|
حبيب العـآزمـي .. سامح الله من قصدني واعتمدني
بسم الله والصلاة والسلام على اشرف خلق الله ، إسعد الله إوقـآتكم بـ الخيـر والمسرإت حبيـت إنقل لكم هذه القصيده وإتمنى تحوز على رضإكم ، سامح الله من قصدني واعتمدنـي بالخطيـه من قريبين الجدود ومن بعيديـن الجـدودي دايـمٍ مايفلح اللـي غيّر النيـه بنـيـه والخطيه كـان ماتنقـص تراهـا ماتـزودي خابر انك ماتـروح بعيـد يـاراع الرديـه لو مشيت (2000) كيلو ماتعديك الحـدودي انـت طرقـيٍ معنّـى لاشـداد ولا مطيـه لا انت فتال العقود ولا انت حلال العقـودي لو تحّزم بالرصاص ولـو نقلـت البندقيـه الرصاص يذل والبندق تذل مـع الشـرودي هبّ وانا راعـي العشـوا وخيّـال العبيـه كيف يارخو العضود تضد مفتول العضودي والله انـي لا كليـل ولاذلـيـل ولاعلـيـه مير احسب لي علومٍ مابقي منهـا وجـودي احسب حساب الرفاقه والمـروه والحميـه حشمة للطيبيـن اللـي بعضهـم فاللحـودي نظرتـي فالطيبيـن ونظـرة الحسـاد فيـه كلها نظرة حسد والعود في عين الحسـودي والله اني ما ادعيـت بحجّـةٍ ماهيـب ليـه حجتي ما تنجحد واللي جحدها من شهـودي خافوا الله يالقضاه اللـي تعرفـون القضيـه الصحيح يسود والباطل مصيـره مايسـودي لامطالبكـم بديـن وذمتـي منكـم بـريـه مابقي غير العلوم اللـي يبيحـن السـدودي بيّنٍ عيـد رمضـان وبيّـنٍ عيـد الضحيـه ياعسى الاول يعود وياعسى الثاني يعـودي ياقطن جاتك مزوّعـةٍ مـن الحـرّه طميـه مستخفّه عقب كانـت لارمـوح ولاهبـودي ساقها عشق الجنـون وساعدتهـا الجاذبيـه لين عدتهـا الجبـال المستطيلـه والنفـودي معجزه في عصرنا الحاضر وعصر الجاهليه الهوى صاب الحجر مابه قلوب ولا كبـودي وين قيس بن الملوح ويـن ليلـى العامريـه كيف ماينصفهم اللي ينصف ديانـا ودودي!! والعزا فيما بقـى واللـي بقـا فيـه البقيـه مرة الايام بيـض ومـرت الايـام سـودي يالله اجعـل خاتمتنـا بالسـلام وبالتحـيـه ونتوفى محرمين وفي حرم ربـي سجـودي |
كلمات راائعه
يعطيك العافية على النقل سلمت أنااملك . |
صح لسان حبيب
|
صح لسانك ولسان شاعرنا
يعطيك العافية على هالكلمات الاكثر من رائع |
اقتباس:
اقتباس:
إختيار جميل ل شاعر مُبدع لاهنت يا الغالي .. |
يعطيك العافيه على النقل الرائع
|
| الساعة الآن 02:53 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين