مساالخير

انا معاق وعندي رقم مستفيد ولكن لم احصل على بطاقة الصراف الى الان

سؤالي هل يحق لي التقديم على منحه؟؟ وايهما افضل التقديم على منح البلدية ام المنح السامية؟



وبالنسبة للتقديم على المنح السامية,,هل استطيع ان ارسل معروضي للديوان الملكي بالبريد الممتاز بدلا من البرقية؟ لانه ليس عندي تلفون ثابت ولا جوال مفوتر

ام يجب ان يكون التقديم على المنح السامية عبر البرقية؟

عليكم السلام ورحمة الله وبركاته

قدم عليهم كلهم اخوي وبالنسبه للبلدية تقدر تحصل على مشهد من التأهيل اللي مقدم عليه حتى لو مانزلت بطاقتك

الديوان الملكي استفسر عن البريد الممتاز ... ممكن يفيدونك


بالنسبه لسؤال الاخت محتاره ماعندي علم عن الرياض انا مقدم على القصيم

موفقين يارب

الله يوفقك يارب

لكن اخوي هل فعلا اقدر اقدم على منحتين ؟؟
لاني الي فهمته من الموضوع..ان مالك حق تقدم الا على منحه واحدة فقط

اما بالنسبة لخطاب التعريف..فمركز التاهيل الشامل رفض يعطيني اي شئ يقول الموظف انه لازم استلم بطاقة الصراف وبعدين يعطيني خطاب

وانا رحت له مرتين وقال لي نفس الكلام..مدري هو صادق او هو مايخاف الله

شباب فى تقديم منح فى المدينه

[align=center]محد حولنا يالغاليه :([/align]

واياك يارب لا اخوي المنحة الملكية هذي من الملك وماتحرمك من منحة ذوي الدخل المحدود
بالنسبة للتأهيل اذا كان لك رقم مستفيد مايحقله يرفض !! خاصة اذاكانوا موافقين على الاعانه ومحددين مقدارها
لان البطاقة فقط للاعانه اما رقم المستفد هو عباره عن رقم ملفك في المركز .... لذلك حاول تكلم المدير

موفق يارب

وينكم يا اهل الرياض والمدينة ؟؟

جزاك الله خير وكثر الله من امثالك

ياليت يفيدونك الي يعرفون

سؤااال اللي ماتزوجت وبلغت سن ال25 سنه وهي موظفه تقدر تقدم علي المنحه ارض؟؟

وهل تقدم علي البلديه والا المقام السامي؟؟

^^

نعم تقدر

على المقام السامي

لا.. الان مافيه تقديم

ترا المنح السامية للجميع والالوية للمعاقين والمطلقات والارامل وليس ضروري ان يكون التقديم على المنطقة اللي انت ساكن فيها ... بمعنى تقدر تقدم على اي منطقة لكن هناك مناطق تتأخر في اعطاء المنحة على حسب ادارة الاراضي والممتلكات والتخطيط في نفس المنطقة .....

موفقين يارب

اخي عبد السلام بشر ان شاء الله اعطوك مشهد .....

وبالنسبة للي ماعنده امكانيه ارسال برقية يقدر يرسل بريد ممتاز على الديوان الملكي لكن الافضل البرقيه لان صيغتها جاهزه عند موظفي البرقيات

والله يوفق الجميع يارب

الله يسعدك ويوفقك
ابشرك اعطوني ..ولولاك ولولا تاكيدك انه من حقي اخذها كان مارجعت لهم ثاني وثالث مرة

وفي الاخير لقيت واحد من الموظفين غير الموظف الاول الي قال لي لازم تصرف وبعدين نعطيك تعريف
لكن هالموظف قال لي ..خطاب التعريف والتخفيض من حقك تاخذه الان لكن بايام محددة وهي يوم الثلاثاء والاربعاء

الله يجزاك خير يااخي اكاديمي قديم

وبالنسبة للبرقيات حسبنا الله عليهم الي خلونا نتذلل للناس ونشحذ هذا ونتوسل لهذاك
الى ان قدرت ارسلها

يعني خدمة عامة زي هذي المفروض تصير زي خدمة النت
مهو شرط انك تشترك وتاسس خط دي سي ال..عشان مثلا محتاجه للتقديم بالجامعة او مكتب العمل

لان هناك مقاهي للنت توفر لك خدمة الدخول للنت وتخليص معاملتك مقابل مرسوم معينة

لكن ماتصل الى الزامك بان تدخل خط النت بكامله وتدفع الرسوم الباهظة وكانك ستستخدمه استخدام مستمر
وكل مافي الامر ان هناك معاملة حكومية عن طريق النت تريد انهاءها وبعدها لن تحتاج الى النت كله الا مرة كل سنتين او عشرة سنين..

بارك الله فيك اخوي عبد السلام لكن لولا رب العالمين سبحانه وتعالى قبل كل شي وانا اخوك

وصحيح معاك حق البرقيات مشكلتها لابد من هاتف ثابت بس الحمد لله انك قدرت ترسلها عموما اتصل عليهم بعد 20 يوم تقريبا يكونوا فرزوها ان شاء الله وتابع معهم موفق وكل مسلم يارب

السلام عليكم

طيب انا سني تجاوز 25 ولم اتزوج هل اقدر اقدم بمنحة إسكان

ويا ترى اقدم الحين ولا لا

قريت في عكاظ ان محافظة جدة في الشمال حتعلن عن توزيع منح الإسكان الميسر في الشهرين المقبلين

اقدم وقتها ولا من الحين احسن

وانا ناويه اقدم عن طريق الهاتف من رقم 969 فهل يقبلون طلبي

على موضوع اثبات اني ما تزوجت

متى اطلع الورقه لما يطلبوها مني او اطلعها من الحين واخليها جاهزه عندي لوقت الحاجة

وكيف اراجع معاملتي بعدها ووين اروح ؟؟


هاذي النقاط اللي ما فهمتها

افيدوني جزاكم الله خيراً

وعليكم السلام ورحمة الله وبركاته

المنح السكنية الجاهزه ماعندي علم عنها والله

لكن اذا قدمتي برقيه على الديوان الملكي يتم تحويلها على وزارة الشؤون البلدية والقروية وهي بدورها تستفسر عن وضع طالب المنحة ( ارملة . مطلقة . ذوي الاحتيجات والايتام وغيرهم ) اما الغير متزوجة فما اضمن لك لكن اذا حابه تجربي تقدمي على برقية ممكن تكلفك 50 ريال وبعدها تنتظري وتكملي الاجراءات

وربما يأتي من يفيدك بخبر مؤكد

موفقه يارب

السلام عليكم ورحمة الله وبركاته

مشكور اخوي ماقصرت

اهو المؤكد انهم وقفوا منح الأراضي و احالوها لهيئة الإسكان

والمشروع ذا متكلمين فيه من شهر فبراير حق ذي السنة

وحست لين عرفت انه بيجي بعد شهرين الأعلان عنها

انا ابي اقدم من بدري

لأن عندي فرصة ما دمت ما ازوجت فيكمن القى سكن يعيني ويغنيني عن الشحاته

الله يجزيكم خير عطونا وجهه

ابي احد يرد على اسئلتي الله يخليكم

وعليكم السلام

وطاب يومك بكل خير

وشكراً لرد والأهتمام

لو سمحتم

انا رسلت برقية هاتفية وقالو ان البرقية مطبوعة على العلم اني راسلتها من 24 ساعة هل ارسلت ولا لا

لما سألت عميل الهاتف قالي انشاء الله ؟؟؟؟؟؟؟؟

والله خوفني

البرقية مطبوعة يعني خلاص ارسلت..

باقي عليك بس تتصلين على الديوان الملكي وتشوفين وين راحت
وهذا رقمهم014830222

انا قالولي اتصل بعد شهر او 4شهور او 6شهور لانها ماتسجلت بالسجل او الحاسب

أيهم أفضل إرسال برقية من الاتصالات ولا البريد الممتاز .. ؟

وجزاكم الله خير

السلام عليكم ورحمة الله وبركاته

هل يحق للمعاق التقديم على منحة على الديوان الملكي ومنحة ثانية على البلدية بواسطة تعريف من التأهيل الشامل ..


وجزاكم الله خييير

البرقية افضل واقوى

نعم يحق له

اتصلت على رقم الديوان الملكي وربي تعبت يامشغووول والا ماحد يرد اتصلت على الارقام الباقي يقولون لي اتصلي على 014882222 وربي تعبت .... لي الحين اسبوعين من يوم قدمت برقية بس ابى اعرف وصلت البرقية والا وربي وجهي طاااح كاني اتشحد منهم ياكافي

أخي عبد السلام يسلموو ع الإفادة
وجزاك الله خير

اختي ان شاء الله انها وصلت ..

وانتي مالك الا اسبوعين يعني بدري عليك ..انتظري اقل شئ شهر ..

واذا اتصلتي ورد عليك ماراح يقول هي وصلت والا لا..

بيقول لك اتصلي بعد 3 شهور ..

الله يوفقك

اخواني واخواتي ..

انا اتصلت فيهم وقالوا لي انها تم تحويلها على وزارة الشؤون البلدية والقروية..

واعطوني رقم المعاملة والتاريخ ..وقالوا لي راجعي الوزارة بالرياض..

لكني بعيدة ولست من سكان الرياض ..استعلمت عن المعاملة من موقعهم..

فوجدت رقم وارد لها ..وتاريخ وجهة مرسلة لها..( الى أمانة مدينة جدة)..

وحتى السنة (سنة المعاملة= 1431هـ) << هل يعني انتظر كم سنة عشان تجي ههههه

كنت بسأل هل لازم اروح لوزارة الشؤون البلدية بالرياض بنفسي..

والا انتظر لما توصل المعاملة لجدة ؟؟كيف اعرف اصلا انها راحت هناك ؟؟


وفقكم المولى ..وجزاكم جنات النعيم

يااختي مادام وجهوها لامانة جدة معناها ان منحتك راح تكون في جدة..
ومعناها ان صدرتلك منحة وما باقي الا تراجعين امانة جدة سواء بالتلفون او بالحضور


الرياض الان مالها شغل ولا الوزارة معاملتك بجدة..على حسب الي فهمته من كلامك

لكن لاتنسي حفظ رقم المعاملة من ورودها من الديوان الملكي الى ان تصل للامانه وذلك لضمان حقك

والكلام لجميع الاخوان والاخوات

صبحكم الله بالخير
ودي ااحد يفيدني انا مطلقه ولي ولد بمكه يعطوني ارض منحه وكيف الطريقه واي جهه اروح

وجزيتم خيرا