تسجيل الدخول
|
|||||||
تأسس الموقع عام
2006
Site was established in 2006
|
|||||||
| مشاكلك في العمل هل تواجهك مشاكل و ضغوط نفسيه في عملك اكتب مشكلتك وهناك من يساعدك |
| أضف رد |
|
|
LinkBack | أدوات الموضوع | انواع عرض الموضوع |
31-03-2010, 03:19 AM
|
|||
|
|||
مشاعل المقيل ومدير تعليم البنات ولعبتهم مع البنات
السلام عليكم ورحمة الله وبركاته اتمنى من ادراة المنتدى يتركون لي ولاخواتي المظلومات واللي راحو لعبه ومضحاكه بيد مشاعل المقيل (ام عبدالعزيز)
ومدير التعليم((( حسبنا الله ونعم الوكيل))) ابي احكي لكم أمس وش صار في ادراة التعليم من تصرفات مالها علاقه بالانسانيه ولا فيها من التقدير والحشمه شي قبل فترة نزل اعلان عن وظائف اداريه بنظام التعاقد ورحت يوم الثلاثاء الماضي بتاريخ 7\4\1431 وقدمت عليهم وكان هناك مجموعة من البنات يقدمون اوارقهم على حسب الشروط المطلوبه وموعد الاختبار يوم الاثنين بتاريخ13\4\1431 من الساعه 8 الى الساعه10 حضروا المتقدمات على حسب الموعد ولظروف خارجه عن ارادتنا في بنات حضروا الساعه 8:10 وفي بنات حضروا الساعه 8:14 وفي بنات حضروا الساعه 8:18 وانا شخصيا حضرت 8:18 يعني التأخير مابين عشر دقايق الى ثلث ساعه بسسسسسسس ,, جيت ودخلت الا باب القاعه مسكر طقيت الباب ابي احاول فيها تدخلني ولاترد علي سافهتني وكأني جايتن في بيتها واطلب من حلالها مع انه الوظايف جايه من جهات عليا وفوق هذا كله هي تشتغل عند الحكومه يعني الوظايف ماهي بيدها ولاهي من حسابها الخاص!!!! المهم رفضت تقابلنا ورفضت تفتح الباب اتصلت على موظفه كانت جالسه عند باب القاعه تقول لها البنات لايطقون ازعجو البنات اللي يختبرون قلت للموظفه هاتي الجوال ابي اكلمها واحاول فيها اننا ندخل رفضت تكلمني قفلت الخط حاولت انا اتصل عليها من جوال الموظفه اللي واقفه عند الباب ورفضت تقول اهي رافضه تدخلكم شارت علي الموظفه اني اروح اكلم الادارة داخل ممكن يساعدوني وانا بطريقي قابلت موظفه بنت حلال الله يجزاها خير شرحت لها الوضع وطلبت منها بحكم انهم زميلات عمل بأنها تحاول فيها تدخلنا قالت انا ابي احاول وماظنتي بتلاقون فايده !!!! المهم دخلت الاجوديه عليها وحاولت فيها رفضت (((الشيخه مشاعل))) اننا ندخل طلعت الموظفه علينا وش توقعون قالت لنا المفاجأة بالكلام اللي قالته تقول انها رافضه دخولنا وتقول خليهم يكلمون مدير التعليم اذا وافق لهم ادخلهم !!!!! عاد الطامه الكبرى مدير التعليم كان يكلم مشاعل على الجوال يعني هذي سالفه بينهم يبون يضحكون علينا فيها قلت انا للموظفه اوكي انا اكلمه (((راعية حق وابي اطالب فيه))) دخلت مكتب الاداريه انا ومعي وحده من البنات اتصلنا على المدير رد علي السكرتير قالي وش تبين قلت له اللي عندي وابي اكلم المدير قالي المدير عنده اجتماع قلت واللي يعافيك اعتبرنا خواتك وساعدنا في موضوعنا ماجينا وتعنينا الا اننا بحاجة هاالوظيفه شوي الا المدير اللي عنده اجتماع رد علي وكلمته وقلت له يابن الحلال ساعدنا تأخيرنا من عشر دقايق الى ثلث ساعه يعني حتى نص الوقت مامضى,,, تدرون وش رد علي يقولي الصلاحيات ماهي بيدي بيد المديره منهي المديره؟؟؟ وش اسمها؟؟؟ وش رايكم بالسؤال مدير التعليم ولايدري وش اسم مديرة القسم النسائي تدخل المخ هذي مدري هم شايفين بلا مخ مانعرف ان هذي لعبه بينهم (((( لاحول ولاقوة الا بالله)))) لاومايعرف اللي كانت معه على الجوال في قاعة الاختبار (((حسبي الله ونعم الوكيل)))) رديت انا عليه قلت له المديره تقول ان الأذن من عندك يعني انت عطنا اذن دخول قالي الصلاحيات بيدها هي قلت له هي تقول الصلاحيات بالاذن عندك وانت تقول الصلاحيات بأذن الدخول عندها حرام عليكم خافوا الله فينا ماستفدت شي طبعا لان اللي يلعب على الناس ولافوقه رقيب يسوي اللي يبي كلمت البنت اللي معي قالها انا ماني فاضي عندي شغل ويالله مع السلامه,,,, انتهت المكالمه وحلمنا يالبنات بوظيفه حكوميه حتى لو هي ماهب رسميه انتهى,,,, من المسئول؟؟؟؟ (((مشاعل المقيل))))!!!!!!!!!!! ((((ولا مدير التعليم))))!!!!!!!!!!!!!! تعرفون ليش كتبت اسم مشاعل اول عن اسم المدير!!!!!! لانه حرام يكون هذا مدير للتعليم وهو انسان مايخاف الله ويتبع كلام حرمه,,,, بالاخر دعا خاص على مشاعل وعلى المدير وياويلكم من دعوة المظلوم الدعاء سلاح فريد وقوي يملكه المظلوم فما إن يرفع المظلوم يديه إلى السماء إلا و يأتيه الرد من الملك العزيز الجبار الله سبحانه وتعالى مباشرة: " وعزتي وجلالي لأنصرنك ولو بعد حين " يبي ينصرنا الله يامشاعل ويامدير التعليم ولو بعد حين كرروا هذا الدعا يابنات ياللي منعتكم مشاعل ومنعكم المدير من الحصول على وظيفه يا رب أغلقت الأبواب إلا بابك وانقطعت الأسباب إلا إليك ولا حول ولا قوة إلا بك يارب اللّهم إنّي ومن ظلمني من عبيدك ، نواصينا بيدك ، تعلم مستقرّنا ومستودعنا ،وتعلم منقلبنا ومثوانا،وسرّنا وعلانيتنا ، وتطلع على نيّاتنا ، وتحيط بضمائرنا ،علمك بما نبديه كعلمك بما نخفيه ، ومعرفتك بما نبطنه كمعرفتك بما نظهره ، ولا ينطويعليك شيء من أمورنا ، ولا يستتر دونك حال من أحوالنا ، ولا لنا منك معقل يحصننا ،ولا حرز يحرزنا ، ولا هارب يفوتك منّا . اللهم ان الظالم مهما كان سلطانه لا يمتنع منك فسبحانك أنت مدركه أينما سلك، وقادر عليه أينما لجأ، فمعاذ المظلوم بك، وتوكّل المقهور عليك، اللهم أنى أستغيث بك بعدما خذلني كل مغيث من البشر، وأستصرخك إذا قعد عنى كل نصير من عبادك، وأطرق بابك بعد ما أغلقت الأبواب المرجوة، اللهم انك تعلم ما حلّ بي قبل أن أشكوه إليك، فلك الحمد سميعاً بصيراً لطيفاً قديراً. يا رب اللهم انتقم من الظالم في ليلة ﻻ أخت لها، وساعةٍ ﻻ شفاء منها، وبنكبة ﻻانتعاش معها، وبعثرةٍ ﻻ إقالة منها، ونغّص نعيمه، وأره بطشتك الكبرى، ونقمتكالمثلى، وقدرتك التي هي فوق كل قدرة، وسلطانك الذي هو أعزّ من سلطانه، واغلبه ليبقوّتك القوية، ومحالك الشديد، وامنعني منه بمنعتك التي كل خلق فيها ذليل، وابتلهبفقرٍ ﻻ تجبره، وبسوء ﻻ تستره، وكله إلى نفسه فيما يريد، إنّك فعّال لما تريد .يا رب ((( ان مشاعل المقيل ومدير التعليم))) ملكوا أسباب القوة في الدنيا وأنا عبدك لا أملك إلا إيماني بك وتوكليعليك ودعائي واللي يعافيكم لاتحذفون شكواي والله لو اننا اتحدنا يد واحده ضد الناس اللي تحجب الوظايف للي يبونهم وكتبنا عنهم بالاسماء ماكان هذا حالنا صح ولا!!!!! الملك "الله يحفظه" يعطي اوامر بالتوظيف والبطانه الفاسده تلعب بالدنيا على كيفها,,,, 
|
|
31-03-2010, 09:11 PM
|
|||
|
|||
|
امش عدل يحتار عدوك فيك .... لو ما تأخرتي كان ما صار كل هذا ...... وانا معك يتطلب ان يكون هناك مرونة بس النظام نظام ... وياريت يطبق النظام على الجميع ربما انتي تتقبلين الموقف ولهذا اكون معك
|
|
11-04-2010, 09:33 AM
|
|||
|
|||
|
ياللللللللله عيني عينك قلة ادبببب قسم باللله
|
|
13-04-2010, 02:56 AM
|
|||
|
|||
|
والله مدري وش اقول؟؟ العالم تتنظر هالوظائف سنين وبلمح البصر يوقفون في وجهك ناس مايخافون الله
|
|
18-04-2010, 08:08 AM
|
||||
|
||||
|
يا بنت الحلال قولي حسبي الله وكفى من قلب تريحك إن كانوا ظلموك
|
| أضف رد |
|
(( لا تنسى ذكر الله )) |
|
|
| أدوات الموضوع | |
| انواع عرض الموضوع | |
|
|
العرض العادي
