ياجماعة ابي مشورتكم .. الحرس الوطني ولا حرس الحدود
.. السلام عليكم ورحمة الله وبركاتة .. .. أسعد الله صباحكم ومسائكم بكل خير .. : في البداية الحمد لله رب العالمين والصلاة والسلام على اشرف الانبياء والمرسلين نبينا محمد وعلى الة وصحبة اجمعين أما بعد ,,,, عندي في شهر خمسة الحرس الوطني وعندي بعد اسبوعين حرس الحدود مع العلم باني ( فــنــي ) وش الافضل من ناحية العمل ومن ناحية الرواتب ومن ناحية الدورة ومن ناحية الترقيات اتمنى تفيدوني جزاكم الله خير |
اذا كنت من اهل الرياض حرس الحدود مافيها فنيين في الرياض حسب علمي
|
الحرس الوطني أفضل بمليون مرهـ
هو الأفضل من جهة الرآحه النفسيه بآلعمل أما الترقيآت مآفي فرق بينهم كل القطآعين يعآنون من الترقيآت أما الرآتب رآح يكون مثل أي عسكري فني |
وعليكم السلام
الحرس الوطني افضل :) لاكن اذا مو ضامنها رح حرس الحدود بتوفيق لك وللجميع |
اقتباس:
كل شي إلا اني اتعين براء الرياض !!.. هذي بلحالها مشكلة ..!! لكن هم طالبين حضوري في الرياض وانا من سكان الرياض |
يا صاحبي ما عندي علم عنها كلها وش الافضل
لاكن من اجتهادي مع نفسي اراء الحرس الوطني افضل بكثير ربي يوفقك ويوفق الجميع |
اقتباس:
يعني وشرايك اترك حرس الحدود وانتظر الحرس الوطني او اتوكل على الله وادخل حرس الحدود لكن المشكلة ان الاخ رياض يقول بيكون التعيين خارج الرياض وهذي شي بحد ذاتة مشكلة باالنسبة لي |
اقتباس:
هلابك اخوي بصراحة انا عندي ورقة مراجعة من الحرس الوطني في شهر خمسة وماادري هل هم بيقبلوني ولا لا وبيني وبينك انا متخوف من حرس الحدود بعكس اني ابي الحرس الوطني |
وتتوقع حرس الحدود بتكون في الرياض ما اتوقع
والحرس الوطني افضل بكثيير من حيث الرواتب والعمل ومكان العمل بعد والله يوفقك في النهايه استخر ربك والخيره فيما اختاره الله |
اقتباس:
اللهم أأمين ويأأك يأأرب .. .. شاكر لك رائيك ومرورك منور بطلتك وبتواجدك .. |
من رأيي ورأي الشيبان اللي هم خبره الحرس الوطني افضل بكثيـر من حرس الحدود حرس الحدود اول شي عدد المقبولين موب كثير .. وماتدري يمكن تعيينك في شروره ولا جيزان ولا مدري وين ودوامهم زفت مدري عن الفني وين بيكون وكيف طبيعه العمل الحرس الوطني .. دوام راحه حتى حقين المشاه فما بالك بالفني وفي الرياض مضمونه .. وراتبك كثير اذا انت ضامن الحرس الوطني .. روح لها وانتظرهم اللي اعرفه ان الحرس الوطني ارقام بالتجنيد .. ماعطوك رقم تراجع فيه؟ والارقام ماسكه سرى اذا وصلك السرى وبيعطونك موعد للكشف خلاص اترك حرس الحدود وبالنهايه الاستخاره قبل كل شي .. وعسا الله ييسر امورك |
شف يآلغلآ الحرس الوطني والحرس الملكي أفضل قطآعين من جميع النوآحي :)
مشكلة حرس الحدود مآترتآح بمنطقه محدده :z وآحسب حسآب للنقص الزآئد بمنطقة حدود جآزآن :Thumbs_down: روح للحرس الوطني دآم قآئدهآ الأمير متعب بن عبدالله (( حفظه الله )) :Thumbs: |
اقتباس:
والله ياخوي مدري هي في الرياض ولا لا وهذا هو الشي الي مخوفني ( خايف اغلط غلطة عمري ) انا لي (5 شهور ) مقدم على الحرس الوطني وجالس انتظرها مع العلم باني موظف في شركة حالياً لكن لمى سمعت بحرس الحدود قدمت عليهم وقبلوني الحين محتار بين الثنتين :confused: صدقت والله الخيرة في مااختارة الله .. جزاك الله خير |
ياخوي انا اشوف انك تكمل مع حرس الحدود إلين الاخر لان سمعت ان دورة حرس الحدود في شهر عشرة وإذا جاء موعدك في الحرس الوطني روح وكمل معاهم وفي النهايه إذا جاتك الاثنين استخير وقرر
لاكن اهم شي لاتترك حرس الحدود ( إلعب على الحبلين) |
اقتباس:
ولكن انا خايف مايقبلوني ويكون راحو علي الثنتين ..!! |
اقتباس:
واللي تجيك اول شي روحها والله يوفقك مـــــــــــــــــــــــــــوفــــــــــــــــــــ ـــــــق |
ماشاء الله فالثنتين الله يوفقك وماعليك من الكلام الزايد روح الثنتين ولا تسمع اللي يقول الحرس الوطني احسن من حرس الحدود ونت مو خسران شي كلها برياض واللي ربنا كاتبها لك بتاخذها ممكن نصيبك بالسلاح ونت مارحت بتروح عليك ويكون مالك نصيب بالحرس الوطني وتروح الثنتين لاكن انت روح الثنتين واللي تجي الله يوفقك فيها
بالــــــــــــــــــــــتوفــــــــــيق |
ايه والله كلام احلى جنوبي احلى كلااااام روح الاثنين منت بخسرررررران شي وبالتوفيق
|
الله يوفقك ويكتبلك اللي فيه الخير
ياكثر اللي اعرفهم بالحرس الوطني وحرس الحدود الحرس الوطني التعيين بالمدن الرئيسيه حرس الحدود على اسمها بتكون على الحد الا اذا وظيفتك جابتك لمدينه رئيسيه فهنا بتكون فيها احتماليه الحرس الوطني جندي راتبه مايقل عن 5500 وانت توك جديد فمابالك لو مشيت الحرس الوطني اذا ربي وفقك وملكت قبل ماتتزوج اضمنلك بيت باسكانهم واسكان الحرس معروف بالفلل حقته يعني بأذن الله بترتاح فأنت وانا اخوك استخر ربـك وشف اللي خاطرك فيها قبل ماتستعجل يمكن تقول حرس الحدود مابيها تضيع علي وانت من داخلك تبي الحرس بتقعد بحرس الحدود شهر شهرين سنه سنتين وبتطق روحك فخل قرارك يكون براحه واستخاره وبأذن الله التوفيق حليفـك كل الشباب ماقصرو الكل يعطيك رايه وبالاول والاخير انت صاحب القرار والشـان اوفر التحايا لك |
روح لها كلها وكمل اجراءتكم وذا جات معاك كلها اختر الحرس الوطني وانت مغمض اعيونك لانها راحه والتعين راح يكون بالرياض
ترا انا نفس الشي مقدم على حرس الحدود ولو قالو التعين برا الرياض راح اسحب عليهم لاني ماابي غير الرياض وقبل كل شي استخير وان شاء الله ربي يوفقك يارب بالتوفيق للجميع |
الله يوفقك
|
' طيب ياشباب تكفون ابي التعين الاكيد يارب الشمال اما الجنوب معصي اروح
|
الله يوفق الجميع
|
تبي شوري ..؟؟؟؟؟؟
انا اقول لك رح الحرس الوطني لان الراحة مظمونة من حيث.....:| المكان والراتب والمميزات اقصد يعني انهم يخلونك في مكان واحد مش مثل حرس الحدود كل اسبوع في مكان .ولكن يبقى الاختيار الاخير هو لك لانك صاحب الشيء............ تقبل تحياتي.......... |
روح للحرس الوطني وتوكل على الله
|
السلام عليكم ورحمة الله وبركاته
أخوي ستايلي شماغي خذ العلم الوكاد (( أسأل مجرب ولاتسأل طبيب)) النواحي الي تسأل عنها كلها خليها على جمب أهم شي راحتك النفسية بالعمل والله ثم والله تسوى الدنيا ومافيها انا بحرس الحدود إذا عندك واسطة قووووووية تخلي رقمك بالرياض رواتبها طيبة وعمل المكاتب مررة حلو غير كذا لاترووووووووح والحرس الوطني والله كثير مرتاحيين فيه يكفي ان العمل داخل المدن ومافيه امل تعمل بالحدود حتى لو ماجيت بالرياض كلها كم سنه وتجي انشاءالله اما حرس الحدود نفسية مايعرفها الا الي مجربها والي ماعنده واسطه يطيح فهااااويه والله مايخرج منها (( والخيرة فيما اختاره الله )) |
الله يوفقك اخوي لا تنسى تصلي الاستخارة
|
بصراحة كلامكم كلة مفيد وبصراحة انا استفدت منة , انا كنت غافل عن اشياء وانتو نورتوني فيها الله يوفقكم , واخص باالذكر كل من اتحفني بمعلوماتة , الله يعطيكم العافية ويجزاكم خير , الله يبيض وجيهكم ويرزقكم من اوسع ابوابة
|
الحرس الوطني احسن بكثير من حرس الحدود الله يوفق الجميع |
موفق بإذن الله ... لك مني أجمل تحية .
|
اخوي بالنسبه للراحه هو الحرس ام الراتب فهو حرس الحدود
|
الساعة الآن 08:18 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين