حلول البطالة Unemployment Solutions - بيت شايب وسط صحراء

بيت في صحرا لحاله
والفضا حوله مسافة .
كلها هم وحسافة .
وين ماتنظر تلاقي .
حوله الدنيا براري
آه ياكبر الصحاري .
كن هذا البيت حاله .
لا وربي
هذا واحد . هذا شاهد
مثل هذا الف حاله
يسكنه شايب تعيس
مسكنه كله جريد
قش جدرانه وسقفه من صفيح
ما تماسك . لو من النسمه يطيح

لافراش و لامداس
ولا لحاف إلا سما
مثلما صبره سما .
كنه ما يملك حواس
راس ماله طفلتين
أجمل -أجمل زهرتين
عايشه بوسط الصحاري
واربع شياه وخروف .
كن ما بالكون خوف .
صامد بوجه التعب .
عمره مره ماعتب
لا ولا مره سأل .
ليه أنا وسط الحتوف .
خان وقته في وجوده
ولا لقا منه يقوده.
ويشبع أفواه الجياع
آه ياذل الجياع
ولا لقا منه يعوده.
ويفتح لقلبه سماع.
مثل هذا الف حاله .
لاوربي

ألف ألف من الإحاله.
في مقابل كم .
من صفوة حثاله .
ماقدر يسكن مدينه
ولا يعلم بنت وحده
يمكن تساعد وجوده
عندما يصفر عوده
ولوسكن منه يعينه
صارت الدنيا بعينه
أكبر أكبر من لعينه
تمرض زهوره وتشفى
ماقدر ياصل لمشفى
لاوسيله
لاوظيفه
لا مرتب
شوف حاله كيف يصعب
كان باقي في عروقك
بعض من نبض الفضيله