اسفسار عن الرتب العسكرية ملازم + وكيل رقيب
 

السلام عليكم ورحمة الله وبركاته

أخباااركم ان شاااء الله بخير

عندي استفسار بسيط بخصوص الرتب العسكرية للجامعي

الحرس الوطني اذا كنت جامعي يعطونك وكيل رقيب

الأمنية تعطيك ملازم بعد الدورة 9 شهور

سؤالي

هل الرتبتين بنفس الراااتب لانه كل وحده بقطاااع

واي من القطاعين الترقياات ماشية بسرعة

الوكيل رقيب وش طبيعة عمله

وجزاااااكم الله خيرا

للرفع

شباب اللي عنده علم يفيدنااااا وجزااه الله خيرا

بالنسبه للراتب يختلف من وكيل رقيب والملازم وانت قلت يااوراق انو تقديم حرس الحدود للجامعين الاسبوع ذا حسب كلامك وانا تعشمت فيك كل خير وعندي كمان سؤال كيف طريقة التقديم في الحرس الوطني للجامعيين وشكرا

ياشباب عادي تقدر إذا كنت جامعي تقدم على الحرس الوطني ضباط مثل كلية الملك فهد الأمنية جميع القطاعات فيها تقديم للضباط وغالبآ تقديم الجامعيين للظباط يكون في آخر شهر 7 على 8 تقريبآ
وبالنسبة للراتب ما بين وكيل رقيب وملازم يختلف الراتب بينهم سلم الرواتب واحد مايختلف هي مهب على القطاع الي تتوظف فيه سلم الرواتب واحد بس الي يختلف الأصناف قطاع عن قطاع يختلف في الصنف

وش جاب لجاب هذا ضابط وهذا فرد فرق بين السما والارض الملازم راتبه الاساسي لايقل عن 7000 الآف ريال غير البدلات يمكن يصك فوق العشرة الآف ريال اما وكيل الرقيب في حدود الثمانية الآف مع البدلات والله اعلم .ومن ناحية الترقيات الضباط يمشون افضل من الافراد بحكم وجود قوانين تنفعهم وتحميهم من التأخر في الترقية خلاف الافراد .

هلا بك اخوي

اكيد يالغالي في فرق بين راتب الضابط (الملازم) والفرد (الوكيل رقيب) لان كل واحد وسلمه

والترقيات حسب علمي للضباط اكثر فرصه من الافراد

وبعدين دامك جامعي استغل الفرصه وقدم على دورة الجامعين في كلية الملك خالد العسكريه (الحرس الوطني)

افضل من انك تقدم على وكيل رقيب

افضل القطاعات من ناحية الرواتب اكيد الامنيه لان بدلاتها كثيره وكل قطاع له راتبه مثل ملازم مباحث لايقل راتبه عن 13000 وملازم الامن العام (الشرطه والمرور ....) تقريبا 11000 او اقل يعني كل قطاع وله بدلاته

معلومه مهمه (اطالب الجامعي يدرس في الامنيه سنتين اذا كان تخصصه نظري اما اذا كان علمي يدرس سنه واحده )


سؤالك وش طبيعه عمل الوكيل رقيب صعب تحددها لان كل قطاع يختلف الحرس الوطني لهم اعمال غير الوكيل رقيب في الامن

اتمنى اني وضحت لك لو شي بسيط وسامحنا على القصوور

هلا أخوي ليش ما تقدم على كلية الملك خالد العسكرية أعتقد والله أعلم تعطي للجامعيين ضباااط
والتقديم أكيد بشهر سبعة
والله يوفقنا جميعا