|
نداء عاجل لاصحاب المغاسل
السلام عليكم ورحمة الله وبركاته
كيف الحال ان شاء الله تمام المهم ماابغي اطول عليكم انا واعوذ بالله من كلمة انا رجال صكت براسي خلاص اليل والنهار افكر تكفون ياجماعه الربع مااطول عليكم الفكرة هي مغسله ملابس ودي بمغسله ملابس بس ماادري كيف ولا وشلون ابداء يعني ابغاء من اصحاب المغاسل المعرفه التامه ولايهنون الربع الزوار;) ابي اعرف التكليف والمصاريف والسلبيات والئجابيات تقريبا وكم اخر حد اجار المحل وماهي العماله المناسبه للمغسله :s وتراي تكفى تهز الرجاجيل ههه ههه اخليكم مع الموضوع |
:) اقول لك إلي عندي قبل امس فكرة في مغسله وجلست اتكلم مع واحد من العمال فاقل لي تقريبا تكلف 60 الف وبرضه انا سألت كذا واحد قالوا حدود 60 الف ولكن المشكله الكبرى العمال بكل بساطه اقول لك جيب لك كمبيوتر وفواتير ولكن اقول لك ما راح تشتغل المغسله لانهم بالراتب يعني إذا اشتغل او ما اشتغل بيجيه راتبه انا اقول لك في هالحاله وش تسوي يبي لك تدرس محلك زين وتعرف كم دخلك وفي هالحاله ولنفترض الدخل ما بين 1000 إلا 1500 ريال باليوم تأخذ المتوسط تصبح 1250 ريال اطلبهم 1250 ريال باليوم إذا نقصت يوفونها لك من رواتبهم وإذا زادت حلال بلال عليهم وربي يا انهم راح يشغلون لك المغسله شغل مو طبيعي وبعد كم شهر اطلب زياده يعني 1350 ريال ما راح يقولوا لا :) اعذرني على الاطاله وهالدش :cool: ولكن باقول لك سر ما كنت قلت لأحد العمال إلا جلست اسولف معهم مستأجرين المغسله الشهر بـ 6000 ريال :) ربي يوفقك ويزرقك يا الغالي |
اخوي ممنون بصراحه عالم القهوة وفى وكفى وماقصر.
|
شوف بالنسبه للمعدات انواع انتبه
فيه امريكي ووطني الامريكي ممتاز بس غالي اعتقد ب60 والوطني ب30 اجار المحل يعتمد على موقعك لو على شارع مهم مو مثل غيره بس 25 وانت نازل بتحصل موقع زين ان شاء الله والعمال جيب ثالثه اثنين بنغاليه واحد يكوي وواحد غسيل ومحاسب سوداني لن فيهم امانه نحسبهم كذا والله حسيبهم والله يسر امورك ونشوفك مسوي مجموعة مغاسل |
الاخوان كفوو ووفو بالتوفيق
|
صراحه مشروع مربح جدا جدا الله يوفقك ان شاء الله
|
| الساعة الآن 03:59 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين