطلع 6800000 ريال بالله مو حرام هذه سرقة ونصب والله الاختبارات ماتكلفهم ثمن المبلغ هذا وليتهم راح يتجاوزن كلهم الا امكن الثلثين ماراح يتجاوزون الاختبار غير الاختبارات الثانية حق طلاب الثانوي وغيره وغيره والله حتى الشباب ماسلموا من السرقة والنصب
مااقول الا على قول طلال مداح الله يرحمه: وطني الحبيب ... وطني الحبيب.... فلا احب سواه |
الله يعطيك العافية اخوي
وحسبنا الله على كل من ظلم ... |
مكاتب وهمية حصاد المستقبل وغيرهاااا حسبي الله عليهم26/4 تجمع كل العاطلين أمام وزارة الخدمة
|
الله يصبررنا ويعيييييييييين
|
1000شكر لك اخوي تسويق محتاس وانا من تجربتي الخاصة مع البطالة منذ 6سنوات :rolleyes: مع اني بكالوريوس بامتياز مع مرتبة شرف وعندي دورة حاسب ولغة(حسبي الله على وزارة الخدمة:mad: ) كنت مخدوعة باحد مكاتب التوظيف التي تديرها احدى سيدات الاعمال التي سلبت مني 500ريال على امل انها تجد لي عمل بنهاية الشهر ولم ارها منذ ذلك الحين وماقول الا يمهل ولايهمل بالفعل اتمنى من الاخوة والاخوات عدم تصديق اي مكتب يدعي تقديم خدمات توظيف :m |
اقول كفو والله يالسنايدي من جد كلااامك عقلاني
ما قصرت ووفيت با بعدي انشهد انك كفووووو والله لبى قلبك |
وااقع مرير نعيش فيه
مااقول إلا حسبنا الله ونعم الوكيــل |
| الساعة الآن 05:39 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين