|
استشاره واستفسار عن المقاولات
السلام عليكم ورحمة الله وبركاته
انا ياشباب حاب افتح محل مؤسسة مقاولات ابي لاصحاب المعرفه بالمقاولات انهم يفيدوني كيف الطريقه لاخذ النسبه من العماله هل اشرف عليهم ام اكتفي بالعقود واي واحد عنده فكره او طريقه ينيرنا بها وماهم افضل العماله للاستقدام وماهي المهن المفضله؟؟؟ اشكر كل من يرد او ينيرني باجابه شاكر للجميع |
أخوي سليمان يمسيك بالخير انا آرى انك في كل الحالتين مستفيد أن شاء الله و الله يوفقك
|
اقتباس:
|
الاشراف مطلوب دائماً لكسب ثقة الزبون وايضاَ للمسؤلية والامانة لاتكتفي بالعقود فقط
في البداية الشغل متعب ومشاكل العمالة كثيرة لكن مع الوقت تتطور للأحسن حالياً التأشيرات قليلة جداً ولكن مستقبلاً ربما تتيسر الأمور تخصص في مجال واحد وبعد ان تفهم الشغلة وتكون سمعة بالإمكان نقل الكفالة اخيراً احرص على مراقبة العمالة جيداً ولو كنت غير متفرغ اتمنى ان تتركها من البداية لست بمتخصص ولكن ابيت الى ان اشارك بالبسيط |
اقتباس:
|
أخي الفاضل أعزم وتوكل على الله وراسلني على الرسائل الخاصة وأنا حفيدك إنشاء الله لأنو الموضوع مربح كثير ,والعقود او الإشراف لايكفي لأنك تحتاج إ لى أصحاب خبرة وأمناء على أموالك للإشراف
|
اقتباس:
واتمنى انك تفيدني عن اول مايجون العماله كيف يتم الاشراف عليهم وكم النسبه المحدده التي اخذها منهم نظير عملهم وماهي افضل المهن التي اطلبها؟؟؟؟ لك رساله على الخاص |
الاخ سليمان ..
اعرف لك واحد يحب الشغلة هذي وفالح فيها جدا .. وزباينه كثير .. وله خبرة بالعقار .. كان تبيه يشتغل معاك ؟! |
الله يوفقك يا سليمان ... و الله يرزقك في مشروعك و يفتح عليك ابواب الخير من كل جانب ... و الجميع يا رب .. ما قصروا في التوضيح .. الله يعطيهم العافية ..
|
أول شي لازم تستأجر مكتب مقاولات اقل شي فتحة 5000 تأثيث المكتب . طاولة وكراسي 2000 لوحة محل 700 بعدها تروح للبلدية يعطونك موعد يطلع معاك واحد يشوف المكتب ويعطيك الرخصة .. بعد ما يجيك موعدك تطلع أنت وموظف البلدية . يشوف المحل وهل هو مطابق لمواصفات البلدية أو لا . بعده يعطونك ورقة إلى الدفاع المدني . ويطلع معاك الموظف او يعطيك موعد . ويشوف المحل هل فيه طفاية حريق وهل هي سارية المفعول وينظر الى المداخل والمخارج للمحل هل هي مطابقة لشروط الدفاع المدني . اذكر انها ببلاش بس يوقع على ورقة ترجعها للبلدية بعد تحصل على رخصة من البلدية ورسومها 300 ريال بعد ما تستلم الرخصة تطلع إلى وزارة التجارة . يعطونك استمارة تعبيها وتسلمها لهم بعدها تدفع الرسوم على ما أظن 1800 . بعدها يقولون لك انتظر من عشر أيام إلى أسبوعين وتعال عشان تأخذ أوراق ورخصة وزارة التجارة لمزاولة عملك . بعدها تجيهم يحولونك الى الغرفة التجارية . تسدد اشتراك الغرفة التجارية . بعد ما تسدد رسوم الغرفة التجارية تصبح أوراقك جاهزة . ألان أصبح لديك مؤسسة تجارية فردية . بعده تذهب الى مكتب العمل تقدم أوراقك عليهم . وتطلب العمال جنسياتهم وعددهم ومهنهم الخ بعدها يقولون لك انتظر من اسبوع الى اسبوعين .. عاد مكتب العمل يطلع يشوف محلك مره ثانية يعني مكذبين البلدية ووزارة العمل انه لديك محل ومستوفي الشروط بعد ما يطلعون وبعد ما يشوفون مكتبك يعطونك بالكثير اثنين و إذا عطوك أكثر من اثنين احلق شنبي عكس لعيونك تبي النصيحة لو انا عندي بقالة احتاج اقل شي الى اربعة عمال فما بالك بمؤسسة مقاولات لكن . اذا تعرف احد يعمل بشركة مثل لبناني يماني قل له وش رايك افتح مؤسسة وانت تجيب عمال وندخل مشاريع يعني أنت تسوي إلى فوق كله بس ما تروح لمكتب العمل لانهم والله بتكره نفسك و انت تقدم عليهم مغثة وتحاول تسوي مثل ما قلت لك وتكلم أي واحد تعرفه أي جنسية عربية غربية هندية الخ . وتقول له بفتح مؤسسة وانت تصير مقاول فيها وتجيب عمال وانتبه لا تسلمه الختم ومع الوقت بتكبر المؤسسة هو بيجيب ستة سبعه عشرة . وحاول تدخل أي مشروع عن طريقة بس أنت تهتم بالإدارة فقط ____ |
| الساعة الآن 10:18 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين