كشفت وطلع ماعندي خلايا منجلية
ياشباب سويت كشف طبي تبع امن المنشات قبل اسبوع وطلع عندي خلايا منجلية والحين سويت كشف في مستشفى عام وماطلع عندي خلايا ايش السواة.
|
وين كشفت في أمن المنشات ؟ يمكن في أمن المنشات واحد معهة واسطة معه خلايا منجلية وبدلو بن دمك و دمة حسبي الله على الظالم أنت وين سويت الكشف؟
|
الله يكون في عونك بس انت شوف روح راجعهم
وان شاء الله تسهل عليك |
في جازان .حين قال لي عندك خلايا منجلية ما صدقت قلت له اذا سويت كشف برا وما طلع شي ارجع لك قال لي لا ترجع سجل المرة الجاية .
|
حسبي الله عليهـم ,, فيه عضو هنا ناسي اسمه من الاحساء .. نفس مشكلتك قالو فيه خلايا منجليه وفحص برى وبمستشفى حكومي وماقدر يسوي شي الدعوه فيها لف ولعب معقوله !! الله يعوضك بغيرها ,, ان شاء الله خيره من ربك |
الله يعوضك باحسن منها
|
الله يوفقك الجميع .... انا اعاني من هالمشكله؟؟
|
انشاء اسجل مرة ثانية وامشي.
|
الله يعينك ويلعن الظالمين
|
اقتباس:
بالفعل ياخوي (كبع) انا إنطردت من امن المنشآت بسبب فحص الدم الي مادري من وين طلع لي. يقولون حامل للمنجليه ويوم طلعت من عندهم رحت لمركز صحي عندنا بالحي وفحصت وطلعت النتائج سليمة ورحت لهم بورقة من نفس المركز الي بحينا وقالوا لي (لو تجيب الورقة من اكبر مستشفى بالاحساء مالنا شغل فيك ومانقدر نفيدك) حسبي الله عليهم. تصور ياغالي انا امس رايح الدمام ومقدم على وضيفة حارس امن(سكرتي) في اسواق المزرعة وفي ناس رادينهم بسبب إنهم حاملين لأنيميا الدم المنجلية. طبعاً انا ماقبلوني لأن مافي وظايف شاغرة عندنا بالاحساء ولذلك رجعت من عندهم لأن الراتب تعبان 2500 ريال في الشهر. تصور جامعي ومقدم على وظيفة سكرتي. والله دنيا عجيبة وين العدل وين الإنصاف بحق الجامعيين لكن شكوانا لله سبحانه وتعالى. |
الله يعينك
|
اقتباس:
مختوووم انك سلييم وروح لاطلق شنب بالقبول والتسجيل واطبعها بين عيونه قول اكيد لعبو وبدلو دمي وان شاء الله تجيب نتيجه معاهم |
اقتباس:
|
البطل ابوعلي والله انا حاس بيك وعارف الشعور عند حصول هذا الشيئ .ولكن وعسى ان تحبوا شيئ وهو شرا لكم .والحمدالله خلينا نرضى بالي مكتوب لنا وعساه خيره ونسجل مرة ثانية وانشاء خير.والله يوفق الجميع انشاء الله.
|
اقتباس:
والله حرام شهادتك هذي وجالس حسبي الله ونعم الوكيل من قطع أرزاق هالعالم.. ( وعسى أن تكرهوا شيئا وهو خير لكم )...وبعديين سبحان الله يمكن خيره أخوي.... أعرف واحد تخرج من الثانوية بنسبة 96 قبل 6 سنوات المهم براسه ضابط المهم يحاول منا ومنا أخر شئ ماقبلوه وانهار نفسيا... ودخل الجامعة قسم رياضيات درس ثم تخرج والله يتعين عند مدرسة بيته الرجال مستانس لأخر درجة ... قال تعالى أخوك كمال نور... |
اقتباس:
والله ياخوي (كمال) في شباب كثيرين مثلي وحالهم مايعلم فيها إلا الله سبحانه وتعالى. انا يوم اروح اقدم على وظيفة (سكرتي) شفت شخصين عندهم شهادة جامعية بكالوريس لغة عربية ومقدمين على وظيفة سكرتي. والله زمان العجايب. وازيدك من الشعر بيت انا قبل ماقدم على امن المنشآت إشتغلت شغله راتبها 1500 ريال تصور جامعي يشتغل ب 1500 ريال ومع ذلك ماقلت شي لكن اخلاق المدير حق الشركة ماعجبتني وطلعت من الشركة. الله يصبرني ويصبر الكثير من امثالي. الله يوفقك ياغالي وانا شاكر لك هذا التفاعل مع القضية. |
اقتباس:
وكلامك دُرر وإن شاء الله ماراح استسلم وبسجل مرة ثانية في امن المنشآت أو الأمن العام والله يكتب مافيه الخير والصالح. طبعاً في تسجيل في وزارة الخدعة المدنية يوم السبت لأصحاب البكالوريس وإن شاء الله راح اسجل. والله يسهل علينا وعلى جميع أخواني العاطلين. |
عسى ان تحبو شيىً وهو شر لكم
وعسى ان تكرهو شيىً وهو خير لكم |
ما اقول الى تكفى يازمن ارحم
|
ويش الخلايا المنجلية ؟؟؟
|
البطـل ابو علي ،، على كلامك هذا وطموحك وشهادتك اسئل الله ان يبعدك ويغنيك عن العسكريه شهادتك اكبر منهم ,, حسبي الله عليهم ان شاء الله تتيسر امورك بالخدمه المدنيــه لكن بسئلك , ماتحصل وظيفه مترجم معقوله !! في المستشفيات اقل شي ؟ |
اقتباس:
|
البطل بو علي
ايش الخلايا منجلية |
اقتباس:
هي اسمها انيميا الدم المنجلية وتكون كريات الدم الحمراء فيها على شكل قوس أو منجل. ومن المعروف أن كريات الدم الحمراء تكون مدورة الشكل ولكن عند الإصابة بهذا المرض تكون على شكل المنجل. طبعا انا حامل وليس مصاب بهذا المرض. والحامل في العادة لاتظهر عليه أعراض الإصابة وحالته الصحية سليمة ولكن عند التحليل يبان كل شي. |
الله يكون بعونك
ويرزقك أحسن منها |
اقتباس:
بارك الله فيك اخوي على هذي الكلمات الطيبة. والمشكلة وانا اخوك انا تخصصي غير مطلوب لسوق العمل ولذلك مافي مجال. |
الله يوفقكم يا شباب ..
|
الساعة الآن 08:58 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين