تأسس الموقع عام
2006
Site was established in 2006
إستفسارات ونتائج وظائف القطاع الخاص لإستفسارات ونتائج وظائف القطاع الخاص فقط |
أضف رد |
|
LinkBack | أدوات الموضوع | انواع عرض الموضوع |
|
|||
تجربتي في شركه Bravo كل ما يتعلق بالمقابله الشخصية
بسم الله الرحمن الرحيم
السلام عليكم ورحمة الله وبركاته كما وعدتكم سابقاً في موضوع لي بوظائف المنطقه الوسطى عن كتابه تجربتي في مقابله شركه Bravo للاتصالات في البدايه خذيت معي اوراقي كلها من شهادات ودورات + CV واتجهت لهم الساعه 9 صباحاً دخلت المبنى قابلني السكيورتي بأبتسامه عريضه < طلع واحد من عيال حارتنا استفسرت منه عن المقابله ودق على اسم الموظف وانتظرت ونزل لي الموظف بنفسه وناداني وقال تفضل معي جداً محترم هالشخص طلعنا لغرفه الاجتماعات انا وهو في البدايه قال لي تكلم عن نفسك .. بالعربي وانا اتكلم عن نفسي اعطيته السي في .. وشرحت له دراستي بالكليه وكل شي درسته بدون اي زياده او نقصان .. حتى هو قالي اي شي تعرفه بس اذكره اللي ما تعرفه لا تقوله عشان لا اسألك بعدين ما تقدر تجاوب وتأثر على نتيجه قبولك قلت في نفسي والله كفو بعدها سألني بعد التخرج واعطيه شهاده خبرتي الاولى وتكلمت عن الامور اللي اشتغلت فيها .. ودخلت في تفاصيل كثيرره ولازم تبين له انك انسان فاهم لشغلك تماماً اللي اديته سابقاً .. وعطيته خبرتي الثانيه وتكلمت فيها بالتفصيل الملل بعد كل هذا .. الحديث الطويل تقريباً نص ساعه وهو ساكت ولا قاطعني مرره مخليني براحتي جداً ارتحت وانا اقابله هالشخص بعد ما اعطاني حريتي الكامله في الكلام قام يسألني في التفاصيل وطريقه تركيب مثلاً الشبكات وش نستخدم فيها ومن هالقبيل وش تعرف تسوي حاجات غير تخصصك .. عندك مهنه اخرى .. تعرف فوتوشوب .. تصوير .. وغيرها طبعاً تجاوب على حسب اتجاهاتك وميولك .. سألني تدخن .. وش تحب تشرب .. عصبي انت .. ضغوط العمل تأثر فيك .. تقدر تشتغل اسبوع كامل .. طبعا كلها امور على حسب شخصيتك انا مثلاً قلت له لو نظام العمل جماعي ومريح وتفاهم .. رآح اتقبل العمل بكل صدر رحب .. طبعاً نظام العمل اللي اختبرت عليه في البدايه بعد ما وضح لي نظام الوظيفه اللي مرشح لها انا اني رآح اكون سوبر فايزر مواقع .. والعمل اغلبه مكتبي مع قليل من الميداني تكون مشرف على مجموعه معينه ولا تلمس اي شي ولا تصلح معهم اي شي بس تكون مشرف عليهم فقط لا غير طبعاً ذكر لي ان لك اكثر من مكتب في شركه برافو و كذلك في شركه الاتصالات السعوديه وفي موقع اخر كذلك ما اذكر اسمه .. يعني نظامك متحرك من موقع لموقع .. دوامك 8 ساعات وقد تكون 6 ساعات اذا كان عملك اليوم ميداني على سبيل المثال بعد هذا الحديث الطويل عن نظام العمل سألني بالانجليزي وش وضعك .. قلت والله نظامي بيسك " مبتدئ " مو ذاك الزود قال تكلم عن نفسك بشكل بسيط بالانجليزي سألني وش اسمك بالانجليزي وجاوبته كم عمرك و جنسيتك وين درست فيه بالانجليزي وتخصصك عطاني ورقه وقلم .. قال اكتب اللي قلته لي الان واكتبه قال فيه مهندس وده يدردش معك شوي .. قلت لا تقول انجليزي قال انجليزي قلت نو بروبلم رحت انا والرجال الطيب على مكتب خوينا الانجليزي وادخل عليه واسلم عليه .. اجنبي طبعاً " جنسيته هندي بس والله انه طيب مرره " قلت له اسمي بالانجليزي وسألته عن اسمه وقلت له هاو ار يو .. وبعدها تورطت .. حس فيني الهندي ان ما عندي ما عند جدتي بالانجليزي دق تلفون على واحد وقال كم هير بليز .. دخل واحد عربي وقام يترجم كلامي له قلت للعربي خوينا قله تراني فاهم عليه بس مشكلتي الوحيده ما اعرف ارد عليه او ما اعرف وشلون اركب جمله له وقاله وضحك قال نو بروبلم .. شوي شوي تعليم .. طبعاً نظام وظيفه خوينا المهندس الهندي غير عن السعودي .. ما صدقوآ خبر احد يقدم عليهم كلهم يبوني قالي نظام وظيفتنا تجميع داتا .. نعطيك سياره وتجمع بيانات من مواقع ووممكن انك تسافر برا الرياض للقصيم او حائل على حسب الداتا .. قال وش رأيك قلت نو بروبلم عادي دام فيها موتر .. قالوآ وش تبي اي وظيفه .. قلت انا ما اقدر احدد بصراحه كلها حلوه وجديده .. انتم حددوآ لي قالي الهندي بالانجليزي .. ان الوظيفه متاحه كلها بس احس انك مرتاح للوظيفه الثانيه اكثر واذا توظفت وتبي بعدين تجي عندنا الوضع فري يوم قالها ارتحت .. بصراحه اول مره اقابل اجنبي زي كذا ارتاح له ودعني وقالي بالتوفيق لك بالانجليزي والمترجم ترجم لي .. قلت عاد ما توصل للدرجه هذي وضحك والهندي يقول وش فيه .. وسحب عليه خوينا العربي قال ناثينق هههههههههههههههههه بصراحه جو الشركه عجبني جداً .. حتى وانا جالس في الممر الكل يبتسم .. وييسلم علي يعاب عليهم انهم ما قالوآ لي وش تشرب بس اللي هون علي استقبالهم الاكثر من رائع ما يستفاد من الموضوع 1/ خلك واثق من نفسك 2/ اذا تتحدث انجليزي رح وانت مغمض .. واذا ما تعرف لا تستحي واطلب مترجم مثلي 3/على فكره مو شرط تكون نفس وظيفتي اللي قدمت عليها يمكن تكون اداري عندهم بعد ما سألتهم طبعاً 4/ اللي عنده icdl بتفيده جداً 5/ دوامهم من 8 الى 4 للأسف نسيت الاوفات الاسبوعيه كم يوم والا يومين .. بس نظامهم جداً مريح 6/ عنوان مقرهم الرئيسي اللي بالرياض .. طريق الملك عبدالعزيز وانت متجه شمال تعدى اشاره طريق الامام محمد بن سعود اول مخرج لطريق الخدمه بتجيك الشركه على اليمين لون الشركه احمر بعدها محطه بنزين 7/ بالتوفيق للجميع .. واي سؤال اي استفسار انا حاضر دعواتكم |
أضف رد |
(( لا تنسى ذكر الله )) |
|
|
|