|
مشروع الملاعب الصناعيه
مساء الخير جمعة مباركة انا راح اقول لك الدخل التقريبي بإذن الله وإذا كان كلامي غلط او فيه نسبه من الغلط يا ليت تنيروني يا اصدقائي انا اول ما سكنت بالطائف صرت اكتشف فيهم اشياء كثيره ومن إلي اكتشفته مجانين كوره <<<<<<<<<<<سألوا اي احد من اهل الطائف ويقول لكم المهم انا ساكن مع شباب لازم في الاسبوع بالاقل نلعب مباراه وحده تدرون بأننا نستأجر قبلها بكم يوم يعني لو نبي نحجز الاثنين نتصل عليه يوم السبت يعني سوقها ماشئ ما علينا خلونا نفترض <<<<<يا حبه في الافتراضات والرياضيات ههههه مع انه بليد :cool: مباراه من العصر إلا المغرب والاسعار تترواح من 250 ريال إلا 350 ريال ومباراه من المغرب إلا العشاء والاسعار تترواح من 150 ريال إلا 200 ريال<<<<مو مرغوب من اكثر الناس ومباراه من الساعه 8 إلا 10 والاسعار تتراوح من 250 ريال إلا 400ريال ومباراه من الساعه 10 إلا 12 والاسعار تترواح من 250 ريال إلا 400ريال ومباراه من الساعه 12 إلا 2 والاسعار تترواح من 200 ريال إلا 350 ريال هذي الاسعار في الملاعب الممتازه وهذي متوسط الاسعار طيب نفترض اليوم 4 مباريات بإذن الله ونأخذ اقل الاسعار لاني في كل مشاريعي احسب لنفس اني خسران ونفرض بأن السعر 200 ريال للمباراه يعني 4 * 200 = 800 ريال باليوم نضربها بالشهر 30 * 800 = 24000 ريال بالشهر اوكيه الان راح نخصم راتب العامل هذا إذا كنت تبي تجيب عامل وراتبه 1000 ريال وراح نخصم الكهرباء والمويه الكهرباء 6 كشافات كم راح تصرف من المغرب للساعه 12 باليل <<<افترض على نظامنا في الباحه ما تأخذ اكثر من 1000 ريال الشهر ويحتاج لك خزان مويه واحتمال تشتري في الشهر 4 وايتات <<<<فكره انا اضمها لملاعب الطائف لكي تشتهر 4 وايتات في 58 ريال (((يشتري الوايت في الطائف بـ 58ريال ))) تصبح 4 * 58 =232 ريال الخساير راتب العامل + الكهرباء + المويه 1000 + 1000 + 232 = 2232 ريال اوكيه الصافي بإذن الله 24000 - 2232 = 21770 ريال اترك الكسور وخلها للكماليات يصفى 20 الف بالشهر الافكار الاضافيه 1) أنشاء كافتيريا او كوفي شوب صغير ولكن توفر كل ما يرغب فيه الاعبين 2)تسوي لك غرفه لتبديل وحمامات وانتوا بكرامه بإذن الله هالحاجتين خلال شهر وملعبك صار من المشاهير وعلى فكره الناس يحبوا التميز :) ولكن اعلم بإن ايام الامطار خارج السالفه وفكرة كثير انزل هالمشروع وها انا انزله لكم اليوم اي استفسار او انتقادك الرجاء مشاركتم لي بها تقبلوا تحياتي ____________ الملاحظه الملعب الواحد يكلفك ما بين 350 الف إلا 550 الف ولنفترض بأنك كلفك 550 الف وربحك 20 الف بإذن الله تعوض خسايرك خلال 550000 / 20000 = 27 شهر و15 يوم يعني سنتين وعليها كم شهر وبالتوفيق للجميع ______________ التعديل هذا جاء رد الاخ عبدالله لنفترض بأن الاجار 100.000 ريال يعني الشهر 8.333 ريال نضيفها على المصاريف 8.333 + 2232 = 10.565 ريال الصافي 24.000 - 10.565 =13.434ريال بالشهر مع العلم بإذن الله ما راح ينقص دخلك عن 15 الف :d وانا اراهن على هالشئ هذا :cool:<<<<<<يبي ينطرد من المنتدى ههههههههههههه وعلى فكره انا حسبت على اقل تكلفه وبرضه انا شفت حسابات إحدى الملاعب في الطائف لو تحبون اجيب لكم حساباتها تقبلوا تحياتي واشكر الاخ عبدالله على الملاحظه لانها راحت من بالي |
كلام رائع اخي عالم القهوه
وهذا المشروع رائع لكن تدري اين تكمن المشكله؟؟ ليس في تاسيس الملعب فحسب؟؟ وانما ايضا بالمكان المناسب مساحة لايجار ملعب او ملعبين لن تقل سنويا عن 100000 الف ريال المشروع رائع جدا ودعواتي لك بالتوفيق |
انا زعلت ولن اعلق على موضوعك تقول اهل الطائف مجانين ههههههههه
لي عوده بعد ما ارضى عليك |
امسي عليك بالخير اخوي عالم القهوة و جمعة مباركه ...
المشروع حلو بصراحة و فيه مدن و مناطق كثيره تفتقر لمثل هذه المشاريع بس عندي تعليق بسيط ليش تخسر نفسك و تجيب وايتات و ترش الارض و خساير ما لها حد فيه ارضيات ملاعب تكون ارضيه صناعيه يعني لا رش و لا وايتات و خرابيط و بالعكس هي المرغوبه يعني ما تتأثر بكثرة اللعب عليها عكس الملاعب العشبيه !! اذكر لك مثال : فيه ملاعب الآن معروفه بمدينة الرياض و طبعاً مجانية للشباب تسمى الملاعب السداسية وش اللي يميزها ان ارضيتها صناعية و رائعة تحس انك تلعب و وناسه و هي اللي مرغوبه حالياً اما الملاعب العشبية أنا اشوف ان لها اوقات يعني ساعات الواحد يحب يغير و لها اوقات خاصة ايام رمضان هذا اللي حبيت اضيفه و الله يوفقنا و اياكم و كل مسلم ... |
تجلس في المقهى وشاهي ورا الثاني وتقعد تخترع مشاريع ********>> جوك حلووو
المهم ياعالم مشرووعك جميل جداً .. لكن المشروع بينحج نجاح باهر في المناطق ذات كثافه سكانيه وناس تقدر الكوره وتحب الملاعب المزروعه .. ناهيك في ايام الأجازات كم مباراة في اليوم معك الى الفجر وخاصة أيام شهر رمضان من بعد التراويح الى الساعه 3 شغل مباريات.. بالتوفيق |
اقتباس:
اشكرك على مشاركتي لموضوعي وتم التعديل ولكن برضه ما راح ينقص عن 15 الف بإذن الله انا في دراستي هذي اقل الاحتمالات إلا روح شوف كيف الملاعب واسعارها وكم مباره باليوم وراح تعرف اني مسوي تخفيضات :cool: اشكرك للمره الثانيه على مرورك ومشاركتك لي |
اقتباس:
اقتباس:
:mish: انت وش فيك هههههههههههههههههه ان شاء الله ترضى قبل الساعه 3 ولكن انا قلت مجانين كوره مو شئ ثاني وبعدين كل شخص وليه شئ يجننه اشكرك على مرورك عقبال ما نشوفك مره اخرى |
ان افكر في المشروع من فترة لقيته مربح وعليه طلب كبير
وكنت افكر اسويه في الطائف لاكن العائق المادة الحمدلله على كل حال تحياتي لك ولمشاريعك المميزة |
اقتباس:
ومشكور على الاضافه وملاحظاتك على العين والراس ولكن الوايتات مو للرش انا اضفت الوايتات للافكار الاضافيه :d واشكرك للمره الثانيه يا الغالي تقبل تحياتي وودي |
اقتباس:
مشكور على المشاركتك لي تقبل تحياتي |
| الساعة الآن 10:38 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين