كشفت وطلع ماعندي خلايا منجلية
 

ياشباب سويت كشف طبي تبع امن المنشات قبل اسبوع وطلع عندي خلايا منجلية والحين سويت كشف في مستشفى عام وماطلع عندي خلايا ايش السواة.

وين كشفت في أمن المنشات ؟ يمكن في أمن المنشات واحد معهة واسطة معه خلايا منجلية وبدلو بن دمك و دمة حسبي الله على الظالم أنت وين سويت الكشف؟

الله يكون في عونك بس انت شوف روح راجعهم
وان شاء الله تسهل عليك

في جازان .حين قال لي عندك خلايا منجلية ما صدقت قلت له اذا سويت كشف برا وما طلع شي ارجع لك قال لي لا ترجع سجل المرة الجاية .

الله يعوضك باحسن منها

الله يوفقك الجميع .... انا اعاني من هالمشكله؟؟

انشاء اسجل مرة ثانية وامشي.

الله يعينك ويلعن الظالمين

حياك الله اخوي (اسنع عاطل) والعضو الي نسيت اسمه هو انا.

بالفعل ياخوي (كبع) انا إنطردت من امن المنشآت بسبب فحص الدم الي مادري من وين طلع لي.

يقولون حامل للمنجليه ويوم طلعت من عندهم رحت لمركز صحي عندنا بالحي وفحصت وطلعت النتائج سليمة ورحت لهم بورقة من نفس المركز الي بحينا وقالوا لي (لو تجيب الورقة من اكبر مستشفى بالاحساء مالنا شغل فيك ومانقدر نفيدك) حسبي الله عليهم.

تصور ياغالي انا امس رايح الدمام ومقدم على وضيفة حارس امن(سكرتي) في اسواق المزرعة وفي ناس رادينهم بسبب إنهم حاملين لأنيميا الدم المنجلية.
طبعاً انا ماقبلوني لأن مافي وظايف شاغرة عندنا بالاحساء ولذلك رجعت من عندهم لأن الراتب تعبان 2500 ريال في الشهر.
تصور جامعي ومقدم على وظيفة سكرتي.
والله دنيا عجيبة وين العدل وين الإنصاف بحق الجامعيين لكن شكوانا لله سبحانه وتعالى.

الله يعينك

حبيبي خذ تقرير من المستشفى الحكومي

مختوووم انك سلييم

وروح لاطلق شنب بالقبول والتسجيل واطبعها بين عيونه

قول اكيد لعبو وبدلو دمي



وان شاء الله تجيب نتيجه معاهم

لآتسكت عن حقـك مهما كان وطآلب فيه / ادخل على بعض الظباط الي تشوفهم ياخذون ويعطون مع البعض وصدورهم وسيعه وحاول انهم يعطونك كشف طبي (جديد) ورح للمستشفى وخذ موعد حتى لو للمره الثانيه ، بعض الإفراد وخصوصا ضعاف النفس (الي بقسم التسجيل) ، بالقوه يخلونك (غير لائق عسكريا) عشان يدخل متقدم ضعيف نفس عارض عليه (5000 او 6000 او ....) يعني لاذمه ولا ضمير ، ان كنت متأكد انك سليم من خلايا الدم المنجليـه .. خذ اوراق تحليل الدم الي من المستشفى (العام) الي فحصت عنده وقالوا مافيك الا العافيه . واعرضها على اي ظابط وطالب بالفحص مره ثانيه . تمنياتي لك بالتوفيق

البطل ابوعلي والله انا حاس بيك وعارف الشعور عند حصول هذا الشيئ .ولكن وعسى ان تحبوا شيئ وهو شرا لكم .والحمدالله خلينا نرضى بالي مكتوب لنا وعساه خيره ونسجل مرة ثانية وانشاء خير.والله يوفق الجميع انشاء الله.

( وعسى أن تكرهوا شيئا وهو خير لكم )...

بارك الله فيك اخوي على هذه الكلمات التي تكتنز بداخلها الكثير من الرضا بقضاء الله وقدره.

والله ياخوي (كمال) في شباب كثيرين مثلي وحالهم مايعلم فيها إلا الله سبحانه وتعالى.

انا يوم اروح اقدم على وظيفة (سكرتي) شفت شخصين عندهم شهادة جامعية بكالوريس لغة عربية ومقدمين على وظيفة سكرتي.
والله زمان العجايب.

وازيدك من الشعر بيت انا قبل ماقدم على امن المنشآت إشتغلت شغله راتبها 1500 ريال تصور جامعي يشتغل ب 1500 ريال ومع ذلك ماقلت شي لكن اخلاق المدير حق الشركة ماعجبتني وطلعت من الشركة.

الله يصبرني ويصبر الكثير من امثالي.
الله يوفقك ياغالي وانا شاكر لك هذا التفاعل مع القضية.

الله يوفقك ياغالي ويعوضك خير.

وكلامك دُرر وإن شاء الله ماراح استسلم وبسجل مرة ثانية في امن المنشآت أو الأمن العام والله يكتب مافيه الخير والصالح.
طبعاً في تسجيل في وزارة الخدعة المدنية يوم السبت لأصحاب البكالوريس وإن شاء الله راح اسجل.
والله يسهل علينا وعلى جميع أخواني العاطلين.

عسى ان تحبو شيىً وهو شر لكم
وعسى ان تكرهو شيىً وهو خير لكم

ويش الخلايا المنجلية ؟؟؟

البطل بو علي

ايش الخلايا منجلية

انا اشرح لك:

هي اسمها انيميا الدم المنجلية وتكون كريات الدم الحمراء فيها على شكل قوس أو منجل.

ومن المعروف أن كريات الدم الحمراء تكون مدورة الشكل ولكن عند الإصابة بهذا المرض تكون على شكل المنجل.

طبعا انا حامل وليس مصاب بهذا المرض.
والحامل في العادة لاتظهر عليه أعراض الإصابة وحالته الصحية سليمة ولكن عند التحليل يبان كل شي.

الله يكون بعونك

ويرزقك أحسن منها

فعلاً هناك رجال كالذهب وانت واحد منهم.

بارك الله فيك اخوي على هذي الكلمات الطيبة.

والمشكلة وانا اخوك انا تخصصي غير مطلوب لسوق العمل ولذلك مافي مجال.

الله يوفقكم يا شباب ..