حلول البطالة Unemployment Solutions - لو إني مآ (أعشقك) ‘‘ شلي على هبآلِك يصبرني }~..؟

أشكك في غرآمه دوم / أنشف ريقه ودمه ..
تعذّب قلبه أوهآمي وأنا ظنوني تعذّبنــــــي ..

مُحآل اليوم يمر بدون زعل ,, لآ يمكن أتمَّه ..

غصب أخلق مشاكل له وأجننه ويجننــــــي ..

أجي وأحوس له جوه وأزيد بهــمه وغمه ..
وإذا هو اشتكى , أبكي وأقول إنك مآ تفهمني ..

يحآول يبتسم لكن يقول الآآآآهـ من همه ..
يقول أرجوكِ أبي أفهم وش المطلوب بس مني ..

عطيتِك قلبي و روحي , وأحبك وأعشقك جمه ..
ولآ غيرك أبد إنسآن يبعثرنـي ويلملمني ..

تشوف العين ومهما تشوف مكانك بآقي بالقمه ..
وحيدة دآخل فؤآدي ومنك الشك متعبني ..

دخيلك افهمي حبي مآ رآح أعيد هالكلمه ..
ترى صبري وصل حده ومآبه شي يجبرنـي ..

بأن أتحمل جنونك وأشوفك منتي مهــتمه ..
بأني أنبسط و أفرح , وقربك مو مريحني ..

خفوقي يعشقك وأنتي خفوقك مآ نظر يمه ..
ذبحني شكك وخوفك , ترى طبعك مآ يعجبني ..

دخيلك وش به مقصِّر أبي تقولين وأتمه ..
حلفت ألفين مآ أخونك وقلبك مو مصدقني ..

صرخت وقلت : بعض جنون , مثل مآ تشتهي سمه ..
ولكن قلبي متأكد وأحس أنك مآ تعشقني ..

ويوم ان هلَّت دموعي بدى يمسحهن بكمه ..
وقآل ألحين أبي أسأل وأبي قلبك يجاوبني ..

أخذ رآسي إلى قلبه وقآل أبي بهالضمه ..
تسمِّع دقة الخفاق ومآ تلقاه علمني ..

وقمت أسمع أنا أحبك وهو مآ قالها بفمه ..
وعينه تحكي الإحسآس أكلمها وتكلمني ..

ورحت أبكي على صدره وقآل ألحين بالذمَّه :
لو إني مآ (أعشقك) ‘‘ شلي على هبآلِك يصبرني }~.. ؟