تكفون الحل السريع !!
السلام عليكم و رحمة الله و بركاته .. مساء الخير أخواني أعضاء منتدانا الغالي .... عندي مشكلة وأرغب مساعدتكم لي بإيجاد الحل السريع الذي ربما يخفف معاناتي. و الله الذي لا إله إلا هو إني متوظف في أحد الشركات ( قطاع خاص) منذ تقريبا" 3 شهور علما" بأن شهادتي هي دبلوم الكلية التقنية تخصص برمجيات حاسب آلي بمعدل 3.87 من 5 و الوظيفة التي انا عليها الآن هي ( أمين مستودع ) !!! طبعا" لا تناسب مؤهلي وأشعر بحالة نفسية سيئة بسبب عملي لأول مرة في نظام الشركات و الدوام من الساعة 7 ص إلى 4 م. المشكلة أنني أبحث عن عمل (حكومي) <<<<< ما ظنيت و الله !!:confused: يناسب مؤهلي. حقيقة أرغب بالإستقالة فهل تؤيدوني ؟؟؟؟؟ عذرا" على عدم ترتيب الموضوع بسبب الحالة النفسية السيئة . أفيدوني بارك الله لكم و رزقنا الله وياكم الوظيفة المناسبة .. |
اخوي انت بالرياض
|
group1183729@groupsim.com قروب تجمع العاطلين عن العمل
|
انا في الخرج و الشركة في الخرج طريق الرياض
و بالمناسبة اللي عنده خبرة مستودعات بإذن الله أقدر أوظفه بدالي يعني أنا إذا استقلت أجيبه محلي. |
اخوي انت طلع اسمك بديوان هذا اول شيء
ثاني شيء لا تتنازل عن الوظيفه الين يصدر قرار انهم بيظونك الديوان وشكرا تقبل مروري |
اقتباس:
كيف ما فهمت و ضح الله يسعدك و يرزقك |
اقتباس:
شباب صدق طلعت أسماء المتقدمين أفيدوني ؟؟ |
اخوي نصيحه لا تترك وظيفتك صدقني انها احسن من جلستك عاطل اقل شي نفسيتك تكون مرتاحه نوعا ما ارجوك لا تتسرع انا ادوام 10 ساعات فترتين ومرتاح صحيح اول شهرين ماتأقلمت بس بعدين تاقلمت
|
اقتباس:
شكرا" على مرورك الكريم .... يا اخي أداوم بدون نفس كله عشان الوالد و الوالدة لا يزعلون أبي دوام حكومة من 7 إلى 2 أبي أرتاح نفسيا" |
اخي لماذا انت في حالة نفسية سيئه هل هناك مشاكل بالعمل
اذا كان هناك مشاكل وقلق نفسي دائماً . انا اقولك صحتك في المقام الاول استقاله بدون تفكير اما اذا كان بقصد البحث عن وظيفه في قطاع حكومي فالوظيفه الحكومية لاتأتي في يوم او ليله يمكن تجلس شهر 2 شهور سنه سنتان ويمكن ماتجي فعليك اذن الصبر في وظيفتك الين يفرجها الله لك واذا كانت شركتك مرنه معك في عملية الاستئذان اجلس عندهم افض لك قدم في الوظائف المعلنه بالتوفيق |
اقتباس:
شكرا" على مرورك .. و الدوام حلو بس نفسيا" ماني مرتاح , ,,, |
أخوي أنا عاطل لي سبعة شهور أقسم بالله ان عندي حالة نفسية سيئة
كل ما اروح شركة يقولون بنتصل عليك وإلي يقول مافي إقلب وجهك والمشكلة ان تخصصي ادارة مكتبية يعني في اي مجال اتوظف لكن تأكد ان القعده شينة والله شينة وترفع الضغط الناس يروحون المدارس والوظايف وما تبقى الا انت في البيت كأنك مسوي جريمة لكن على العموم لا تستعجل ولا تنسى الاستخاره تقبل مروري وبالتوفيق لنا ولك والله يكتب ما فيه الخير للجميع |
اقتباس:
معليش هذا مو سبب ! نفسياً! ماني مرتاح ماهو سبب تأزم نفسيتك لكي افيدك لأنني ماريت بمثل هالتجربة او اذا كان سبب خاص فيك لاتود ذكره فاأنت حر بالتوفيق |
اقتباس:
شكرا" على مرورك ... و القهر إن رقمي ما طلع مع أرقام المفاضلة. الحمد لله على كل حال |
اقتباس:
شوف طبيعة عملي ... أكرف في المستودع و يمديني أخلص شغلي قبل الظهر و أقعد بدون شغل إلى الساعة 4 عشان اطلع. هذا أحد الأسباب .. |
اخوي جلستك بدون عمل راح تزيد نفسيتك من سوء الى اسوأ صدقني اذا جلست عاطل راح تاكلك الهواجيس والافكار والندم طع شوري راح تستفيد خبره وبعد ما تحصل وظيفه حكوميه راح ترفقها وتتكون لك خدمه يعني اذا خدمت سنه عندهم وحصلت وظيفه حكوميه وباشرت يحسبون لك انك داخل السنه الثانيه بالوظيفه
الله يوفقك ويريح بالك |
اقتباس:
بأفكر و إن شاء الله يرتاح بالي. الله يرزقك و يوفقك |
احمد ربك غيرك ماحصلها..ياخوي انا أشتغل من الساعه 8 لين 6 وبعيد عن اهلي عايش عزوبي ولو اكرف باايديني ورجليني ماخلصت شغلي قبل 6 وحامد الله وشاكره ولازم الواحد يصبر لين مايجيه شي افضل لكن الجلسه بالبيت ماراح توصلك لشي..
بالتوفيق |
اقتباس:
الله يرزقك و يقربك من اهلك |
اللهم أعني و لا تعن علي
|
غالب الموظفين مايرتاحوا في وظايفهم بس يبوون خبرة وراح تلقى ان شاء الله وظيفة حكومية
بسبب الخبرة اللي معك ايا كان والله معك |
اقتباس:
بارك الله فيك .. خبرة 4 شهور تسميها خبرة ؟؟ |
شوف اذا حالتك الماديه مرتاااااااااااااااااحه فا اترك الشغل ليه تعقد نفسك وتتأزم نفسياً
مع اني اشوف ان نفسيتك راح تصير عدددددددم اذا صرت عاطل زوجي اللحين له تسع شهور عااااطل ووراه ديووون و اهله على قد حالهم وللحين ما حصل وظيفه ولا انا تعينت في وزارة التحطيم قارن نفسك مع غيرك وترتاح نفسيتك ... ايه صح كثر من الاستغفار وصل استخاره وربي ان الاستغفار يشيل الهم والغم ويخليك مبسوط الله يوفقك ويكتب لك اللي فيه الخير |
اقتباس:
شكرا" على مرورك و الله يرزق زوجك الوظيفة المناسبة عاجلا" غير آجل |
طيب كم راتبك
|
يأخي انا موظف في شركة يمكن كملت سنتين في البداية تعبت من الدوام لكن والله الان سرت مأبالي تخيل واحد مداوم من سته ونص الى خمسة ونص والخميس نص دوام لكن صبرنا الوظائف الحكومية صعبه في هذي الايام
تحياتي |
لا اؤيد
|
اقتباس:
اقتباس:
يعني لازم نخلق واسطات عشان تمشي امورنا ؟ |
حاول انك تقدم على وظائف اخرى بنفس الوقت خليك بالوظيفه
|
وش تبي اكثر راتبك 4000
غيرك والله ماحصل الالف احمد ربك وتعوذ من ابليس ولاترفس النعمه برجلك |
نصيحه لاتتركها
الا اذا لقيت شغل تتركها وانت وش تسوي بعدين!! |
الساعة الآن 03:38 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين