1500 ريال ودوام12 ساعة واذا مو عاجبك في غيرك
 

السلام عليكم ورحمة الله وبركاته

اقسم بالله اني مقهر قهر مولع نار ودي احرق الفنادق اللي له

ياعالم يا ناس شي يقهر من جد

انا بأي طريقة لازم اخرب بيته ويبت ابوه وابوى اللي جابه يعني مو ناقص فلوس كل فندق اكبر من الثاني ( ما شاء الله ) وبخيل ماقنا شي لاكن وقح ومعدوم

السالفة وما فيها .
اخوي شغال في فندق له سنة ونص وبراتب 1200 ريال وبدوام 8 ساعات ومعاه ثلاث موظفين سعودين وبعدين طرد صاحب الفندق اثنين من السعودين وجاب واحد اجنبي وقلي لاخوي الدوام 12 ساعة بينك وبين الاجنبي واذا مو عاجبك في غيرك يقصد ( الاجانب ) يكل وقاحة بكل دنائة
انا ابغى اعرف في طريقة نظامية اخرب له بيتة واذا مافي راح اطلع الشياطين الين ما اخرب ليه يبته

اقسم بالله مهزلة والله لو اروح فيها ماعلى المهم ادمر حياته

اخوي ماهر تحمل لين ما تجيك وظيفة احسن منها

انصحك تتركها حنا في زمن لاتقل فية الوظائف عن 2000 ريال
روح مكتب العمل وهم يوجهونك لاي شركة.................... بلا فندق بلا بطيخ

بصراحة رأي ان تتستمر لين تحصل على وظيفة في نفس المجال وتحاول تحصل على خبرة في الفندقة وبعدين سوف تجد وظيفة براتب كويس بس عليك الحصول على الخبرة بس ممكن ترسل لي وين ساكن وشهادتك على الخاص وانشألله استطيع مساعدتك لوجة الله فقط

شوف حبيبي بصراحة انا قبلك مر علي ها الموقف واخص منك الين وصل لحد الاهانه بس انا ما تحملت يوم جاء صاحب الفندق راز راسه الي يشوفه يقول جاكم ملك الموت من كثر الموضفين الي يخافون منه المهم قابلني وانا جالس ولا وقفت له عاد هو من النوع المتكبر قالي بالفم المليان يا بزر اذا ما تبي الشغل ترا فيه غيرك على الباب ينتظرون ها الوظيفه واحمد ربك على الي انت فيه وبعدين لما تشوف الي اعلى منك تعلم توقف وتحترمه سواء انا او غيري عاد انا وقتها ابتسمت ورديت عليه بروح رياضيه وقلت له طيب يا حماااااار انا ما اوقف لاشكالك وبعدين انا حامد ربي لاني عايش وشايف اشكال زيك علشان وقربت منه وذاك الكف الي عمر امه وابوه ما سمع زيه ( اربيهم ) وفسخت البدله قدام الله وخلقه ورميتها بوجهه قلت هذه لا تلبسها واحد سعودي هذه لبسها لواحد اجنبي واعطيه راتب 500 ريال احسن لك احنا ما نشحدك يا .... والرازق الله سبحانه وتعالى
عاد تبي نصيحتي اول حاجه علشان ترتاح عطه كف قبل كل شي علشان ينهان قدام الي مشغلهم ويحس ان قدره نقص ولا تخاف ما راح يشتكيك لان تحصل اموه ما هي مضبوطه علشان كذا هو يخاف على نفسه
ويا عمي الله مكثر الشغل في كل مكان وترا بصراحة 1200 وش تسوي احنا نقول الحمد لله ولاكن ما انهان لاجل اعيش لا والله والي خلقني ( اهين قرشي ولا اهين نفسي ) ماهو تكبر لا حبيبي بس الواحد عنده عقل رح دور لك شغله غيرها يا شيخ اهل الخير واجد بالبلد بس نصيحه لا تهين نفسك او اخوك يهين نفسه علشان قرش لان القرش اذا هانك بتظل طول عمرك منهان انتبه لا تغرك الدنيا بمطالبها واذا قصدك بالوظيفه تتزوج انا ابضحك واقول لك حبيب الحمد لله الله ساترني تزوجت بدون وظيفه ولا تخاف فيه ناس تبي رجال ما تبي رواتب والحمد لله شوفني اول ما تزوجت من هنا جاتني وظيفه دايركت من هنا والحمد لله واذا انت خايف من المصاريف ووو ترا بقولها لك تزوج يغنيك ربي شوف حمت ربي كيف قالك بالحرف الواحد تزوجو يغنيكم الله وش تبي اكثر من كذا هذا كلام الله وما فيه كلام بعده ولا قبله يا خوي اوصيك بالزواج الحلال ولا تغرك مطالب الدنيا لان الدنيا فاينه ودور لك بنت الحلال الي تصونك وتخاف ربها وتعرف قيمه رجالها وانصحك اذا تبي السعاده في دنيتك وآخرتك خلي امك تدور لك على وحده اهلها مطاوعه وهي مطوعه صدقني بعدها بتقول ليتني سمعت كلامك من زمان ...
بقولك شي انا نصحت 3 اشخاص والحمد لله تعال شوفهم والله تزوجو ملتزمات شوفهم كيف الحين واحد توظف بالخطوط بطيران ناس بوظيفه مضيف والثاني الله يستر عليه راح بعثه هو وحرمته يدرس قسم هندسه ميكانيكية باستراليا والثالث شوفه الحين ما شاء الله مخلص فترته التدريب بارامكو بالظهران وربك حصل له واسطه تجيبه ينبع شوف كيف هيا قوم فز بلا وظيفه بلاهم ما جاب لكم الهم غير الوظايف خلي امك ولا خواتك الله يستر عليهم يدورون لك على بنت ملتزمه وتخاف ربها بكل شي عاد الحريم يطلعونها لك ولا تخاف تزوج ولو بالشي اليسير وبشوف كيف ربي بيرزقك واسئل انت وشوف ولاهنت اسئل الكبار وشوف والله يكتب لك الي فيه ان شاء الله
اخوك المحب للعاطلين
وآسف على الاطاله اخوي

ياخى رح مكتب العمل واشتكى عليه
والله ا انا حزنت على كلامك ربنا يعين
الشباب السعودى المظلوم على امره
لاعمل ولابيت ولا زوجه وش يسوى الواحد يسافر يشتغل براء ؟؟؟؟؟؟

فني ميكانيكي ماشاءالله عليك حمستني
ليتني ضربت مديري الحمار قدام الموظفين قبلما اخرج خسارة
بس تعلمت منك درس لا ينسى

وياصاحب الموضوع اخرج منها وادعي عليه انصاص الليالي

كلام حلو ومريح وبلاش
بس كيف اتزوج وانا ما عندي فلوس
(لا مهر - ولا حق عرس ولا شئ
ولا عندي شقة
ولاعندي اثاث
ولا عندي اي شئ
بس هي النيه موجوده من سنين بس اللي موقفني الفلوس
أه أه الله كريم...

الله يوفقك أخوي ماهر

الحياه تجارب وعقبات لازم تتعداها

خل أملك بالله كبير

وادعوا الله إن الأمور تتيسر

تحياتي