رواتب موظفات إدارة شؤون الموظفين والإداريات في شركة ندى
 

السلام عليكم ورحمة الله وبركاته
أود إطلاعي على سلم الرواتب لوظائف
سكرتيرة\مديرة شؤون موظفيين \موظفة شؤون الموظفين \إدارية
في شركة ندى الأحساء
لمن لديه العلم فليفدنا وجزاكم الله خيرا!
:m

صديقه شكلك ماجاك النوم تفكرين بالرووووووواتب
سبحان الله كلن على همه سرى احنا عندنا تجمع بكره نطالب بالوظايف
وانتي تبين تعرفين كم الراتب خلي عنك الرواتب وتعالي معنا بكره التجمع ترى فيه عوايل خخخخخخخخخخخ

وبالنسبه للرواتب ماعندي فكره والله بالتوفيق

انصحك نصيحه لوجه الله لا تداومي في هذي الشركه
الشركه اختلاط > وانا بنفسي مسوي مقابله فيها وشايف بنت بين اربع مصاريه !!!
ورب البيت كانت البنت هذي تنادينا للدخول على المدير وهي منحرجه > على فكره ( ما كانت متغطيه )
واللي سمعته قبل ما اروح المقابله بعد > ان المدير يطلب من البنت كشف بس للامانه > مادري اذا يطلبها بشكل مباشر او غير مباشر
المهم انهم دعاة للاختلاط وتمييع الدين واللعب والقذاره
وانتي مو اول بنت تكتب وتستفسر عن هذي الشركه
>> دليلك ان البنت اللي تروح تشتغل ما تطول معهم ويدوروا غيرها > او بالاحرى يبوا يخلعوها حجابها ويبوها صيده سهله لهم ولأشكالهم فعشان كذا تضطر البنت الشريفه تطلع وتجي مكانها بنت من شاكلتهم
تقبلي مروري ...

الله يختار لك الخير يا صديقه ‘‘‘

ايه والله مهم أعرف كم الراتب؟
لأن مايسوى أطلع من البيت عشان حفنة كم قرش! هذا غير شرطهم التعجيزي ..كشف الوجه ..مدري ليه حاطينه كشرط أساسي ! حتى نقاب زورو مايبونه!

والا ماقلت لي التجمع وين؟؟؟وعوايل ..ليه؟؟:k

وول ول كل ذا في هالشركة
اختلاط ودعارة..
الإختلاط بحد ذاته مش حرام إلا إذا اللي نوهت له حقيقي..:p
ويعني مافي قسم خاص لعمل النساء بشكل مستقل!
والمالك مش سعودي ومسلم!
ومسالة يطلبها بشكل مباشر أو غير مباشر ..مافهمتها!:confused:
....
يعني البنت اللي تشتغل وتستمر معاهم تحتسب مو شريفة..
كلامك خطير يخلعوها حجابها ويبوها صيدة سهلة لهم :do5h: كأنها موشركة كانها شي ثان اللي خبري خبرك...
يعني انت سامع سوالف شي :do5h:قول قوول!
...
طيب كيف كانت مقابلتك ! أيش طبيعة أسألتهم !
وش نوع الوظيفة اللي تقدمت لها !
ورواتبهم كييف ؟
تحياتي كلاش

اختي رواتبهم ضعيفه جدا مقارنة مع ساعات العمل الطويله
ساعات العمل لا تقل عن 9 ساعات والراتب لا يزيد عن 2000 ريال وتخيلي نفسك بنت جالسه مع 5 او 6 رجال من الجنسيه المصريه وكاشفه الوجه
هذا اللي اقدر اقوله وانشالله ما تداومي عشان ما يجيك يوم تتحسفي وتقولي يا ليت طعت كلام كلاااااااااش
سلاااااااام

تحياتي لك كلاش
وشكرا عالنصيحة ..
أنا بالنسبة لي ما أفكر اتوظف بوظيفة بهالمستوى !
خصوصا أنه عندي خيارات ثانية ومفتوح المجال أمامي لأكمل دراستي !
موضوع الفين ريال مايشدني ..وبالفعل شيكت عالراتب وكلامك صحيح ..ويستثنى منه اصحاب الخبرات ..
خصوصا انه نهاية ذا الشهر عندي كورس لازمني ألتزم فيه ..قلت لو يسوى الشغل في هالشركة راح أكنسل الدراسة !
بس الله العالم وين الأفضل!
والموظف اللي كلمني ماحسييت براحة لموضوع الشغل .. فعطيته خبر يعطيني وقت عشان اتصل عليه وأحدد موعد ! بس مدري حسيته تهرب مني بطريقة مهذبة لشعوري بعدم الراحة !

دعواتكم لي ياكلاش..

أنا كمان مع كلام كلااااااااااااااااااش


أغلب الشركات يستغلون النساء
يخلونك تداومين من 8 إلى 6 المغرب

واراتب لا يصل إلى الفين رياااااال تخيّلي

لا وكمان إختلاط ويشترطوا كشف الوجه وووووووووووو

انا مرة قدمت على شركة بعد ما قالوا ان النساء لهم بيئة خاصه
ولمن اتصلوا علىّ
اتضح ما يلي
غرفة واحدة فقط للنساء بداخل مبنى كله رجااال
الراتب ما يصل إلى الفين ريال
الدوام من 8 إلى 6
ووووووووووووووووو
والله أعلم إيش يصير كمااااااااااان

المهم على طول رفضت شغله مثل كذا

من ترك شيء لله عوضه الله خيرًا منه

كاتبة بلا ..
أنا أردت أن أعرف سلم الرواتب للوظائف ليس إلا ...
فهل في هذي الشركة لايفرق في مستوى الموظف ..
سواء بخبرة أو بدون خبرة...
خريج ثانوي ..
خريج دبلوم ..
خريج جامعي ..
ومستوى التخصص المتخرج منه .. هل كل هذه الأمور لاتؤخذ في الحسبان...

سؤال لكلاش ؟؟أنت توظفت في هالشركة الآن ..ومتندم عالوظيفة؟؟؟
على أي وظيفة مسجل ؟؟ بأي شهادة ؟ كم الراتب المفترض للشهادة المعنية والخبرة المعينة ؟

تحياتي كلاش