|
ومن لا يقدر خوتي .. ويش أبي فيه
ومن لا يقدر خوتي .. ويش أبي فيه ------------------------------------------- الادمي حزنـه يصيبـه ويخطيـه ............ويعيش مابين النصـر والهزيمـه أحيان يصبـر ويتحمـل ويخفيـه ..........واحيان يطعنه الحزن في صميمـه وأنا امتلا صدري هموم ومشاريـه ...........واليا سكت أكبر عـذاب وجريمـه بقولهـا والعلـم مافـيـه يكفـيـه .........يالصاحب اللي بي سواتك وخيمـه يالضامي اللي مالقى قلـب يسقيـه ...........وزرعت له بين المعاليـق غيمـه تمطر على عروقه جمايل وترويـه ............وتزهر بعد كانت يبـاس وهشيمـه واقولـه أبشـر وحاضـر ولبيـه .............وانكر معاريـف اليديـن الكريمـه الرجل لو ماعاش من مكسب يديـه .............عيشه على مـدات غيـره شتيمـه ومن لا أستحى كل شي يقدر يسويه .............ولا للمنافـق والكـذوب أي قيمـه والعمر مهما نعيش معروف تاليـه ............ولايبقى ذكر ألا التقـى الصتيمـه ومن لا يقدر خوتي .. ويش أبي فيه ............فرقاه عن عينـي غنـاه وغنيمـه أدور الطيب واحشمـه .. وابديـه ..............ولا التفت لهـل الـردا والنميمـه والصاحب الكفو .. السنافي اخاويه ................واقـدره قـدر النديـم النديـمـه ولا كل ماكنه على النـاس أببديـه ...........في وقت مابيـض النوايـا سليمـه ولو الزمان اعلم وش أدنى خوافيه ..........أترك هزيل الوقت لرضا عظيمـه ولو كل خاطر مجبر أنـي أداريـه ..........أبلشت فكـري بالعقـول السقيمـه |
والصاحب الكفو .. السنافي اخاويه
................واقـدره قـدر النديـم النديـمـه يعطيك العافيه قصيده رائعه |
اخوي ولد الحمايل
قصيدة جميلة جدا يعطيك الف عافية |
| الساعة الآن 06:06 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين