|
ماطاح من عيني رجل ..!! طاحوا .. رجال
مادمت تنشـد يارفيقـي .. عـن الحـال مالي علـى .. كتمانهـا عنـك .. حيلـه الصبر عـن بـوح الاحاسيـس .. قتـال والبوح فـي بعـض المواقـف ، فشيلـه لـو كـل مايطـري علـى البـال ينقـال ماكانـت أحـس ان الثقيلـه .... ثقيلـه ابطيـت اكافـح ضيقـة البـال بالـبـال وادفـع بـلا .. هاجوسهـا كـل .. ليلـه ليـن اقبلـت مثـل .. السحابـه بهمـال تشفـي غليـل اللـي .. تزايـد غليـلـه رعـادهـا خـيـلاً تـدابـك وتخـتـال وبراقهـا لامـع السـيـوف الصقيـلـه طاحت ، ولاْوفـق مـن حنايـاك منـزال وسع فضى صدرك ( لـفيض ) المخيلـه يابدر .. ماني عال .. لـو صحتـي عـال شفنـي مـن الصدمـات نفسـي عليلـه اشيـل حمـلٍ .. لـو يشيلنـه .. جبـال الله ، وامانـه .. غيـر تصبـح نثيـلـه أرمي .. من هموم الزمن .. واسحب أدبال وانزل عن ( الجوكر ) وغيـري يشيلـه من كثر ماشفت بحياتي من انـذال ....!! بديـت اشـك ان النذالـه ... فضيـلـه ماطاح من عيني رجل ..!! طاحوا .. رجال ورجال ( يابـن حنيـف ) ماهـي قليلـه اقرب من اللـي قالهـم ضمـن ماقـال .. راكان بـن حثليـن .. راعـي الجزيلـه ( هذا .. ولد عمٍ ، وهـذا .. ولـد خـال وهـذا .. رفيـقٍ مالقينـا .. بديـلـه ) سبحان منهـو يابـد غيّـر الحـال ..!! وحـط الجفـا بيـن الخليـل .. وخليلـه هـذا الزمـن يبغالـه .. لسـان دلاّل .. ! من يستحـي هالوقـت .. واعزتـي لـه وقتٍ به ( الراعي ) غدى .. راعـي دلال كلٍ على طاريـه .. ينفـض شليلـه ..!! ومن كان ساسه للـردى مضـرب امثـال اليوم .. يحسب مـن كبـار القبيلـه ..!! المال .. يابن حنيف ملعون .. ابو المـال ذل العزيز .. وعز .. نـاسٍ ذليلـه ...!! |
يعطيك العافية أخوي قصيدة رائعه وكلمات أروع سلمت يداك . |
معروووف شاعرها خلف مشعان واسمحولي اللقبة باامير الشعراء والشعر لكتابتة التي تدخل في الصميم
شكراً ولد الحمايل طرح جميل لا هنت |
| الساعة الآن 09:17 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين