السلام عليكم ورحمة الله وبركاته ..

صبااح الخيرات للجميع..

انا من الزلفي وجااي بكره للرس لبلديه قصر بن عقيل وعلى الله التوفيــق..

ياليت اللي يعرف مكانها مضبووط يوصفلي عن طريق الجوال لاني ما ادلها بصراحه..ا وله مني جزيل الدعااء والشكر..بالتووفيبق للجميــع..

تكفوون ياعياال الديرره ساعدوني..

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ما ادري تدل الرس و لا لا

لكن بوصفلك الرس
و ثم من وين تطلع من الرس الى قصر ابن عقيل


اولا / من وين تنزل للرس و انت جاي مع طريق المدينه السريع ( متجه للمدينه )

كبري الرس على ( طريق المدينة السريع ) هو بعد كبري بريده تقريبا 70 الى 80 كم

يعني بعد كباري بريده و بعض الكباري الزراعيه

يجيك كبري ( البكيريه ) بعدين كبري ( الخبرا )
بعدين كبري ( رياض الخبرا الاول ) بعدين كبري ( رياض الخبرا الثاني )

بعدين كبري ( الفويلق و ساق )

يجي بعده كبري ( الرس ) تطلع مع الكبري ( يسار ) و تمشي على طول ( الرس على بعد 15 كم تقريبا )



ثانيا / اذا دخلت الرس

اول اشاره تجيك رح معها يمين و تمشي على طول الى ان توصل الى ( ثاني مطب )

اذا جيت عند ( ثاني مطب ) يجيك تقاطع روح يسار

روح على طول الى ان توصل ( اشاره ) خذها يمين و امشي على طول ( هذا طريق قصر ابن عقيل )

طبعا تمر على اشارتين الى ان تطلع من الرس ( لكن انت اهم شي روح سيده ) و قصر ابن عقيل يجيك بعد اخر اشاره بحوالي 20 كم


انا ما ادل بلدية قصر ابن عقيل
لكن هي بلدة صغيرة تقدر تسأل اهلها و يدلونك



الله يستر عليك و انا اخوك
و ترفق , ترى السرعه ما بها خير


حاول قبل لا تروح تتاكد من الناس اللي راحوا للبلدية عن المؤهلات المطلوبة و وقت التقديم
ازين من انك تضرب مشوار بدون فايده



الله يوفقك في الوظيفة
و لا تنسانا من الدعوات و بلغنا باللي يصير معك

الله يوفقك اخووي...طيب ياجماعه اللي رااح يخبرنا شصاار معه؟؟

موفق إن شاء الله

الله يوفقك

يامن قدمتوا اليوم خبرونا وش صار معكم
من حيث الموهلات المطلوبة ونوعية الوظائف وراوتبها