رايكم يهمني والله محتار

هلالي ميلاني · #1 (**permalink**) 31-03-2010, 01:26 PM

السلام عليكم ورحمه الله وبركاته

اخواني مساء الخير للجميع

انا تخرجت من كليه المعلمين دفعه 29 تخصص حاسب الي والتقدير جيد والكل يعرف ان السنوات الي راحت ماكان في تعيين للتخصص الا قليل ولكن في السنه القادمه سيكون تدريس الحاسب بالمتوسط وقد يكون الاحتياج كبير المهم ولله الحمد اجتزت اختبار الكفايات للمعلمين ولكن لا اضمن التعيين وانا قدمت على امن المنشات رتبه وكيل رقيب ونسبه القبول ميه بالميه والدوره احتمال في شهر 7 فا انا ابي شوركم ادخل العسكريه وانتظر التعيين واروح ولا ماادخل واجلس انتظر ممكن هالسنه او الي بعدها وانا خاطب وابي اتزوج بس الوظيفه هي الي ماخرتني وش رااايكم ؟؟

والله محتااااااااااااار

آه يازمن · #2 (**permalink**) 31-03-2010, 01:33 PM

عصفور باليد

ولا عشره فوق الجدار

هركز · #3 (**permalink**) 31-03-2010, 01:40 PM

والله وكيل رقيب ازين <8000 والله فله << غير الترقيات زي الصاروخ ماتجي 6 سنوات الا ومعلق ملازم ههههههههههههه توكل على الله مافيه غير العسكريه تشكي

الله يوفق الجميع

نايف نايف نايف · #4 (**permalink**) 31-03-2010, 01:49 PM

والله اذا بغيت الرأي

لا تستعجل الامور واستهدي بالله واستخير

لكن قبل الاستخارة

قارن بين الوظيفتين
من ناحية الراتب الاجازات النفوذ رغبتك الشخصيه (في ايش انت اكفأ)

فكرة انك تدخل العسكرية ومتى ماجاك التعليم تروح له هذه فكره حلوه جدااا اذا كنت ترغب التدريس

ومسألت انهم يحتاجون معلمين حاسب ومدري ايش لا تتأمل فيها كثير لاني انا برضوه ماني متأمل انه يكون هناك احتياج ضخم جدا وراح يوضفون دفعة 28 و 29 و 30

ادخل العسكرية واذا جاك التعليم روح له ولو في الخرخير

والـــــــــــــــــــــــــــــــــــلـــــــــــ ــــــــــــــــــــــــــــــــه يوفقك

ام روان · #5 (**permalink**) 31-03-2010, 01:53 PM

اخوي معلم حاسب من ست سنوات , وكان يطلب نقل ومايطلع له لان التعيين متوقف ,, السنه هذي طلع له نقل هو وزملائه مدرسين الحاسب لان صار في احتياج بمنطقتنا ,,وسمع ان السنه كل اللي مقدمين حاسب بيجيهم تعيين , لان الاحتياج كبير بما انهم موقفين التعيين كم سنه اضافة انهم بيضيفونه مادة اساسية للمرحلة المتوسطه ...
الله يوفقك اخوي ...

عاطل يوم السبت · #6 (**permalink**) 31-03-2010, 02:45 PM

صحيح انو العسكرية رواتب وبدلات ولكن الي اعرفو انو كل ماوحد اتقاعد من العسكرية راتبو كان قليل لان اكثرها بدلات والراتب الاساسي ماشي حالو والتقاعد نص الراتب الاساسي على مااعتقد
من جهه اخرى التدريس افضل بالاجازات والرواتب ولكن التعيين هو المشكلة
وفي النهاية تقبل مروري على الموضوع